Xasanov Baxtiyor Madaminovichning
falsafa fanlari doktori (PhD) dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «O‘zbekistonda fuqarolik jamiyatining shakllanishi va rivojlanishida ommaviy axborot vositalari faoliyatini takomillashtirish», 23.00.02–Siyosiy institutlar, jarayonlar va texnologiyalar.
Dissertatsiya mavzusi ro‘yxatga olingan raqam: B2017.1.PhD/Siyos11.
Ilmiy rahbar: Normatov Karim Normatovich, tarix fanlari doktori, professor.
Dissertatsiya bajarilgan muassasa nomi: O‘zbekiston Milliy universiteti.
IK faoliyat ko‘rsatayotgan muassasa (muassasalar) nomi, IK raqami: O‘zbekiston Milliy universiteti, DSc29.08.2017.S.01.08.
Rasmiy opponentlar: Bekmurodov Mansur Bobomurodovich, sotsiologiya fanlari doktori, professor; Muhammadiev Ulug‘bek Nasriddinovich, siyosiy fanlar nomzodi.
Yetakchi tashkilot: Fuqarolik jamiyati shakllanishini monitoring qilish mustaqil instituti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi: fuqarolik jamiyatining shakllanishi va rivojlanishida ommaviy axborot vositalari faoliyatini takomillashtirish yo‘llarini tadqiq etishdan iborat.
III. Tadqiqotning ilmiy yangiligi:
modernizatsiya sharoitida sifatli yangi kontent yaratishga qaratilgan jamoatchilik ongini shakllantiruvchi ijtimoiy institut sifatidagi mass-media tizimining onlayn axborot uzatish, muhim voqealarni rivojlanishda yoritish, ekspress savol-javob uslublari ishlab chiqilgan;
fuqarolik jamiyati institutlari va OAV hamkorligini optimallashtirishda hamkorlik memorandumlari tuzish, zamonaviy texnologiyalarni va jamoatchilik nazoratida PR-texnologiyalarni qo‘llash kabi innovatsion mexanizmlar ishlab chiqilgan;
O‘zbekistonning hozirgi tub burilish pallasida sifat jihatidan OAVning yangi auditoriyasini shakllantirishda internet va ommabop ijtimoiy tarmoqlarning imkoniyatlaridan samarali foydalanishni ko‘zda tutuvchi mass-medianing zamon standartlariga mos yo‘nalishlari ishlab chiqilgan;
davlatning fuqarolik jamiyati bilan samarali va konstruktiv muloqotini yo‘lga qo‘yishda OAV faoliyatini takomillashtirish bo‘yicha teskari aloqa ta’siri, disput-klublar, video-ko‘priklarni tashkil etishdan foydalanish kabi nazariy va amaliy asoslangan takliflar ishlab chiqilgan.
IV. Tadqiqot natijalarining joriy qilinishi.
Jamiyatni modernizatsiyalash sharoitida fuqarolik jamiyati institutlarining samaradorligini oshirish bo‘yicha olingan natijalar asosida:
tadqiqotda keltirilgan xulosa va tavsiyalar O‘zbekiston MTRKning yetakchi telekanallari tomonidan davlat siyosatining innovatsion yo‘nalishiga jamoatchilik e’tiborini samarali tarzda jalb etish, sifat jihatidan mutlaqo yangi kontentni yaratishda qo‘llanilgan (O‘zbekiston Milliy teleradiokompaniyasining 2018 yil 12 sentyabrdagi 01-20/3814-son ma’lumotnomasi). Natijada onlayn axborot uzatish, muhim voqealarni rivojlanishda yoritish, ekspress savol-javob uslublari «Xalq bilan yuzma-yuz», «Muammo va echim», «Noyob institut», «Ochiq muloqot», «Tadbirkorlik – qonun himoyasida» kabi ko‘rsatuvlarni tayyorlashga xizmat qilgan;
fuqarolik jamiyati institutlari va OAV hamkorligini optimallashtirishda zamonaviy texnologiyalarni qo‘llash, hamkorlik memorandumlari tuzish, jamoatchilik nazoratida PR-texnologiyalarni qo‘llash kabi innovatsion mexanizmlar va g‘oyalar asosida mahalla institutining jamiyatda yuksak ma’naviy qadriyatlarni qaror toptirish, milliy urf-odat va an’analarga hurmat bilan avaylab munosabatda bo‘lish, mamlakatda tinchlik va barqarorlikni asrash va mustahkamlash, millatlararo va konfessiyalararo totuvlikni mustahkamlash, joylarda jamoat xavfsizligi va huquq-tartibotni ta’minlashdagi o‘rni va ahamiyatini ochib beruvchi takliflardan O‘zbekiston MTRKning yetakchi telekanallarining «Osuda hayot», «Jamiyat va huquq», «Qadr topgan qadriyatlar» va «Mahalla minbari» kabi dolzarb ko‘rsatuvlarini tayyorlashda foydalanilgan (O‘zbekiston Milliy teleradiokompaniyasining 2018 yil 12 sentyabrdagi 01-20/3814-son ma’lumotnomasi). Natijada teleko‘rsatuvlar saviyasini oshirishga xizmat qilgan;
O‘zbekistonning hozirgi tub burilish pallasida sifat jihatidan OAVning yangi auditoriyasini shakllantirishda internet va ommabop ijtimoiy tarmoqlarning imkoniyatlaridan samarali foydalanishni ko‘zda tutuvchi mass-medianing zamon standartlariga mos yo‘nalishlaridan “Uzbekistan Today” va “O‘zbekiston ovozi” tahririyatlarida samarali foydalangan (O‘zbekiston jurnalistlari ijodiy uyushmasinign 2016 yil 3 noyabrdagi 12\\229-son, “Uzbekistan Today” tahririyatining 2016 yil 3 noyabrdagi 881-son va “O‘zbekiston ovozi” tahririyatining 2017 yil 3 noyabrdagi 238-son ma’lumotnomalari). Mazkur takliflar ushbu nashrlarni nodavlat notijorat tashkilotlari faoliyatini yoritishda, ular bilan hamkorlik hamda muloqotni mustahkamlashda samarali maydon yaratishga xizmat qilgan;
tadqiqotning xulosalari va uning asosida ishlab chiqilgan tavsiyalar davlatning fuqarolik jamiyati bilan samarali va konstruktiv muloqotini yo‘lga qo‘yishda, fuqarolik jamiyati institutlari va OAV o‘zaro hamkorligini takomillashtirishning amaliy masalalarini ishlab chiqishda foydalanilgan (Fuqarolik jamiyati shakllanishini monitoring qilish mustaqil institutining 2018 yil 17 sentyabrdagi 04/403-son ma’lumotnomasi). Natijada O‘zbekiston Respublikasi Prezidenti huzuridagi Strategik va mintaqalararo tadqiqotlar instituti bilan hamkorlikda o‘tkazilgan siyosiy partiyalarning Markaziy apparati va partiya gazetalari xodimlari uchun seminar tashkillashtirishga xizmat qilgan.
