Азизтаева Феруза Алпомишевнанинг
фалсафа доктори (PhD) диссертацияси ҳимояси ҳақидаги эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Туризм хизматларини ривожлантиришнинг самарадорлигини ошириш имкониятлари (Жиззах вилояти мисолида)”,  08.00.05 – Хизмат кўрсатиш тармоқлари иқтисодиёти (иқтисодиёт фанлари).
Диссертация  мавзуси  руйхатга олинган рақам: В2019.3.PhD/Iqt1095.
Илмий раҳбар: Бобаназарова Жамила Холмурадовна, иқтисодиёт фанлари доктори, профессор.
Диссертация бажарилган муассаса номи: Жиззах политехника институти.
ИК фаолият кўрсатаётган муассаса номи, ИК рақами: Бердақ номидаги Қорақалпоқ давлат университети, PhD.03/30.01.2020.I.20.06.
Расмий оппонентлар: Утемуратова  Гулнарахан   Хожаниязовна, иқтисодиёт фанлари доктори, профессор; Насимов Дилмурод Абдуллоевич, иқтисодиёт фанлари доктори, профессор.
Етакчи ташкилот: Самарқанд давлат унверситети.
Диссертация йўналиши: назарий ва амалий аҳамиятга молик.
II.Тадқиқотнинг мақсади: Туризм хизматларини ривожлантириш самарадорлигини назарий-услубий тадқиқ этиш асосида унинг имкониятларини ошириш бўйича илмий асосланган таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
минтақада туризмни ривожлантиришнинг устувор йўналишлари, жумладан “туризм қишлоқлари”, тоғ ва спорт-соғломлаштириш туризмини янада жадаллаштириш, халқаро  туризм  бренди  ва инфратузилма объектларини жадал барпо этиш кабиларга кўра  такомиллаштирилган;
Зомин, Фориш, Бахмал, Ғаллаорол туманлари ва Жиззах шаҳрида туризм инфратузилмасини жадал ривожлантириш, туристлар кўп ташриф  буюрадиган туристик (табиий, маданий, тарихий) ресурсларга  кўра  туристик хизматларни жадал ривожлантириш  ва  янги  иш  ўринларини  яратиш  имкониятлари  асосланган;
туризм соҳасини ривожлантириш омилларининг таъсирига кўра туризм инфратузилмаси ва хизматларини ривожлантириш самарадорлигинининг 2024-2026 йилларга  мўлжалланган  прогноз  параметрлари  ишлаб чиқилган;
минтақада экологик туризмни ривожлантириш имкониятлари асосланган ҳамда маркетинг стратегияси туризм ташкилотчилари ва миллий (маҳаллий) туристик тузилмалар ҳамкорлигини мақсадли маркетинг сегментига кўра такомиллаштирилган.
IV. Тадқиқот натижаларининг жорий қилиниши.
Туризм хизматларини  ривожлантиришнинг самарадорлигини ошириш имкониятлари   юзасидан   ишлаб  чиқилган   услубий  ва  амалий  таклифлар асосида:
минтақада туризмни ривожлантиришнинг устувор йўналишлари, жумладан “туризм қишлоқлари”, тоғ ва спорт-соғломлаштириш туризмини янада жадаллаштириш, халқаро туризм бренди ва инфратузилма объектларини жадал барпо этиш бўйича таклифлар Жиззах вилояти Туризм бошқармаси  томонидан “Жиззах вилоятида 2023-2025 йилларда ҳудудларнинг туризм салоҳиятини изчил ўрганиш натижасида амалга оширилиши режалаштирилган чора-тадбирлар” дастурини ишлаб чиқишда фойдаланилган  (Жиззах вилояти Туризм бошқармасининг 2024-йил 15-мартдаги 02/89-сон маълумотномаси). Таклифлар минтақа хусусиятлари ва мавжуд (истиқболдаги) имкониятларга кўра туризмни ривожлантиришнинг устувор йўналишларини такомиллаштиришга кўра фаолият самарадорлигини оширишга муайян даражада хизмат қилган;
Зомин, Фориш, Бахмал, Ғаллаорол туманлари ва Жиззах шаҳрида туризм инфратузилмасини жадал ривожлантириш, туристлар кўп ташриф буюрадиган туристик (табиий, маданий, тарихий) ресурсларга кўра туристик хизматларни жадал ривожлантириш ва янги иш ўринларини яратиш бўйича таклиф Жиззах вилояти Туризм бошқармаси томонидан “Жиззах вилоятида 2023-2025 йилларда ҳудудларнинг туризм салоҳиятини изчил ўрганиш натижасида амалга оширилиши режалаштирилган чора-тадбирлар” дастурини ишлаб чиқишда фойдаланилган  (Жиззах вилояти Туризм бошқармасининг 2024-йил 15-мартдаги 02/89-сон маълумотномаси). Ушбу таклиф вилоят ҳудудлари хусусиятларига кўра соҳада тадбиркорлик фаолияти ва инфратузилмани ривожлантиришда инвесторлар учун  жозибадорликни ошириш ва хизматлар самарадорлигини оширишда имкониятлардан тўлароқ фойдаланишга муайян даражада хизмат қилган;
туризм соҳасини ривожлантириш омилларининг таъсирига кўра туризм инфратузилмаси ва хизматларини ривожлантириш самарадорлигинининг 2024-2026 йилларга  мўлжалланган  прогноз параметрлари бўйича таклиф экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси томонидан “2023-2025-йилларда ҳудудларнинг туризм салоҳиятини изчил ўрганиш натижасида амалга оширилиши режалаштирилган чоратадбирлар дастури”ни ишлаб чиқишда фойдаланилган  (Ўзбекистон Республикаси Экология, атроф-муҳитни  муҳофаза қилиш ва иқлим ўзгариши вазирлиги ҳузуридаги Туризм қўмитасининг 2024-йил 25-мартдаги 03-12-17-1821-сон маълумотномаси). Таклиф вилоятда туризм соҳасининг ривожланиш истиқболларига таъсир  кўрсатувчи  муҳим  омилларга  кўра  умумҳолатни  ривожлантириш  имкониятлари ва чора-тадбирлар самарадорлигини муайян даражада оширишга хизмат қилган.
минтақада экологик туризмни ривожлантириш имкониятлари асосланган ҳамда маркетинг стратегияси туризм ташкилотчилари ва миллий (маҳаллий) туристик тузилмалар  ҳамкорлигини мақсадли маркетинг сегментига кўра такомиллаштириш бўйича таклиф экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси фаолиятига жорий этилган (Ўзбекистон Республикаси Экология,  атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитасининг 2024-йил 25-мартдаги 03-12-17-1821-сон маълумотномаси). Таклифлар экологик туризм хизматлари  самарадорлигини  ошириш ва ушбу туризмни ривожлантиришнинг ташкилий-иқтисодий  механизмларини  такомиллаштиришга хизмат қилган ҳолда соҳа самарадорлигини оширишга муаян даражада хизмат қилган.