Kadirov Yorkin Baxodirovichning
falsafa doktori (PhD) dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Issiqlik-massa almashinish jarayonlarini boshqarish va optimallashtirish (rektifikatsiyalash misolida)», 05.01.08–Texnologik jarayonlar va ishlab chiqarishlarni avtomatlashtirish va boshqarish (texnika fanlari).
Dissertatsiya mavzusi ro‘yxatga olingan raqam: B2017.4.PhD/T513.
Ilmiy rahbar: Muxitdinov Djalolitdin Paxritdinovich, texnika fanlari doktori, professor.
Dissertatsiya bajarilgan muassasa nomi: Toshkent davlat texnika universiteti.
IK faoliyat ko‘rsatayotgan muassasa (muassasalar) nomi, IK raqami: Toshkent davlat texnika universiteti, DSc.27.06.2017.T.03.02.
Rasmiy opponentlar: Igamberdiev Xusan Zakirovich, texnika fanlari doktori, professor, akademik; Ismailov Mirxalil Agzamovich, texnika fanlari doktori, professor.
Yetakchi tashkilot: “Ximavtomatika” mas’uliyati cheklangan jamiyat.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: sanoat kolonnalarini boshqarish maqsadida rektifikatsiyalash jarayoni dinamikasining to‘liq matematik modelini ishlab chiqish hamda metanol ishlab chiqarishda rektifikatsiyalash kolonnalarining optimal konstruktiv va texnologik parametrlarini hisoblashdan iborat.
III. Tadqiqotning ilmiy yangiligi:
issiqlik va massa almashinish nazariyasi asosida o‘z tarkibiga qaynatgich va kondensatorlarni qamrab olgan rektifikatsiyalash kolonnasining to‘liq dinamik modeli ishlab chiqilgan;
binar aralashmalarni ajratishning sanoat rektifikatsiyalash kolonnalari misolida dastlabki tizimning ichki parametrlari va tashqi g‘alayonlarning aprior noaniqligida rektifikatsiyalash jarayonining dinamikasini ifodalovchi model strukturasi ishlab chiqilgan;
rektifikatsiyalash kolonnasi dinamik modelining parametrik identifikatsiyasi amalga oshirilgan va metanol ishlab chiqarishdagi rektifikatsiyalash kolonnalarining optimal konstruktiv hamda texnologik parametrlarini hisoblash usullari ishlab chiqilgan;
rektifikatsiyalash kolonnalarini optimal boshqarish tizimi sintezi asosida metanol ishlab chiqarishdagi takomillashtirilgan boshqarish tizimi ishlab chiqilgan.
IV. Tadqiqot natijalarining joriy qilinishi.
Metanol ishlab chiqarishda rektifikatsiyalash kolonnalarining ishlash rejimlarini modellashtirish va optimallashtirish hamda rektifikatsiyalash jarayonining boshqarish tizimini yaratish bo‘yicha olingan ilmiy natijalar asosida:
rektifikatsiyalash kolonnalarining optimallashtirilgan texnologik parametrlari Navoiy shahridagi «Navoiazot» AJda joriy qilingan («O‘ZKIMYoSANOAT» AJning 2018 yil 25 iyuldagi 01-3112/A-son ma’lumotnomasi). Natijada tayyor mahsulot (metanol) tozaligini talab qilingan me’yorgacha oshishiga erishilgan;
massa uzatish kinetikasini hisobga oluvchi ko‘p komponentli rektifikatsiyalash texnologik jarayonlarining dinamik rejimlarini nochiziqli matematik modellari Navoiy shahridagi «Navoiazot» AJda joriy qilingan («O‘ZKIMYoSANOAT» AJning 2018 yil 25 iyuldagi 01-3112/A-son ma’lumotnomasi). Natijada rektifikatsiyalash jarayoni dinamikasida boshqarish sifatining oshishiga erishilgan;
rektifikatsiyalash texnologik jarayonini boshqarish va dasturiy amalga oshirilgan operativ nazorat algoritmi Navoiy shahridagi «Navoiazot» AJda joriy qilingan («O‘ZKIMYoSANOAT» AJning 2018 yil 25 iyuldagi 01-3112/A-son ma’lumotnomasi). Natijada massa almashinish jarayonini boshqarishni sifat ko‘rsatkichlari yaxshilanishiga erishish, energiya va resurs iste’molini 17-19%ga qisqartirish imkonini bergan.
