Богданов Александр Николаевичнинг

фан доктори (DSc) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Бухоро-Хива региони палеозой ётқизиқларининг нефтгазлилик истиқболлари», 04.00.07–Нефть ва газ конлари геологияси, уларни қидириш ва разведка қилиш (геология-минералогия фанлари).

Диссертация мавзуси рўйхатга олинган рақам: В2018.2.DSc/GM36.

Илмий маслаҳатчи: Абдуллаев Ғайбулла Сайфуллаевич, геология-минералогия фанлари доктори, профессор.

Диссертация бажарилган муассаса номи: Нефть ва газ конлари геологияси ҳамда қидируви институти.

ИК фаолият кўрсатаётган муассасалар номи, ИК рақами: Нефть ва газ конлари геологияси ҳамда қидируви институти, Ўзбекистон нефть-газ саноати илмий-тадқиқот ва лойиҳалаш институти, Тошкент давлат техника университети, Россия давлат нефть ва газ университетининг Тошкент шаҳридаги филиали, DSc.27.06.2017.GM/Т.41.01.

Расмий оппонентлар: Раджабов Шуҳрат Сайфуллаевич, геология-минералогия фанлари доктори; Бакиев Саиднасим Алимович, геология-минералогия фанлари доктори; Садикова Лола Ренатова, геология-минералогия фанлари доктори.

Етакчи ташкилот номи: «Ўзбекгеофизика» АЖ.

Диссертация йўналиши: назарий ва амалий аҳамиятга молик.

II. Тадқиқотнинг мақсади: Бухоро-Хива региони палеозой ётқизиқларининг нефтгазлилик истиқболларини асослашдан иборат.

III. Тадқиқотнинг илмий янгилиги:

палеозой ётқизиқларининг блокли-узилмали тузилиши аниқланган;

чуқур бурғиланган қудуқлар ва геофизик тадқиқотлар натижалари бўйича палеозой ётқизиқларининг геологик тузилиш хусусиятлари ҳамда жойлашиш шароитлари аниқланган;

гетероген (генезиси, моддий таркиби, ёши бўйича) ётқизиқлардан иборат ҳамда чўкинди тўпланишидаги узоқ континентал танаффус ва тектогенезнинг барча босқичларида жадал бурмаланиш натижасида шаклланган палеозой ётқизиқлари юзасининг кескин дифференциал табиати аниқланган;

Бухоро-Хива региони палеозой ётқизиқларининг структуравий-морфологик схемаси ишлаб чиқилган;

Бухоро-Хива региони палеозой эраси комплекси жинсларининг юқори қисмининг жойлашиш схемаси ишлаб чиқилган;

Ғарбий Сибир платформасининг Нюрол ботиқлигини Турон платформасининг Бухоро-Хива региони билан солиштириш асосида уларнинг геологик тузилиши, ривожланиш тарихи, палеозой эраси жинслари мажмуаси юзасининг тузилишида ва бошқа характерли белгиларида умумий ўхшашлик мавжудлиги исботланган;

нефтгазлилик истиқболларини баҳолашда геологик-геофизик ва геокимёвий мезонларнинг хусусиятлари ишлаб чиқилган бўлиб, ушбу мезонлар асосида Бухоро-Хива регионида палеозой эраси ётқизиқларининг нефть-газга истиқболлилиги асосланган.

IV. Тадқиқот натижаларининг жорий қилиниши.

Палеозой эраси ётқизиқларининг геологик тузилиши хусусиятларини аниқлаштиришга ва уларнинг нефтгазга истиқболлилигини асослаш бўйича олинган илмий натижалар асосида:

Ирмон ва Жайрон майдонлари ҳудудида МОГТ 2Д сейсморазведка ишларини олиб бориш бўйича геологик тавсиялар “Ўзбекгеофизика” АЖ филиали “Бухоро геофизика экспедиция”си АЖ амалиётига жорий қилинган («Ўзбекнефтегаз» АЖнинг 2018 йил 8 майдаги 02-14/1-6-2609-сон маълумотномаси). Натижада палеозой ётқизиқларининг геологик тузилишини ва уларнинг пайдо бўлиш шароитларини, сейсмик тўлқинларни қайтарувчи палеозой эраси жинсларининг юзаларини аниқлаш имконини берган;

Ўртарабод конида нефт ва газ объетларини излаш палеозой ётқизиқларида муфассал сейсморазведка ишларини ўтказиш тавсиялари “Ўзбекгеофизика” АЖ филиали “Бухоро геофизика экспедиция”си АЖ амалиётига жорий қилинган («Ўзбекнефтегаз» АЖнинг 2018 йил 8 майдаги 02-14/1-6-2609-сон маълумотномаси). Натижада катта чуқурликда ётган палеозой ётқизиқларининг геологик тузилиши ва уларнинг ётиш шароитларини аниқлаш, палеозой эраси ётқизиқлари юзасида геологик-геофизик тадқиқотлар ўтказиб қайтарувчи горизонтлар чегараларни белгилаш имконини берган;

Қораулбозор, Кулбешқоқ, Шимолий-Сузма, Дояхотин, Шарқий Тошли, Шимолий Муборак, Кўкдумалоқ конлари майдонларида параметрик қудуқларни бурғилаш учун берилган тавсиялар “Ўзбекнефтегаз” АЖ ҳузуридаги “Ўзгеобурғинефтегаз” АК амалиётига жорий қилинган («Ўзбекнефтегаз» АЖнинг 2018 йил 8 майдаги 02-14/1-6-2609-сонли маълумотномаси). Натижада палеозой эраси ётқизиқларининг геологик тузилиши ва ётиш шакллари, уларнинг пайдо бўлиш шароитлари, ётқизиқларнинг моддий таркиби ва уларнинг ёши, коллектор-жинслар ҳамда қопқоқ-жинслар ҳақида, уларнинг фильтрация-сиғим хусусиятлари тўғрисида маълумотлар олиш имконияти яратилган.