Jo‘raev Bahodirjon Inomjon o‘g‘li
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar:
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Boshqaruv funksiyalar turli chegaralanishga ega hollar uchun  strategiya va uning tadbiqlari”, 01.01.02-Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam:  B2023.3.PhD/FM910
Ilmiy rahbar: Samatov Bahrom Tadjiaxmatovich, fizika-matematika fanlari doktori, professor.
Dissertatsiya bajarilgan muassasa nomi: Andijon davlat universiteti.
IK faoliyat ko‘rsatayotgan muassasa nomi, IK raqami: Farg‘ona davlat universiteti, PhD.03/30.12.2019.FM.05.04.
Rasmiy opponentlar: Apakov Yusufjon Pulatovich, fizika-matematika fanlari doktori, professor; Mamadaliev Numanjon, fizika-matematika fanlari doktori, professor.
Yetakchi tashkilot: V.I.Romanovskiy nomidagi Matematika instituti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi o‘yinchilarning boshqaruvlariga geometrik, Gronuoll, integral va turli chegaralanishlar qo‘yilgan hollarda quvish-qochish masalalari hamda R.Ayzeksning “Qutulish chizig‘i” differensial o‘yin  masalasini hal qilishdan iborat.
III. Tadqiqotning ilmiy yangiligi quyidagilardan iborat:
o‘yinchilar boshqaruvlariga turli chegaralanishlar (geometrik-Gronuoll, Gronuoll-geometrik, integral-Gronuoll) qo‘yilgan sodda harakatli differensial o‘yinda quvish-qochish masalalari quvlovchi uchun parallel quvish metodi bilan, qochuvchi uchun esa yo‘nalishli boshqaruv funksiyasi yordamida echilgan;
o‘yinchilar boshqaruvlari umumlashgan tipidagi integral chegaralanishga ega sodda harakatli differensial o‘yinda parallel quvish strategiyasi yordamida quvish masalasi echilishini kafolatlaydigan etarlilik shartlari topilgan;
quvlovchining boshqaruviga chiziqsiz, qochuvchining boshqaruviga esa chiziqli integral chegaralanishlar qo‘yilgan differensial o‘yinlarda quvish-qochish masalasining echimi quvlovchi uchun parallel quvish metodi bilan, qochuvchi uchun esa yo‘nalishli boshqaruv funksiyasi yordamida isbotlangan;
quvlovchining boshqaruviga integral qochuvchining boshqaruviga esa geometrik chegaralanishlar qo‘yilgan holda ikkinchi tartibli differensial o‘yin uchun quvish-qochish masalasining echilishini kafolatlaydigan etarlilik shartlari topilgan va R.Ayzeksning “Qutulish chizig‘i” masalasi hal qilingan.
IV. Tadqiqot natijalarining joriy qilinishi. Boshqaruv funksiyalar turli chegaralanishga ega hollar uchun P-strategiya va uning tatbiqlari bo‘yicha olingan natijalar asosida:
boshqaruvlari chiziqsiz va chiziqli integral chegaralanishlarga ega differensial o‘yinda quvish-qochish masalalarini echishda olingan natijalardan №OT-F4-(36+32) raqamli “Matematik fizika va optimal boshqaruv masalalarini echishning yangi usullarini ishlab chiqish. Toq tartibli xususiy hosilali tenglamalar uchun noklassik boshlang‘ich va spektral masalalar va ularning tadbiqlari” mavzusidagi fundamental loyihada boshqaruv funksiyalari turli chegaralanishli qarama-qarshi boshqaruvli dinamik sistemalarda foydalanilgan (Mirzo Ulug‘bek nomidagi O‘zbekiston Milliy universitetining 2024-yil 19-yanvardagi 04/11-671-sonli ma’lumotnomasi). Natijada, optimal boshqaruv masalalarini echishning yangi usullarini ishlab chiqish va ularni sonli amalga oshirishda kelib chiqadigan chiziqsiz boshqaruv sistemalar uchun etarli shartlar aniqlash imkonini bergan;
boshqaruvlari turli chegaralanishli sodda va inersion harakatli differensial o‘yinlarda quvish-qochish va “Qutulish chizig‘i” masalalarini echishda olingan natijalardan UZB-Ind-2021-87-sonli “Li simmetriyasi tahlili, giperbolik sistemalarning Lyapunov bo‘yicha turg‘unligini tahlil qilish va modellashtirish” mavzusidagi fundamental loyihada turli chegaralanishli ziddiyatli jarayonlarni boshqarishda foydalanilgan (Mirzo Ulug‘bek nomidagi O‘zbekiston Milliy universitetining 2024-yil 26-fevraldagi 04/11-1301-sonli ma’lumotnomasi). Natijada, giperbolik tenglamalar sistemasi uchun aralash masalaning aniq echimlari va eksponensial turg‘un sonli echimini topish uchun Li simmetriyasi tahlili va adekvat hisoblash modelini ishlab chiqish imkonini bergan.