Ibragimov Inomjon Xusainovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Muqobil gravitatsiya nazariyalarida magnit dipol momentiga ega zarralar dinamikasi”, 01.03.01-“Astronomiya” va 01.03.02-“Kosmos fizikasi va astrofizika” (fizika-matematika fanlari).
Dissertatsiya mavzusi ro‘yxatga olingan raqam: B2024.2.PhD/FM
Dissertatsiya bajarilgan muassasa nomi: Toshkent Kimyo xalqaro universiteti
IK faoliyat ko‘rsatayotgan muassasa nomi, "TIQXMMI” Milliy tadqiqot universiteti huzuridagi Fundamental va amaliy tadqiqotlar instituti huzuridagi ilmiy darajalar beruvchi DSc.03/31.03.2022.T/FM.10.04 raqamli Ilmiy kengash.
Ilmiy rahbar: Axmedov Bobomurat Juraevich, fizika-matematika fanlari doktori,akademik. Abdujabbarov Ahmadjon Adiljanovich, fizika-matematika fanlari doktori, professor
Rasmiy opponentlar: Mardonov Shuhrat Numonjonovich, fizika-matematika fanlari doktori, (O‘zR FA Astronomiya instituti, bosh ilmiy xodimi); Mamadjanov Ahror Ibragimovich, fizika-matematika fanlari nomzodi, dotsent. (Namangan muhandislik-qurilish instituti)
Yetakchi tashkilot: Sharof Rashidov nomidagi Samarqand davlat universiteti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi alternativ gravitatsiya nazariyasi doirasida qora o‘ralar yaqinidagi zarrachalar dinamikasini tavsiflash uchun astrofizik modellarni ishlab chiqish va takomillashtirishdan iborat.
III. Tadqiqotning ilmiy yangiligi quyidagilardan iborat:
Qora o‘ralar atrofidagi magnit maydon bo‘yicha tadqiqotlar γ parametrining manfiy qiymatlari uzoqdagi kuzatuvchi tomonidan o‘lchangan magnit maydonning burchak komponentini oshirishi ko‘rsatildi.
Einstein-Makswell-skalyar maydon nazariyasi doirasida magnit momentiga ega bo‘lgan zarralar radial harakatidavomida magnit o‘zaro ta’sir parametri effektiv potensial maksimumi va energiya hamda impuls momentining minimum qiymatlarini kamaytirishi ko‘rsatildi.  Shuningdek, eng kichik turg‘un doiraviy orbitalarning radiusi magnitlanish parametri ortishi bilan keskin kamayishi qayd etildi.
EMS parametrining musbat (manfiy) qiymatining ortishi bilan magnit va elektr zaryadiga ega zarralar to‘qnashuv energiyasi oshishi (kamayishi) ko‘rsatildi.
IV. Tadqiqot natijalarining joriy qilinishi. Muqobil gravitatsiya  nazariyasida elektromagnit maydon va magnitlangan zarrachalar harakatining ishlab chiqilgan astrofizik modellari asosida:
magnitlangan zarrachalarning harakatlanish xususiyati va magnit effektlari xitoylik olimlar tomonidan Shanxaydagi Fudan universitetida ishlatilgan (FU, Xitoy, 2024-yil 5-maydagi xati). Natijada, zarrachalarning magnit zaryadining qiymati va bu zarralar orbitalaridagi deformatsiyalangan fazo effektlari hisoblab chiqilgan;
magnitlangan zarrachalar harakati bo‘yicha natijalar xorijiy tadqiqotchilarning ishlarida qo‘llanilgan, magnitlangan zarrachalarning aylanadigan qora o‘ra atrofidagi ta’sirini tavsiflash uchun yuqori impakt faktorli xorijiy jurnallarda chop etilgan 5 dan ortiq ilmiy maqolalarda  (The European Physical Journal C, Volume 84, Issue 3, article id.291, Web-Sc, IF-4.991; The European Physical Journal C, Volume 83, Issue 9, article id.855, Web-Sc, IF-4.991; Physical Review D, Volume 108, Issue 4, article id.044030, Web-Sc, IF-4.080; The European Physical Journal C, Volume 83, Issue 8, article id.704, Web-Sc, IF-4.991; The European Physical Journal C, Volume 83, Issue 6, article id.506, Web-Sc, IF-4.991 va boshqalar) foydalanilgan.
Ilmiy natijalarning qo‘llanilishi, muqobil gravitatsiya nazariyalari doirasida magnit maydon va magnitlangan zarralarning kompakt obektlar atrofidagi harakati haqida ma’lumot olingan.