Maxsudov Valijon Gafurjonovichning

falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Oliy o‘quv yurtlarida “Mexanik tebranishlar” bo‘limini o‘qitishning uslubiy asoslarini takomillashtirish”, 13.00.02–Ta’lim va tarbiya nazariyasi va metodikasi (fizika) (pedagogika fanlari).

Dissertatsiya mavzusi ro‘yxatga olingan raqam: B2017.1.PhD/Ped65.   

Ilmiy rahbar: Tursunmetov Kamiljan Axmetovich, fizika-matematika fanlari doktori, professor.

Dissertatsiya bajarilgan muassasa nomi: O‘zbekiston Milliy universiteti.

IK faoliyat ko‘rsatayotgan muassasalar nomi, IK raqami: O‘zbekiston Milliy universiteti, Toshkent kimyo-texnologiya instituti, Toshkent davlat pedagogika universiteti, DSc.28.12.2017.Ped.01.09.

Rasmiy opponentlar: Mahmudov Yusup G‘anievich, pedagogika fanlari doktori, professor; Nasriddinov Komiljon Raxmatovich, fizika-matematika fanlari doktori.

Yetakchi tashkilot: Andijon davlat universiteti.

Dissertatsiya yo‘nalishi: amaliy va nazariy ahamiyatga molik.

II. Tadqiqotning maqsadi:oliy ta’lim muassasalarida “Mexanik tebranishlar” bo‘limini o‘qitishning uslubiy asoslarini takomillashtirish bo‘yicha ilmiy tavsiyalar ishlab chiqishdan iborat.

III. Tadqiqotning ilmiy yangiligi:

talabalarning kasbiy faoliyat motivatsiyasini rivojlantirishga yo‘naltirilgan mexanik tebranuvchi sistemalar parametrlarini Kyonig uslubi asosida aniqlash metodlarini ishlab chiqish orqali “Mexanik tebranishlar” bo‘limini o‘qitishning mazmuni, tashkiliy tuzilmasi takomillashtirilgan;

o‘qitishning o‘quv-metodik ta’minoti va o‘quv materiallarni verbal, ko‘rgazmali, amaliy uzatish imkoniyatlari Oberbek va prujinali mayatnikning xususiy va so‘nuvchan tebranishlari, havoda so‘nuvchan tebranma harakat qiluvchi fizik mayatnik o‘quv-laboratoriya qurilmalari takomillashtirish asosida kengaytirilgan;

talabalarning kasbiy kompetensiyasi va kreativlik qobiliyatlarini rivojlantirishga qaratilgan ta’lim texnologiyalari  kommunikativ, illyustrativ, motivatsion faoliyat shakllarini integratsiyalashuviga ko‘ra takomillashtirilgan; 

“Mexanik tebranishlar” bo‘limini o‘qitishni takomillashtirish va statistik  ahamiyatini aniqlashtirish asosida talabalar bilimini samarali oshirish, motivatsion salohiyatini  rivojlantirish bo‘yicha amaliy taklif va  tavsiyalar ishlab chiqilgan.

IV. Tadqiqot natijalarining joriy qilinishi.

Oliy ta’lim muassasalarida mexanik tebranishlarni o‘qitishning uslubiy asoslarini takomilashtirish bo‘yicha olingan natijalar asosida:

talabalarning kasbiy faoliyat motivatsiyasini rivojlantirishga yo‘naltirilgan “Mexanik tebranishlar” bo‘limini o‘qitishning mazmuni, tashkiliy tuzilmasi, mexanik tebranuvchi sistemalar parametrlarini aniqlash metodlari, o‘quv-metodik ta’minoti va namoyishli texnologiyalarning pedagogik imkoniyatlariga oid taklif va tavsiyalar A-1-71 raqamli “Fizika, astronomiya va turdosh ta’lim yo‘nalishlari uchun nazariy fizika kurslari bo‘yicha elektron-o‘quv-uslubiy kompleks yaratish” mavzusidagi ilmiy-amaliy loyihani amalga oshirishda foydalanilgan (Oliy va o‘rta maxsus ta’lim vazirligining 2018 yil 9 fevraldagi 89-03-631-son ma’lumotnomasi). Mazkur loyiha “Mexanik tebranishlar” bo‘limi ta’lim sifatini oshirish, talabalarning motivatsion faoliyatini oshirishga xizmat qilgan;

Oberbek va prujinali mayatnikning xususiy va so‘nuvchi tebranishlari, havoda so‘nuvchan tebranma harakat qiluvchi fizik mayatnik o‘quv-laboratoriya qurilmalari, kasbiy kompetensiya va kreativlik qobiliyatlarini rivojlantirishga qaratilgan innovatsion ta’lim texnologiyalariga oid takliflar Oliy va o‘rta maxsus ta’lim vazirligining 2007 yil 9 fevraldagi 0612-24-sonli buyrug‘i asosida joriy etilgan “Fizika” o‘quv qo‘llanmasi mazmuniga singdirilgan (Oliy va o‘rta maxsus ta’lim vazirligining 2018 yil 9 fevraldagi 89-03-631-son ma’lumotnomasi). Ushbu o‘quv adabiyoti oliy ta’lim muassasalarining o‘quv-metodik ta’minoti hamda talabalarning mexanik tebranishlar bo‘yicha bilim, ko‘nikma va malakalarini rivojlanishiga xizmat qilgan;

oliy ta’lim muassalari talabalarining kasbiy kompetentligi va kreativlik qobiliyatlarini rivojlantirishga qaratilgan ta’lim texnologiyalari, illyustrativ, motivatsion faoliyat shakllariga oid takliflaridan O‘rta maxsus, kasb-hunar ta’limi axborot metodik markazining 652-13-sonli buyrug‘iga ko‘ra joriy etilgan “Fizika tarixi” o‘quv qo‘llanmasini tayyorlashda va uni o‘qitish jarayonlarida foydalanilgan (Oliy va o‘rta maxsus ta’lim vazirligining 2018 yil 9 fevraldagi 89-03-631-son ma’lumotnomasi). Mazkur o‘quv qo‘llanma oliy ta’lim muassasalari talabalari kasbiy kompitentligini rivojlantirishning o‘quv-uslubiy ta’minotini takomillashtirish imkoniyatini yaratgan.