Ҳамроев Жавоҳир Зокиржоновичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Қоратепа тоғларида ноёб ер элементлари ва олтин маъданлашувининг жойлашув қонуниятлари ва излаш мезонлари», 04.00.02 – Қаттиқ фойдали қазилма конларининг геологияси, уларни қидириш ва разведка қилиш. Металлогения ва геокимё (геология-минералогия фанлари).
Диссертация мавзуси рўйхатга олинган рақам: B2023.4.PhD/GM204.
Илмий раҳбар: Турапов Мирали Камалович, геология-минералогия фанлари доктори, профессор.
Диссертация бажарилган муассаса номи: “Минерал ресурслар институти” ДМ.
ИК фаолият кўрсатаётган муассаса номи, ИК рақами: “Минерал ресурслар институти” ДМ, DSc.24/30.12.2019.GM.40.01.
Расмий оппонентлар: Пирназаров Мажид Махкамович, геология-минералогия фанлари доктори, профессор; Умаров Акромиддин Зайниддинович, геология-минералогия фанлари номзоди, профессор.
Етакчи ташкилот: «Ўзбек геология қидирув» АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади Қоратепа тоғлари шимолий-шарқий ёнбағридаги ноёб ер элементлари ва олтин маъданлашувининг жойлашиш шароити ва истиқболини ўрганиш, уларни излаш мезонларини ишлаб чиқишдан иборат.
III. Тадқиқотнинг илмий янгилиги:
Қоратепа тоғларидаги эндоген маъданлашувнинг ноёб ер элементларидан ташқари олтинга ҳам истиқболлилиги исботланган;
Қоратепа тоғларининг шимолий-шарқий ёнбағрида ноёб ер элементлари ва олтиннинг тарқалиш хусусиятлари ҳамда уларнинг минерал концентраторлари аниқланган;
Оҳалик-Миронкўл майдонларида маъданли минераллашувнинг кўп компонентлилиги (V, Cu, Mo, As, Pb, Sb, Zn, Re, U, Au) ўрнатилган;
биринчи бор Қоратепа антиклинориясида структуравий омил сифатида ноёб ер элементлар маъданларини назорат қилувчи биотитли гранодиоритлар билан габброид жинсларнинг контакт зонаси аниқланди;
ноёб ер элементларининг морфогенитик ҳусусиятлари, минерал-концентраторлар ва маъданлашувни назорат қилувчи омиллар (литологик, структуравий, магматик) асосида уларни башоратлаш ва излаш мезонлари ишлаб чиқилган.
IV. Тадқиқот натижаларининг жорий қилиниши:
Қоратепа тоғлари шимолий-шарқий ёнбағридаги ноёб ер элементлари ва олтин маъданлашувининг жойлашиш шароити ва истиқболини ўрганиш бўйича олинган илмий натижалар асосида:
Қоратепа тоғларининг шимолий-шарқий ҳудудидаги ноёб ер элементлари ва олтин маъданлашувининг жойлашиш қонуниятлари ҳамда излаш мезонлари “Ўзбек геология қидирув” АЖ фаолиятига жорий қилинган. (Тоғ-кон саноати ва геология вазирлигининг 2023 йил 9 ноябрдаги 854-05-сонли маълумотномаси). Натижада, ҳудуддаги ноёб ер элементлари ва олтин маъданларини ҳосил бўлиши ҳамда уларнинг жойлашиш қонуниятларини аниқлаш имконини берган;
Қоратепа тоғларининг шимолий-шарқий ҳудудидаги Оҳалик-Миронкўл минераллашган зоналарида кўп компонентли (V, Cu, Mo, As, Pb, Sn, Zn, Re, U) элементлар мажмуаси аниқланган ҳамда “Ўзбек геология қидирув” АЖ фаолиятига жорий қилинган. (Тоғ-кон саноати ва геология вазирлигининг 2023 йил 9 ноябрдаги 854-05-сонли маълумотномаси). Натижада, V, Cu, Mo, As, Pb, Sn, Zn, Re, U элементларига истиқболли минераллашган зоналарни аниқлаш имконини берган;
Оҳалик-Миронкўл, Қоратепа-Севассой ва Гурмак-Йўлсой истиқболли участкалар “Ўзбек геология қидирув” АЖ фаолиятига жорий қилинган. (Тоғ-кон саноати ва геология вазирлигининг 2023 йил 9 ноябрдаги 854-05-сонли маълумотномаси). Натижада, ноёб ер элементлари ва олтин минерал хомашё базасини кенгайтириш имконини берган.