Шаназарова Дилфуза Жахангировнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.  
Диссертация мавзуси, ихтисослик шифри (илмий даража бериладиган фан тармоғи номи): “Интервю матнларининг дискурсив таҳлили”, 10.00.01  – Ўзбек тили (филология фанлари).
Диссертация мавзуси рўйхатга олинган рақам: Б2016.4.DSc/Fil488.
Илмий раҳбар: Курбанова Муҳаббат Матякубовна, филология фанлари доктори, профессор.
Диссертация бажарилган муассаса: Мирзо Улуғбек номидаги Ўзбекистон Миллий университети.
ИК фаолият кўрсатаётган муассаса номи, ИК рақами: Мирзо Улуғбек номидаги Ўзбекистон Миллий университети,  DSc.03/25.08.2021.Fil.01.16.
Расмий оппонентлар: Раупова Лайло Рахимовна, филология фанлари доктори, профессор; Искандарова Шарифа Мадалиевна, филология фанлари доктори, профессор.
Етакчи ташкилот: Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади интервю дискурс матнининг лингвокултурологик, социолингвистик ва прагматик хусусиятларини очиб беришдан иборат.
III. Тадқиқотнинг илмий янгилиги:
интервю дискурснинг аниқ бир мақсадга йўналтирилган ҳаракат натижаси эканлиги, тузилишга эга бўлиши, диалогик характерда ҳамда видеоинтервю, аудиоинтервю, босма ёки рақамли шаклларда бўлиши далилланган.
интервю дискурсда нутқнинг воқеланишида нутқ вазияти, нутқ шароити, нутқий интенсия каби прагматик омиллар интервю иштирокчиларининг мақсади, дунёқараши, билим савияси билан узвий боғлиқлиги аниқланган;
интервю дискурсда матннинг социал хосланишига бевосита таъсир кўрсатадиган ижтимоий омиллар, жумладан,  коммуникантларнинг  ёши, гендер хусусиятлари, касб-кори кабиларнинг муҳим ўринга эгалиги очиб берилган;
интервю матнларининг миллий-маданий хусусиятлари маданий фон, маданий сема, маданий консепт, маданий фонд, маданий анъана, менталитет каби лингвокултурологик тушунчалар воситасида аниқланган.
IV. Тадқиқот натижаларининг жорий қилиниши. Интервю матнларнинг дискурсив таҳлили масаласи бўйича олинган илмий натижалар асосида:
интервю дискурсда нутқнинг воқеланишида нутқ вазияти, нутқ шароити, нутқий интенсия каби прагматик омилларнинг аҳамияти ҳақидаги хулосалардан ЎзРФА Қорақалпоғистон бўлими Қорақалпоқ гуманитар фанлар илмий-тадқиқот институтида бажарилган ФА-А1-Г007 рақамли “Қорақалпоқ нақл-мақоллари лингвистик тадқиқот обекти сифатида” мавзусидаги амалий лойиҳада фойдаланилган (Қорақалпоқ гуманитар фанлар илмий-тадқиқот институтининг 2023-йил 7-декабрдаги 496/1-сон маълумотномаси). Натижада диссертацияда келтирилган далиллар, таҳлил натижалари бадиий матннинг социолингвистик хусусиятларини очиб беришда ижобий самара берган;
интервю дискурсда матннинг социал хосланишига бевосита таъсир кўрсатадиган ижтимоий омиллар, жумладан,  коммуникантларнинг  ёши, гендер хусусиятлари, касб-кори кабиларнинг ўрни ҳақидаги хулосалардан ЎзРФА Қорақалпоғистон бўлими Қорақалпоқ гуманитар фанлар илмий-тадқиқот институтида бажарилган ФА-Ф1-Г003 “Ҳозирги қорақалпоқ тилида функсионал сўз ясалиши” мавзусидаги фундаментал лойиҳада фойдаланилган (Қорақалпоқ гуманитар фанлар илмий-тадқиқот институтининг 2023-йил 7-декабрдаги 495/1-сон маълумотномаси). Илмий натижалар нутқдаги ясама сўзлар унинг социолингвистик, гендер хусусиятларини очиб бериш имконини берган.
интервю дискурснинг аниқ бир мақсадга йўналтирилган ҳаракат натижаси эканлиги, тузилишга эга бўлиши, диалогик характерда ҳамда видеоинтервю, аудиоинтервю, босма ёки рақамли шакллардан иборат эканлиги ҳақидаги  хулосалардан Ўзбекистон Миллий телерадиокомпанияси “Ўзбекистон тарихи” телеканалининг “Ибтидо”, “Кино тарихи”, “Ўзликка йўл” каби қатор кўрсатувларнинг сенарийларини тайёрлашда маълумот сифатида фойдаланилган (Ўзбекистон Миллий телерадиокомпаниясининг 2023-йил 1-декабрдаги 02-0618-09-сон маълумотномаси). Натижада ушбу кўрсатувларнинг илмий-оммабоплиги таъминланган.