Зайниддинов Фазлиддин Акромиддин ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Шарқий Букантов мисолида олтин-ноёб металл маъданларга истиқболли майдонларни ажратиш учун кўп каналли юқори кўрсаткичли космик суратларни дешифрлаш услубиятини яратиш», 04.00.03 – Геотектоника ва геодинамика. Петрология ва литология (геология-минералогия фанлари).
Диссертация мавзуси рўйхатга олинган рақам: B2022.4.PhD/GM155.
Илмий раҳбар: Турапов Мирали Камалович, геология-минералогия фанлари доктори, профессор.
Диссертация бажарилган муассаса номи: “Минерал ресурслар институти” ДМ.
ИК фаолият кўрсатаётган муассаса номи, ИК рақами: Геология ва геофизика институти, DSc.24/30.10.2020.GM.125.01.
Расмий оппонентлар: Зокиров Отабек Толибжонович, геология-минералогия фанлари доктори, достент; Карабаев Маматхан Садирович, геология-минералогия фанлари доктори, профессор.
Етакчи ташкилот: Ўзбекистон миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: масофадан зондлаш материалларини дешифрлаш асосида Саутбой-Саритов маъдан тугунининг космоструктуралари, уларнинг олтин минераллашуви билан боғлиқлигини аниқлашдан иборат.
III. Тадқиқотнинг илмий янгилиги:
ҳалқасимон ва чизиқли тузилмалар магматизм билан биргаликда маъдан обектларини шаклланишида ва уларни жойлашувида муҳим рол ўйнаши аниқланган;
ҳалқасимон тузилмалар ягона геологик магматисм билан боғлиқ жараён таʼсирида ҳосил бўлган моноген ҳалқалар тузилмалари синфига кириши аниқланган;
сулфидли минераллашув белгиларининг ореоллари шимоли-шарқий ва шимоли-ғарбий ёʻналишлардаги чизиқли тузилмалар билан фазовий-генетик боғлиқлиги исботланган;
космик суратлардаги оқарган тоғ жинслари кокпатос свитасинининг маъдан қамраб олувчи углеродли кварцитлари ва слюда-кварцли сланесларда метасоматизм ва роговиклашув жараёнини намоёнлигини ифодалаши аниқланган;
маъданлашган локал майдонларда, маъдан тугунларида ва маъдан майдонларида космогеологик тадқиқотларни масофавий зондлаш материалларини қайта ишлашнинг услублари такомиллаштирилган.
IV. Тадқиқот натижаларининг жорий қилиниши.
Маъдан жойлашувининг геологик-структуравий, геокимёвий ва космогеологик шароитларини аниқлаш бўйича олинган натижалар асосида:
Шарқий Букантов тоғларидаги Турбой кони атрофларида ва Саутбой-Саритов маъдан тугунида тарқалган (олтин ва нодир металлар) минералларни космоструктуравий модели “Ўзбек геология қидирув” АЖ Кўкпатос геология қидирув экспедициясининг  амалиётига жорий қилинган (Ўзбекистон Республикаси Тоғ-кон саноати ва геология вазирлигининг 2023 йил 18 августдаги 08-2443-сонли маълумотномаси). Натижада, олтин ва ноёб металларни қидиришда дала геология қидирув ишларини олиб боришга асос бўлган;
Шарқий Букантов тоғларидаги Турбой кони атрофларида ва Саутбой-Саритов маъдан тугуни ҳамда ён атрофдаги майдонларда шаклланган маъдан  назоратловчи тузилмалар “Ўзбек геология қидирув” АЖ Кўкпатос геология қидирув экспедициясининг  иш жараёнига жорий қилинган (Ўзбекистон Республикаси Тоғ-кон саноати ва геология вазирлигининг 2023 йил 18 августдаги 08-2443-сонли маълумотномаси). Натижада, янги эндоген минераллашган зоналарни аниқлаш имконини берган;
яратилган майдоннинг янги тектоник космоструктуравий модели “Ўзбек геология қидирув” АЖ Кўкпатос геология қидирув экспедицияси амалиётига жорий қилинган (Ўзбекистон Республикаси Тоғ-кон саноати ва геология вазирлигининг 2023 йил 18 августдаги 08-2443-сонли маълумотномаси). Натижада, тоғ-кон ишларини тўғри лойиҳалаштириш ва илмий асосланган ишланмалар тайёрлашда, дала геологик-қидирув ишларини олиб бориш самарадорлигини ошириш имконини берган;
Саутбой-Саритов маъдан тугунида жанубий-шарқий ва шимоли-ғарбий ёʻналишдаги чуқур ер ёриқларида аниқланган минераллашув зоналари “Ўзбек геология қидирув” АЖ Кўкпатос геология қидирув экспедицияси нинг фаолиятига жорий қилинган (Ўзбекистон Республикаси Тоғ-кон саноати ва геология вазирлигининг 2023-йил 18-августдаги 08-2443-сонли маълумотномаси). Натижада, Букантов тоғларида тарқалган олтин ва нодир металлар потенсиалини қайта баҳолаш учун асос бўлиб хизмат қилган.