Садикова Раънохон Каримовнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Самарқанд бўзночи қуруқ экстрактини олиш ва унинг асосида капсула технологиясини ишлаб чиқиш», 15.00.01 – Дори технологияси (фармацевтика фанлари).
Диссертация мавзуси рўйхатга олинган рақам: В2022.1.PhD/Far88.
Илмий раҳбар: Кариева Ёкут Саидкаримовна, фармацевтика фанлари доктори, профессор.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Тўхтаев Хаким Рахманович, фармацевтика фанлари доктори, профессор; Халилов Равшанжон Муратджанович, техника фанлари доктори, етакчи илмий ходим.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Самарқанд бўзночи хомашёсидан сафро ҳайдовчи таъсирга эга қуруқ экстракт олиш ва унинг асосида капсула шаклидаги биологик фаол қўшимча технологиясини ишлаб чиқишдан иборат.
III. Тадқиқотнинг илмий янгилиги:
илк бор СБ гулларидан флавоноидлар йиғиндисини экстракция қилиш учун мақбул шароитлар математик режалаштириш усули ёрдамида аниқланган ва қуруқ экстракт олиш технологияси ишлаб чиқилган;
илк бор СБ ҚЭнинг элемент ҳамда аминокислотали таркиби аниқланиб, субстанция юқори биологик қийматга эгалиги ҳамда аминокислоталар, макро- ва микроэлементларнинг қимматли манбаи эканлиги исботланган;
СБ ҚЭнинг нам ютиш кинетикаси, технологик ва структура-механик хоссаларини аниқлаш натижасида капсула шаклидаги БФҚ таркиби танланган ва мақбул технологияси ишлаб чиқилган;
СБ ҚЭ ва унинг асосидаги БФҚнинг сифат ва миқдор кўрсаткичлари аниқланиб, меъёрий ҳужжатларда кўрсатилган талабларга мувофиқлиги исботланган;
СБ ҚЭнинг сафро ҳайдовчи таъсири ва хавфсизлиги аниқланган ва унинг самарадорлиги солиштирма препарат «Артишок»дан кам эмаслиги тажрибаларда исботланган.
IV. Тадқиқот натижаларининг жорий қилиниши:
Самарқанд бўзночи қуруқ экстрактини олиш ва унинг асосида капсула технологиясини ишлаб чиқиш бўйича олинган илмий натижалар асосида:
«Самарқанд бўзночи гуллари қуруқ экстракти» учун корхона  фармакопея мақоласи лойиҳаси ЎзР ССВ ҳузуридаги «Фармацевтика маҳсулотлари хавфсизлиги Маркази» Давлат муассасасига рўйхатдан ўтказиш учун топширилган («Фармацевтика маҳсулотлари хавфсизлиги Маркази» Давлат муассасасининг 2023 йил 27 мартдаги 29/01-431-сон хати, Соғлиқни сақлаш вазирлигининг 2018 йил 15 октябрдаги 8н-3/280-сон хати). Ушбу меъёрий ҳужжатнинг тасдиқланиши самарали сафро ҳайдовчи дори воситасини ишлаб чиқариш имконини беради;
самарқанд бўзночи қуруқ экстракти асосидаги биологик фаол қўшимча учун Техник шартлар (Ts 25201521-07:2023) ҳамда уни ишлаб чиқариш бўйича Технологик йўриқнома (ТИ 25201521-07:2023) Ўзбекистон Республикаси санитария-эпидемиологик осойишталик ва жамоат саломатлиги қўмитаси томонидан тасдиқланган. Натижада «MAKRO FARM ANDIJAN» МЧЖда капсула шаклидаги биологик фаол қўшимчани ишлаб чиқариш имконини берган;
самарқанд бўзночи қуруқ экстракти учун тажриба саноат регламенти «MALIKA LABORATORIES» МЧЖ билан ҳамкорликда ишлаб чиқилган ва тасдиқланган (ОПР 03873/04610617-1097-2023). Мазкур ҳужжатнинг тасдиқланиши натижасида сафро ҳайдовчи дори воситаси учун меъёрий ҳужжатларни ўрнатилган тартибда ишлаб чиқилиши ва рўйхатга олиниши таъминланган;
ўтказилган  клиник олди синовлар натижасида самарқанд бўзночи қуруқ экстрактининг специфик фармакологик фаоллиги ҳамда ўткир заҳарли эмаслиги исботланган (Соғлиқни сақлаш вазирлигининг 2018 йил 15 октябрдаги 8н-3/280-сон хати). Натижада, ишончли сафро ҳайдовчи фаолликга эга безарар дори воситаларни ишлаб чиқариш имконини берган.