Икромов Элмурод Эркиновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Фарғона водийси амфибияларининг гельминтлари», 03.00.06 – Зоология (биология фанлари).
Диссертация мавзуси рўйхатга олинган рақам: B2021.4.PhD/B659.
Илмий раҳбар: Амиров Ойбек Олимжонович, биология фанлари бўйича фалсафа доктори (PhD), катта илмий ходим..
Диссертация бажарилган муассаса номи: Зоология институти.
ИК фаолият кўрсатаётган муассаса номи, ИК рақами: Зоология институти, DSc.02/30.12.2019.B.52.01.
Расмий оппонентлар: Шакарбоев Эркин Бердиқулович, биология фанлари доктори, профессор; Рўзиев Бахтиёр Хушмуродович, биология фанлари номзоди, доцент.
Етакчи ташкилот: Тошкент давлат педагогика университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Фарғона водийсида тарқалган амфибиялар гельминтларининг тур таркиби, биоэкологик хусусиятлари ҳамда эпидемиологик ва эпизоотологик аҳамиятга эга турларини аниқлашдан иборат.
III. Тадқиқотнинг илмий янгилиги:
Фарғона водийси амфибиялари гельминтофаунасининг замонавий тур таркиби таҳлил қилиниб, 3 тип, 6 синф, 9 туркум, 26 оила, 35 авлодига мансуб паразит чувалчангларни 48 тури аниқланган, улардан 36 тури биогельминтлар, 12 тури эса, геогельминтлар гуруҳига мансублиги исботланган;
илк бор Марказий Осиё ва Ўзбекистон фаунаси учун Bufotes pewzowi қурбақасидан Aplectana caucasica Sharpilo, 1978, Pelophylax sp. бақасидан Eustrongylides excisus (Jägerskiöld, 1909) larvae ҳамда Rhabdias esculentarum Cipriani, Mattiucci, Paoletti et al., 2012 нематода турлари аниқланган;
Pelophylax sp. бақасида трематода синфига мансуб Tylodelphys clavata (Nordmann, 1832) larvae, Echinostoma revolutum (Fröhlich, 1802) Looss, 1899 larvae ва Gnathostoma hispidum Fedtschenko, 1872 larvae нематодаси Ўзбекистон амфибияларида биринчи бор аниқланган;
илк бор ҳаёт цикли амфибиялар билан боғлиқ бўлган спарганоз, эустронгилидиоз, диплостомоз, гонгилонематоз, аляриоз ва эхиностомотидоз касалликларини қўзғатувчиларининг табиий учоқлари аниқланган;
гельминтлар билан зарарланган Pelophylax sp. бақасининг қон таркибидаги шаклли элементлар ва гемоглобин миқдорининг ўзгариши асосланган;
илк бор нематодалар типига мансуб Cosmocerca commutata (Diesing, 1851) турини рДНК нинг 5,8S-ITS2 соҳасидаги нуклеотидлар кетма-кетлиги таҳлил қилинган ва алоҳида мустақил тур эканлиги исботланган.
IV. Тадқиқот натижаларининг жорий қилиниши.
Фарғона водийси амфибияларининг гельминтлари бўйича олинган илмий натижалар асосида:
молекуляр-генетик тадқиқотлар натажасида, Фарғона водийси амфибияларида паразитлик қилувчи 6 тур гельминтлар рДНК нинг 5.8S-ITS-2 соҳаси нуклеотидлар кетма-кетлиги бўйича маълумотлар Биотехнологик ахборотлар миллий маркази (NCBI) базасига жойлаштирилган (Биотехнологик ахборотлар миллий маркази (NCBI) нинг 2023 йил 1 июндаги маълумотномаси). Натижада, Cosmocerca ornata – (OR074731), Cosmocerca commutata – (OR074732), Echinostoma revolutum, larvae – (OR600232), Gorgodera cygnoides – (OR534001), Haematoloechus (Pneumonoeces) variegatus – (OR600230), Skrjabinoeces similis – (OR600231) турларининг идентификация рақамлари олинган ва улар халқаро миқёсда турларни аниқлаш ҳамда филогениясини ўрганиш имконини берган;
Фарғона водийсида тарқалган амфибияларнинг 2 авлод ва 2 турга мансуб - Bufotes pewzowi ва Pelophylax sp. турларининг 18 нусха намуналари республикада етакчи бўлган Зоология институти «Зоология коллекцияси» ноёб объектига киритилган (Ўзбекистон Республикаси Фанлар академиясининг 2023 йил 26 январдаги №4/1255-182-сон маълумотномаси). Натижада, намуналар Фарғона водийси ҳудудлари бўйича амфибиялар фондини бойитиш имконини берган.