Абдуллаев Аброржон Абдухамид Ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Уруғлик чигит тайёрлаш технологиясида чигит саралаш қурилмасини такомиллаштириш”  05.02.03–Технологик машиналар. Роботлар, мехатроника ва робототехника тизимлари ихтисослиги бўйича (техника фанлари).
Диссертация мавзуси рўйхатга олинган рақам: В2022.4.PhD/Т3336  
Илмий раҳбар:  Обидов Авазбек Азаматович,техника фанлари доктори, профессор.
Диссертация бажарилган муассаса номи: Наманган муҳандислик-технология институти.
ИК фаолият кўрсатаётган муассаса (муассасалар) номи, ИК рақами: Наманган муҳандислик-технология институти ҳузуридаги илмий даражалар берувчи PhD.03/30.09.2023.Т.66.01 рақамли илмий кенгаш
Расмий оппонентлар: Қаюмов Абдулмалик Хамидович техника фанлари доктори, профессор (05.02.03), Норматов Элмурод Авазамович техника фанлари бўйича фалсафа доктори, (PhD),  (05.02.03).
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: корхонада уруғлик чигит тайёрлаш технологик жараёни учун чигитларни самарали саралаш ҳамда фракцияга ажратиш имкониятига эга қурилмани яратиш ва корхонага жорий қилишдан иборат.
III. Тадқиқотнинг илмий янгилиги қуйидагилардан иборат:
корхонада уруғлик чигитлар тайёрлаш ва уларни саралаш жараёни илмий-техник муаммоларини таҳлил қилиш орқали фракцияга ажратувчи уруғлик чигит саралаш қурилмаси ишлаб чиқилган;
такомиллаштирилган уруғлик чигит саралаш қурилмасининг ажратувчи камераларида чигитларнинг ҳаракати ҳамда содир бўладиган аеродинамик ҳолатнинг назарий асослари дифференциал формулалар орқали яратилган;
математик моделлаштириш усули ёрдамида уруғлик чигит саралаш қурилмаси ишлашига таъсир қилувчи асосий омиллар мақбул қийматлари: камера кенглиги 600 мм, чигитларни ташувчи ҳаво тезлиги 18 м/сек ҳамда чигит бургичининг қиялик бурчаги 300 аниқланган;
уруғлик чигитларни саралаш ва фракцияга ажратиш қурилмасининг асосий конструктив параметрлари бўлган уруғлик ва техник чигитлар учун ажратиш камералари ҳажми 600х250 мм, чигит тўсқич қиялиги 300 ҳолатида 4000 кг/соат унумдорликда самарадорлик 98 % бўлиши аниқланган.
IV. Тадқиқот натижаларининг жорий қилиниши. Такомиллаштирилган уруғлик чигитларни саралаш қурилмасини жорий қилиш орқали олинган натижалар асосида:
икки камерали уруғлик чигитларни саралаш қурилмаси Жиззах вилояти “Жиззах Кентекс” МЧЖ га жорий этилган (“Ўзбекистон Пахта-тўқимачилик кластерлари” уюшмасининг 2023 йил 16 октябрдаги 03/22-798-сон маълумотномаси). Натижада чигитларни фракцияларга саралаш самараси 97-98 % ни ташкил қилиб, иш унумдорлиги 4000 кг/соатга ортирилди, саралаш сифатининг ошишидан чигит унувчанлиги 3 % га ортишига эришилди, натижада чигит сарфи гектарига 5,8 кг га камайди. 1 гектардан тежалган уруғлик чигитнинг қиймати 58,0 минг сўмни ташкил қилинган;
такомиллаштирилган уруғлик чигитларни саралаш қурилмаси технологик параметрлари Жиззах вилояти “Жиззах Кентекс” МЧЖ га жорий этилган (“Ўзбекистон Пахта-тўқимачилик кластерлари” уюшмасининг 2023 йил 16 октябрдаги 03/22-798-сон маълумотномаси). Натижада уруғлик чигитни саралаш қурилмасига техник чигитлар учун қўшимча камера ўрнатиш орқали техник чигитларнинг уруғликка қўшилиб кетиш ҳолати 2-3 % гача камайтирилди ҳамда уруғлик чигитлар сифати мавжудга нисбатан 0,13 % га яхшиланган.