Allanazarova Tazagul Jumaniyazovnaning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Qo‘shimcha hadli modifisirlangan Korteveg – de Friz tenglamasini integrallash”, 01.01.02 – “Differensial tenglamalar va matematik fizika”.
Dissertatsiya mavzusi ro‘yxatga olingan raqam: B2020.2.PhD/FM497.
Ilmiy rahbar: Xasanov Aknazar Bekdurdievich, fizika-matematika fanlari doktori, professor.
Dissertatsiya bajarilgan muassasa nomi: Qoraqalpoq davlat universiteti     IK faoliyat ko‘rsatayotgan muassasa nomi, IK raqami: Samarqand davlat universiteti huzuridagi DSc.03/30.12.2019.FM.02.01.
    Rasmiy opponentlar: Babajanov Bazar Atajanovich, fizika-matematika fanlari doktori, dotsent; Sattorov Ermamat Norkulovich, fizika-matematika fanlari doktori, dotsent;
Yetakchi tashkilot: Muhammad al-Xorazmiy nomidagi TATU Urganch filiali.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi Dirak operatori uchun teskari spektral masalalar usulidan foydalangan holda vaqtga bog‘liq koeffisientli, yuklangan hadli, shuningdek, manba bilan berilgan modifisirlangan Korteveg-de Friz tenglamasining davriy cheksiz zonali funksiyalar sinfida integrallashdan iborat.
III. Tadqiqotning ilmiy yangiligi:
teskari spektral masalalar usulini qo‘llab, davriy cheksiz zonali funksiyalar sinfida vaqtga bog‘liq koeffisientli modifisirlangan Korteveg-de Friz tenglamasi uchun qo‘yilgan Koshi masalasining echimga egaligi isbotlangan;
teskari spektral masala usulidan foydalanib, davriy cheksiz zonali funksiyalar sinfida yuklangan hadli modifisirlangan Korteveg-de Friz tenglamasining integrallanuvchanligi isbotlangan;
teskari spektral masalalar usulini qo‘llab, davriy cheksiz zonali funksiyalar sinfida qator manbali yuklangan hadli modifisirlangan Korteveg-de Friz tenglamasining integrallanuvchanligi isbotlangan;
teskari spektral masalalar usulidan foydalanib, davriy cheksiz zonali funksiyalar sinfida integral manbali yuklangan hadli modifisirlangan Korteveg-de Friz tenglamasining integrallanuvchanligi isbotlangan.
IV. Tadqiqot natijalarining joriy qilinishi. Qo‘shimcha hadli modifisirlangan Korteveg-de Friz tenglamasini integrallash boʻyicha olingan ilmiy natijalar asosida:
Nochiziqli modifisirlangan Korteveg-de Friz tenglamasiga qo‘yilgan Koshi masalasini echishda foydalanilgan teskari spektral masala usulidan va cheksiz zonali davriy funksiyalar sinfida nochiziqli qo‘shimcha hadli modifisirlangan Korteveg-de Friz tenglamasiga qo‘yilgan Koshi masalasini echish algoritmidan OT-F4-64 raqamli (2017–2020 yy.) “Birjinslimas g‘ovak muhitlarda suyuqlik sizishi va moddalar ko‘chishi gidrodinamik modellarini tuzish va sonli tadqiq etish” mavzusidagi fundamental loyihada aktiv va passiv zonalardan iborat g‘ovak muhitlarda suspenziyalar sizishi jarayonida yuviladigan va yuvilmaydigan cho‘kmalar konsentratsiyalari uchun takomillashtirilgan ko‘pbosqichli kinetika tenglamalari parametrlarini topishning teskari spektral masalasini echishda foydalanilgan (Sharof Rashidov nomidagi Samarqand davlat universitetining 2023-yil 16-iyundagi ma’lumotnomasi). Ilmiy natijalarning qo‘llanishi er osti qatlamlarida suspenziyalar sizishi jarayonida yuviladigan va yuvilmaydigan cho‘kmalar hosil bo‘lishi uchun ko‘pbosqichli kinetika tenglamalari parametrlari qiymatini teskari masalani echish orqali aniqlash imkonini bergan;
Manbali va yuklangan hadli modifisirlangan Korteveg-de Friz tenglamasini davriy cheksiz zonali  funksiyalar sinfida integrallanuvchiligi isbotlash jarayonida qo‘llanilgan teskari spektral masala usulidan va modifisirlangan Korteveg-de Friz tenglamasiga qo‘yilgan Koshi masalasining echimga egaligini besh marta uzlyuksiz differensialanuvchi davriy funksiyalar sinfida isbotlashda qo‘llanilgan usullardan OT-F4-30 raqamli (2017–2020 yy.) “Ikki marta nochiziqli kross sistemaning konvektiv ko‘chish, o‘zgaruvchan zichlik, manba yoki yutish ta’siridagi sifat xossalarini tadqiq qilish” mavzusidagi fundamental  loyihada kross-diffuziya sistemalari avtomodel echimlarini tadqiq qilishda, avtomodel tahlil asosida kross sistema uchun Fujita tipidagi kritik ko‘rsatkich va Koshi masalasining global echimini mavjudligini ko‘rsatishda va cheksizlikda so‘nuvchi avtomodel echimlarining asimptotikalarini tadqiq etishda foydalanilgan (Mirzo Ulug‘bek nomidagi O‘zbekiston Milliy universitetining 2023-yil 22-iyundagi 04/№11-3880 -sonli ma’lumotnomasi). Ilmiy natijalarning qo‘llanishi er osti suvlarining harakat tenglamalarini tadqiq etish imkonini bergan.