Xorilov Maxmud Abdumalikovich
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar:
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Boshqaruvlar nostatsionar chegaralanishli differensial o‘yinlar”, 01.01.02-Differensial tenglamalar va matematik fizika (fizika-matematika fanlari).
Dissertatsiya mavzusi ro‘yxatga olingan raqam: B2022.4.PhD/FM149
Ilmiy rahbar: Samatov Bahrom Tadjiaxmatovich, fizika-matematika fanlari doktori, professor.
Dissertatsiya bajarilgan muassasa nomi: Namangan davlat universiteti.
IK faoliyat ko‘rsatayotgan muassasa nomi, IK raqami: Farg‘ona davlat universiteti, PhD.03/30.12.2019.FM.05.04.
Rasmiy opponentlar: Mamadaliev Numanjon, fizika-matematika fanlari doktori, professor; Ibaydullaev To‘lanboy Tursunboevich, fizika-matematika fanlari nomzodi, dotsent.
Yetakchi tashkilot: V.I.Romanovskiy nomidagi Matematika instituti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi boshqaruvlarga nostatsionar chegaralanishlar qo‘yilgan hollarda quvish-qochish masalalarini va R.Ayzeksning “Qutulish chizig‘i” muammosini echishdan iborat.
    III. Tadqiqotning ilmiy yangiligi quyidagilardan iborat:
    boshqaruv funksiyalari chiziqli chegaralanishli differensial o‘yinda quvishni  tugallash uchun yangi etarli shartlar quvlovchilar uchun parallel yaqinlashish metodi yordamida olingan hamda o‘yinchilar etishish sohasining monotonligi to‘plamning tirgak funksiyasi yordamida isbotlangan;
boshqaruv funksiyalari eksponensial integral chegaralanishga ega holda  quvish-qochish differensial o‘yin masalalari quvlovchi uchun parallel yaqinlashish metodi va qochuvchi uchun esa yo‘nalish bo‘yicha qochish metodi yordamida echilgan;
boshqaruv funksiyalari nostatsionar geometrik chegaralanishli differensial o‘yinda quvish-qochish masalalarini echish uchun yangi etarli shartlar quvlovchi uchun parallel yaqinlashish metodi va qochuvchi uchun esa yo‘nalish bo‘yicha qochish metodi yordamida aniqlangan;
boshqaruv funksiyalari nostatsionar geometrik chegaralanishli differensial o‘yinda o‘yinchilar etishish sohasining yangi monotonlik shartlari topilgan va o‘yinchilar etishish sohasining monotonlik xossasi yordamida Ayzeksning “Qutulish chizig‘i” masalasi to‘liq echilgan.
IV. Tadqiqot natijalarining joriy qilinishi. Boshqaruvlari nostatsionar chegaralanishlarga ega differensial o‘yinlar bo‘yicha olingan natijalar asosida:
boshqaruvlari nostatsionar chegaralanishli quvish-qochish masalalar va  Ayzeksning “Qutulish chizig‘i” masalasi echimining mavjudligi bo‘yicha olingan natijalar OT-F4-33 raqamli “Differensial tenglamalar bilan tavsiflanuvchi ziddiyatli holatlarni boshqarishning yangi usullarini yaratish va ularni sonli amalga oshirish” mavzusidagi fundamental loyihada boshqaruvlari nostatsionar chegaralanishli qarama-qarshi boshqaruvli dinamik sistemalarda foydalanilgan (Mirzo Ulug‘bek nomidagi O‘zbekiston Milliy universitetining 2023-yil 9-iyundagi 04/11-3587-sonli ma’lumotnomasi). Natijada, nostatsionar chegaralanishli dinamik sistemalarda ziddiyatli boshqaruv (dinamik o‘yin) masalalarining umumlashgan echimlarini aniqlash imkonini bergan;
boshqaruvlari chiziqli chegaralanishli differensial o‘yin masalasi echimining mavjudligi va optimalligi bo‘yicha olingan natijalar 374874-2015 raqamli “Fazaviy o‘tishlar va tahliliy hodisalar masalalari. Ularning tez o‘tish tenglamalari va asimptotikalarining matematik xususiyatlari” mavzusidagi xorijiy grant loyihasida oddiy differensial tenglamalar uchun analogik masalalarni echishda foydalanilgan (O‘sh davlat universitetining 2023-yil 27-iyundagi 838-sonli ma’lumotnomasi, Qirg‘iziston Respublikasi). Natijada, yangi nolokal umumlashgan spektral masalalarning echimini qurish imkonini bergan.