Сафаров Журабек Шакаровичнинг
 фан доктори (DSc) Диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ёпишқоқлик-эластиклик  назарияси дифференциал тенгламалари учун тескари масалалар”, 01.01.02 – Дифференциал тенгламалар ва математик физика (физика-математика фанлари).
Диссертация мавзуси рўйхатга олинган рақам: В2023.4.DSc/FM232
Диссертация бажарилган муассаса номи: В. И. Романовский номидаги Математика институти
ИК фаолият кўрсатаётган муассаса номи, ИК рақами: В. И. Романовский номидаги Математика институти ҳузуридаги DSc.02/30.12.2019.FM.86.01 рақамли Илмий кенгаш.
Илмий маслаҳатчи: Дурдиев Дурдимурод Қаландарович, физика-математика фанлари доктори, профессор.
Расмий оппонентлар: Тахиров Жозил Останович, физика-математика фанлари доктори, профессор; Хасанов Акназар Бекдурдиевич, физика-математика фанлари доктори, профессор; Холмухамедов Олимжон Рахимович, физика-математика фанлари доктори, профессор.
Етакчи ташкилот: РФА Владикавказ илмий маркази Жанубий математика институти (Россия Федератсияси).
Диссертация йўналиши: назарий аҳамиятга молик.
II. Тадқиқотнинг мақсади ёпишқоқ-эластик муҳитларда гиперболик типдаги тенгламалар учун тескари масалаларни ечиш усулларини қуриш ҳамда ушбу тескари масалалар учун ечимларнинг мавжуд, ягона ва турғунлигини кўрсатишдан иборат.
III. Тадқиқотнинг илмий янгилиги қуйидагилардан иборат:
бир жинсли ва бир жинсли бўлмаган интегро-дифференциал тўлқин тенгламасининг хотира ядросини аниқлашнинг тескари масаласининг глобал ягона ечилувчанлиги исботланди ва турғунлик баҳолари олинган;
ёпишқоқлик-эластиклик назарияси интегро-дифференциал тенгламаси ҳамда ёпишқоқликка эга акустика тенгламаси учун  тескари масалаларнинг глобал ягона ечилувчанлиги исботланган;
турли соҳаларда бир жинсли бўлмаган интегро-дифференциал тенглама интеграл ҳадининг ядросини аниқлашга доир тескари масаланинг глобал ягона ечилувчанлиги исботланган;
интеграл ҳад ядроси фазовий ўзгарувчилардан бирига кучсиз боғлиқ бўлган ҳолда ёпишқоқлик-эластиклик тенгламаси учун тескари масаланинг глобал бир қиймали ечлиши исботланган ва шартли турғунлик баҳолари олинган;
тақсимланган ва умумлашган бошлангич манбаларга эга бўлган ёпишқоқлик-эластиклик тенгламалари учун кўп ўлчовли тескари масалаларнинг локал бир қийматли ечлиши исботланган ва шартли турғунлик баҳолари олинган.
IV. Тадқиқот натижаларининг жорий қилиниши. Ёпишқоқлик-эластиклик назарияси дифференциал тенгламалари учун тескари масалалар бўйича олинган натижалар асосида:
умумлашган бошлангич манбаларга эга бўлган ёпишқоқлик-эластиклик тенгламалари учун кўп ўлчовли тескари масалаларнинг локал бир қийматли ечлиши ва шартли турғунлик баҳоларидан 122041100096-4 рақамли “Сотсиология, геофизика ва муҳандислик фанларида математик моделлаштириш” мавзусидаги хорижий грант лойиҳасида изотроп ёписқоқлик-эластиклик тенгламалари учун кўп ўлчовли тесксри масалаларни ечишда фойдаланилган (РФА Владикавказ илмий маркази Жанубий математика институтининг  2023 йил 8-ноябрдаги №85-сонли маълумотномаси, Россия Федератсияси). Илмий натижаларнинг қўлланилиши ёпишқоқ эластик муҳит асосий харатеристикаларини аниқлаш сонли алгоритмини ишлаб чиқиш имконини берган.
ёпишқоқлик-эластиклик тенгламалари интеграл ҳади ядросини аниқлаш учун таклиф этилган усулдан ОТ-Ф-4-(36+32) рақамли “Математик физика ва оптимал бошқарув масалалари ечишнинг замонавий усулларини ишлаб чиқиш. Тоқ тартибли хусусий ҳосилали тенгламалар учун ноклассик бошланғич ва спектрал масалалар ва уларнинг татбиқлари”  мавзудаги фундаментал лойиҳада учинчи тартибли тенглама учун нолокал масала ечими мавжудлигини кўрсатишда фойдаланилган (Ўзбекистон Миллий университетининг 2023 йил 15-ноябрдаги №04/11-7752-сонли маълумотномаси). Илмий натижанинг қўлланилиши натижасида нолокал масала бир қийматли ечимга эга эканлигин исботлашни ва ечимнинг интеграл ифодасини олиш имконини берган.
интегро-дифференциал тўлқин тенгламасининг хотира ядросини аниқлашга оид  тескари масаласининг глобал ягона ечилувчанлиги ҳақидаги теоремадан ОТ-Ф4-02 рақамли “Математик физиканинг ҳолатлар тўплами чексиз бўлган моделлари термодинамикаси” мавзусидаги фундаментал лойиҳада ирсий эластиклик динамик тенгламалар системасидан хотира функсияларини аниқлашда фойдаланилган (Бухоро давлат университетининг 2023 йил 11-ноябрдаги №04/4360-сонли маълумотномаси). Илмий натижанинг қўлланилиши хотира функсиясини топиш тескари масаласини бир қийматли ечиш имконини берган.