Курбонова Мохигул Мамасалиевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сурхондарё ботиқлиги палеоген қатламларининг наннопланктон қолдиқлари бўйича стратиграфияси», 04.00.05 –Палеонтология ва стратиграфия (геология-минералогия фанлари).
Диссертация мавзуси рўйхатга олинган рақам: Б2021.1.PhD/GM102.
Илмий раҳбар: Кушаков Абдулла Раманович, геология-минералогия фанлари номзоди, профессор.
Диссертация бажарилган муассаса номи: Ўзбекистон миллий университети.
ИК фаолият кўрсатаётган муассаса номи, ИК рақами: Нефт ва газ конлари геологияси ҳамда қидируви институти ҳузуридаги ДСc.24/30.12.2019.GM.41.01 рақамли илмий кенгаш асосидаги бир марталик илмий кенгаш.
Расмий оппонентлар: Хусанов Султонбой Тухтаевич, геология-минералогия фанлари доктори, профессор; Джалилов Гафур Ганиевич, геология-минералогия фанлари бўйича фалсафа доктори (PhD).
Етакчи ташкилот: Геология ва геофизика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Сурхондарё ботиқлигининг оҳакли наннопланктонлар асосидаги палеоген қатламларининг  биостратиграфик схемасини батафсил ёритиб беришдан иборат.
III. Тадқиқотнинг илмий янгилиги:
Сурхондарё ботиқлигининг палеоген қатламларида наннопланктонларнинг систематик тузилиши ва стратиграфик тарқалиши аниқланган;
Сурхондарё ботиқлигининг палеоген ётқизиқларидаги кесмаларнинг батафсил боʻлиниши ва оʻзаро богʻлиқлигини таʼминловчи наннопланктоннинг зонал шкаласи ишлаб чиқилган;
Сурхондарё ботиқлигидаги палеоген ётқизиқларининг маҳаллий стратиграфик бирликлари чегаралари ажратилган ва аниқланган;
Сурхондарё ботиқлигидаги палеоген ётқизиқларида 4 авлодга мансуб 20 та наннопланктон тури монографик тарзда тавсифланган ва таксономик таркиби аниқланган;
илк бор хориждаги бир хил ёшли наннопланктон комплекслари билан таққослаш ўтказилди ва ишлаб чиқилган схеманинг, Ўзбекистоннинг қўшни ҳудудлари схемалари ва Халқаро стратиграфик шкала билан минтақавий боғлиқлиги аниқланган.
IV. Тадқиқот натижаларининг жорий қилиниши.
Сурхондарё ботиқлиги палеоген қатламлари стратиграфияси наннопланктон бўйича олинган илмий натижалар асосида:
наннопланктон асосида палеоген ётқизиқларининг биостратиграфик схемаси “Ўзбекгеология” АЖ амалиётга жорий қилинган (Ўзбекистон Республикаси Геология ва минерал ресурслар давлат геология қўмитасининг 2022 йил 15 июлдаги 05-40-сон маълумотномаси). Натижада, минтақанинг палеоген стратиграфик бирликлари минтақалараро корреляциясини амалга ошириш имконини берган;
Сурхондарё ботиқлиги палеоген ётқизиқлари наннопланконларининг стратиграфик тарқалиш схемаси “Ўзбекгеология” АЖ амалиётга жорий қилинган (Ўзбекистон Республикаси Давлат геология қўмитасининг 2022 йил 15 июлдаги 05-40-сон маълумотномаси). Натижада, наннопланктон комплексларининг таксономик мансублигига қараб уларнинг чегараларини аниқлаш имконини берган;
Сурхондарё минтақасининг янгиланган биостратиграфик шкаласи наннопланктон бўйича палеоген ётқизиқларининг биостратиграфик схемаси деталлари асосида “Ўзбекгеология” АЖ амалиётга жорий қилинган (Ўзбекистон Республикаси давлат геология қўмитасининг 2022 йил 15 июлдаги 05-40-сон маълумотномаси). Натижада, Сурхондарё ботиқлигида палеоген ётқизиқлари кесимини биостратиграфик батафсил аниқлаш имконини берган.