Усманов Комил Исроиловичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): 
Синергетик ёндашув асосида ночизиқли динамик объектларни бошқариш тизимларини алгоритмик синтезлаш; 05.01.08 - Технологик жараёнлар ва ишлаб чиқаришларни автоматлаштириш ва бошқариш ихтисослиги техника фанлари бўйича фалсафа доктори (PhD).
Диссертация мавзуси рўйхатга олинган рақам: B2019.4.PhD/T1429
Илмий раҳбар: Сиддиқов Исомиддин Хакимович, техника фанлари доктори, профессор.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассасалар номи, ИК рақами: Тошкент кимё-технология институти, PhD.3/03.06.2023.T.04.03 
Расмий оппонентлар:
Каипбергенов Ботирбек Тулепбергенович, техника фанлари доктори, профессор;
Искандаров Зохид Эргашбаевич, техника фанлари бўйича фалсафа доктори PhD;
Етакчи ташкилот номи: Бухоро муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Синергетик ёндашув асосида ночизиқли динамик объектларни бошқариш тизимларини синтезлаш моделлари ва алгоритмларини ишлаб чиқишдан иборат.
III. Тадқиқотнинг илмий янгилиги қуйидагилардан иборат:
ночизиқли динамик объектларни юқори самарали бошқариш тизимини яратиш имконини берувчи синергетик ёндашув усуллари асосида ностационар технологик жараёнларнинг аналитик динамик моделларини қуришнинг механизми ишлаб чиқилган;
ўз-ўзини ташкил этиш хусусиятига эга бўлган бошқариш қонунларини яратиш имконини берувчи агрегирланган ростлагичларни аналитик конструкциялашнинг синтезлаш алгоритмлари ишлаб чиқилган;
технологик жараёнларни агрегирланган ростлагичларни аналитик конструкциялаш усули асосида синергетик бошқариш қонуниятларини яратишга имкон берувчи бошқариш тизимини синтезлаш алгоритмлари ишлаб чиқилган;
дизел ёқилғисини гидротозалаш жараёнининг технологик параметрларининг ўзгарувчанлигини ҳисобга олган холда жараённинг барқарорлигини таъминлаш имконини берувчи синергетик бошқариш тизими ишлаб чиқилган.
IV. Тадқиқот натижаларининг жорий қилиниши: Синергетик ёндашув асосида ночизиқли динамик объектларни бошқариш тизимларини алгоритмик синтезлаш бўйича олинган натижалар асосида: 
дизел ёқилғисини гидротозалаш жараёнининг такомиллашган бошқариш системасини тадқиқ қилишнинг синергетик ёндашув асосида тузилган моделлари ва алгоритмлари «Фарғона НҚИЗ» МЧЖда жорий қилинган («Фарғона НҚИЗ» МЧЖнинг 2023 йил 5 майдаги №08-201-сонли маълумотномаси). Натижада, ахборотларни қайта ишлаш вақтини 1,3 % га камайтириш ҳисобига, жараённи бошқаришда натижаларни олиш ва қарор қабул қилишнинг тезлигини 1,5 % га ошириш имконини берган;
дизел ёқилғисини гидротозалаш жараёнининг технологик параметрларини оптимал қийматларини таъминловчи рақамли бошқариш тизими “Фарғона НҚИЗ”да жорий этилган (“Фарғона НҚИЗ” МЧЖнинг 2023 йил 5 майдаги №08-201-сонли маълумотномаси). Натижада, “Фарғона НҚИЗ”да кимёвий реакторнинг ҳарорат режимини номинал қийматдан оғиши 1,9 % га камайтириш имконини берган;
синергетик бошқариш назарияси усулларини қўллаш асосида дизел ёқилғисини гидротозалаш жараёнининг асосий бошқарилувчи параметрларини технологик регламентга мос равишда ушлаб туришни таъминловчи микроконтроллерли бошқариш тизими “Фарғона НҚИЗ”да жорий этилган (“Фарғона НҚИЗ” МЧЖнинг 2023 йил 5 майдаги №08-201-сонли маълумотномаси). Натижада, водород сарфини 0,9 % га, ҳамда энергия сарфини 1-2 % га камайтириш имконини берган.