Қулдошев Ғулом Мамаюсуповичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Куфестрол препаратини паррандалар организмига таъсири”, 16.00.04–Ветеринария фармакологияси ва токсикологияси. Ветеринария санитарияси, экологияси, зоогигиенаси, ветеринар-санитария экспертизаси (ветеринария фанлари).
Диссертация мавзуси рўйхатга олинган рақам: В2023.1.PhD/В79
Илмий раҳбар: Холиков Аброр Азамович, ветеринария фанлари номзоди, доцент.
Диссертация бажарилган муассаса номи: Самарқанд давлат ветеринария медитсинаси, чорвачилик ва биотехнологиялар университети Тошкент филиали.
ИК фаолият кўрсатаётган муассаса номи, ИК рақами: Самарқанд давлат ветеринария медитсинаси, чорвачилик ва биотехнологиялар университети, DSc.06/30.12.2019.В.12.01.
Расмий оппонентлар: Салимов Юнус, ветеринария фанлари доктори, профессор; Юсупов Олимжон Шохонович, ветеринария фанлари бўйича фалсафа доктори.
Етакчи ташкилот: Ветеринария илмий тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади Куфестрол препаратини жўжалар ва товуқлар организмига фармакологик таъсирини ўрганиш ҳамда уларнинг тухум ва гўшт маҳсулотларини ветеринария санитария жиҳатидан баҳолашдан иборат.
III. Тадқиқотнинг илмий янгилиги:
куфестрол препарати қўлланилган тухум йўналишидаги жўжаларнинг яшовчанлиги 99 % ни, ўртача тирик вазни 23,5 % га ўсганлиги аниқланган;
куфестрол препарати қўлланилган тухум йўналишидаги товуқларда гематологик ва иммунологик кўрсаткичларига ижобий таъсири тажрибаларда исботланган;
куфестрол препарати қўлланилган товуқларда тухум маҳсулдорлиги ўртача 14% га, тухумнинг вазни 8,5% га юқори бўлиши ва тухумни ветеринария санитария жиҳатидан баҳолаганда унинг сифат кўрсаткичларига салбий таъсир этмаслиги илмий асосланган;
бройлер жўжаларига куфестрол препарати билан бойитилган омухта емнинг берилиши гўшт маҳсулдорлигини 25,8 % га кўпайтириши ҳамда улар организмига фармакостимулловчи таъсири юқори эканлиги тажрибаларда исботланган;
куфестрол препарати қўлланилганда бройлер жўжалар гўштининг органолептик, физик-кимёвий кўрсаткичларига салбий таъсир этмаслиги аниқланган.
IV. Тадқиқот натижаларининг жорий қилиниши. Куфестрол препаратини паррандалар организмига таъсири бўйича олиб борилган илмий тадқиқот натижалари асосида:
«Паррандаларни маҳсулдорлигини оширишда куфестрол препаратини қўллаш бўйича тавсиялар» ишлаб чиқилган ва ветеринария амалиётига жорий этилган (Ветеринария ва чорвачиликни ривожлантириш қўмитасининг 2023 йил 09 июндаги №02/23-155-сон маълумотномаси). Натижада бройлер жўжаларида тана вазнининг ўртача 25,8% га, товуқларда тухум маҳсулдорлигининг ўртача 14% га юқори бўлишига эришилган;
Куфестрол препаратини паррандаларнинг озиқа ратсионига 20 г/тонна миқдорда аралаштириб бериш усули ишлаб чиқилган ва Самарқанд вилоятининг паррандачилик  хўжаликларига жорий этилган (Ветеринария ва чорвачиликни ривожлантириш қўмитасининг 2023 йил 09 июндаги №02/23-155-сон маълумотномаси). Куфестрол препаратини товуқлар ва бройлер жўжаларда қўллашнинг иқтисодий самарадорлиги юқори бўлиб, сарфланган 1 сўм харажат ҳисобига 6,56 сўм соф фойда олинган.