Баракаев Лазизжон Отақуловичнинг
фалсафа доктори (PhD) диссертацияси ҳимояси ҳақида эълон

I.    Умумий маълумотлар.
Диссертация мавзуси, ихтисослик шифри: “Далилларни тўплаш усули сифатида тафтиш ўтказишнинг процессуал ва криминалистик жиҳатлари”, “12.00.09 – Жиноят процесси. Криминалистика, тезкор-қидирув ҳуқуқ ва суд экспертизаси” (юридик фанлар).
Диссертация мавзуси рўйхатга олинган рақам: В2021.1.PhD/Yu501.
Илмий раҳбар: Астанов Истам Рустамович, юридик фанлар доктори, профессор.
Диссертация бажарилган муассаса номи: Ўзбекистон Республикаси Ҳуқуқни муҳофаза қилиш академияси.
ИК фаолият кўрсатаётган муассаса номи, ИК рақами: Ўзбекистон Республикаси Ҳуқуқни муҳофаза қилиш академияси, DSc.31/31.12.2020.Yu.67.01.
Расмий оппонентлар: Мўминов Бекзод, юридик фанлар доктори; Жўраев Ихтиёр Бахтиёрович, юридик фанлар доктори.
Етакчи ташкилот: Ўзбекистон Республикаси Судьялар олий кенгаши ҳузуридаги Судьялар олий мактаби.
Диссертация йўналиши: назарий ва амалий аҳамиятга молик.
II. Тадқиқотнинг мақсади далилларни тўплаш, текшириш ва баҳолаш усули сифатида тафтиш ўтказишнинг процессуал ҳамда криминалистик жиҳатларини такомиллаштириш бўйича тавсия ва таклифлар ишлаб чиқишдан иборат.
III.     Тадқиқотнинг илмий янгилиги:
тафтиш устидан назоратни ўрнатиш, жиноят ишлари бўйича маълумотларни “Электрон жиноят-ҳуқуқий статистика” ягона ахборот тизимига киритиш зарурияти асосланган;
Ўзбекистон Республикаси Бош прокуратураси тизимида прокурор-криминалисти лавозимини жорий қилиш лозимлиги таклиф қилинган;
тафтиш ҳужжатларини далил тури сифатида ҳисобга олиниши лозимлиги асослаб берилган;
тафтиш тайинлаш қарори устидан текширилаётган шахс назорат қилувчи прокурорга шикоят билан мурожаат қилиш ҳуқуқига эга бўлиши лозимлиги, прокурор шикоятни 3 сутка ичида кўриб чиқиши кераклиги, қабул қилинган қарор ҳақида шикоят йўллаган шахсга хабар берилиши шартлиги таклиф қилинган;
тафтиш ўтказиш муддатини узайтириш ваколатини вилоятлар ва уларга тенглаштирилган прокурорларга бериш лозимлиги асослантирилган;
тафтиш далолатномасини текширилаётган субъект мансабдор шахси ёки унинг вакили томонидан имзоланиши шартлиги таклиф қилинган;
 текширилаётган субъект мансабдор шахси ёки унинг вакилининг эътирози асосли бўлганда қайта тафтиш тайинлаш ўтказиш кераклиги таклиф қилинган.
IV. Тадқиқот натижаларининг жорий қилиниши. Диссертация тадқиқоти бўйича олинган илмий натижалар асосида:
тафтиш устидан назоратни ўрнатиш, жиноят ишлари бўйича маълумотларни “Электрон жиноят-ҳуқуқий статистика” ягона ахборот тизимига киритиш заруриятига оид таклифларидан “Суд-тергов фаолиятида шахснинг ҳуқуқ ва эркинликларини ҳимоя қилиш кафолатларини янада кучайтириш чора-тадбирлари тўғрисида”ги Фармони лойиҳасини, шунингдек, Бош прокурорнинг 12.07.2021 йилдаги 243-сонли буйруғи асосида қабул қилинган “Ўзбекистон Республикаси Бош прокуратурасининг прокуратура органлари тергов тармоқлари фаолияти устидан назорат бошқармаси тўғрисида”ги Низомнинг 7-бандини ишлаб чиқишда ҳам фойдаланилган (Бош прокуратуранинг 2022 йил 20 майдаги далолатномаси). Таклифларнинг инобатга олиниши тафтиш ўтказилган ҳолатлар сони, йўл қўйилган камчилик ва хатолар, ушбу далилларни тўплаш усулини ўтказган органлар ва уларнинг ҳаракатларини баҳолаш ва мавжуд муаммоларни аниқлаш ва коллизион ҳолатларни бартараф этишга хизмат қилган;
Ўзбекистон Республикаси Бош прокуратураси тизимида прокурор-криминалисти лавозимини жорий қилиш лозимлигига оид таклифлардан “Суд-тергов фаолиятида шахснинг ҳуқуқ ва эркинликларини ҳимоя қилиш кафолатларини янада кучайтириш чора-тадбирлари тўғрисида”ги Фармони лойиҳасини, шунингдек, Бош прокурорнинг 12.07.2021 йилдаги 243-сонли буйруғи билан тасдиқланган юқоридаги Низомнинг 15-бандини шакллантиришда  ҳам фойдаланилган (Бош прокуратуранинг 2022 йил
20 майдаги далолатномаси). Таклифларнинг инобатга олиниши терговчи ва прокурор учун тафтиш тайинлашда эътибор қаратилиши лозим бўлган ҳолатлар, тафтиш ўтказилганлик натижаси бўлган далолатномани баҳолашда ҳамда ушбу далилларни тўплаш усулидан самарали фойдаланиш йўлларини кўрсатувчи ходим шаклланишига ҳисса қўшган;
тафтиш ҳужжатларини далил тури сифатида ҳисобга олиниши лозимлиги ҳамда тафтиш тайинлаш қарори устидан текширилаётган шахс прокурорга шикоят мурожаат қилиш ҳуқуқига эга бўлиши лозимлиги, қабул қилинган қарор ҳақида шикоят йўллаган шахсга хабар берилиши шартлигига оид таклифларидан Жиноят-процессуал кодекси лойиҳасининг 103-моддаси 2-қисми, 231-модда 5,6,7-қисмларини шакллантиришда фойдаланилган (Ўзбекистон Республикаси Бош прокуратурасининг 2022 йил 20 майдаги далолатномаси). Таклифларнинг инобатга олиниши далил турлари қаторига тафтиш далолатномасининг киритилишга ҳамда тафтиш тайинлаш қарори устидан шикоят қилиш мумкин бўлган шахслар сонини кенгайтиришга хизмат қилган;
тафтиш ўтказиш муддатини узайтириш ваколатини вилоятлар ва уларга тенглаштирилган прокурорларга бериш лозимлиги, тафтиш далолатномасини текширилаётган субъект мансабдор шахси ёки унинг вакили томонидан имзоланиши шартлиги, текширилаётган субъект мансабдор шахси ёки унинг вакилининг эътирози асосли бўлганда қайта тафтиш тайинлаш ўтказиш кераклигига оид таклифлардан Ўзбекистон Республикаси Жиноят-процессуал кодекси лойиҳасининг 236-моддаси 2-қисми, 237-моддаси 4-қисми, 238-моддаси 2-қисмини шакллантиришда фойдаланилган (Ўзбекистон Республикаси Бош прокуратурасининг 2022 йил 20 майдаги далолатномаси). Таклифларнинг инобатга олиниши хизмат қилган тафтиш ўтказиш муддатини узайтириш тартибини соддалаштириш, осонлаштириш, тафтиш асосида текширилаётган шахсларнинг ҳуқуқларининг, қайта тафтиш ўтказиш асослари кенгайишига асос бўлган.