Сотволдиев Хусниддин Ибрагимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ностационар технологик обектларни мунтазам усуллар асосида идентификациялаш ва бошқариш алгоритмлари», 05.01.08 – Технологик жараёнлар ва ишлаб чиқаришларни автоматлаштириш ва бошқариш (техника фанлари).
Диссертация мавзуси рўйхатга олинган рақам: Б2022.2.PhD/Т2846.
Илмий раҳбар: Игамбердиев Хусан Закирович, ЎзР ФА академиги, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассасалар номи, ИК рақами: Тошкент давлат техника университети, ДСc.03/30.12.2019.Т.03.02.
Расмий оппонентлар: техника фанлари доктори, профессор Баратов Дилшод Хамидуллаевич, техника фанлари доктори, профессор Варламова Людмила Петровна.
Етакчи ташкилот: Навоий давлат кончилик ва технологиялар университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ностационар технологик обектларни мунтазам усуллар асосида идентификациялаш ва бошқариш алгоритмларини ишлаб чиқишдан иборат.
III. Тадқиқотнинг илмий янгилиги:
чиқиш матрицасига псевдотескари режа матрицасини ҳисоблаш асосида ностационар динамик тизим ҳолатининг характеристикаларини мунтазам идентификациялаш алгоритмлари ишлаб чиқилган;
матрица операторини ўнгдан элементар ортогонал айланиш матрицаларига ва чап томонда алмаштириш матрицаларига ёйишлар асосида ностационар тизимларни турғун параметрик идентификациялаш алгоритмлари ишлаб чиқилган;
бошқариш жараёнларининг сифат кўрсаткичларини оширишга ёрдам берувчи псевдоағдариш консепсияси асосида ностационар обектларни адаптив субоптимал бошқаришни синтезлаш алгоритми ишлаб чиқилган;
юқори даражали априор ноаниқлиги мавжуд жараёнларни классик бошқариш усулларининг самарасизлиги шароитларида бошқариш қарорларини оптималлаштиришга имкон берувчи ностационар обектларни бошқаришнинг турғун алгоритмлари ўйин усуллари консепсияси асосида ишлаб чиқилган.
IV. Тадқиқот натижаларининг жорий қилиниши.
Ностационар технологик обектларни мунтазам усуллар асосида идентификациялаш ва бошқариш алгоритмлари ишлаб чиқиш бўйича олинган илмий натижалар асосида:
ностационар динамик тизим ҳолатининг характеристикаларини турғун идентификациялаш алгоритмлари “Янги-Ангрен ИЕС” да жорий қилинган (“Иссиқлик электр станциялари” АЖнинг 2023 йил 7 февралдаги 04-25/456-сон маълумотномаси). Натижада, кузатиш маълумотлари бўйича ностационар динамик тизим ҳолатининг тавсифларини идентификациялаш алгоритмлари аниқлигини ошириш имконини берган;
ностационар тизимларни турғун параметрик идентификациялаш алгоритмлари “Янги-Ангрен ИЕС” да жорий қилинган (“Иссиқлик электр станциялари” АЖнинг 2023 йил 7 февралдаги 04-25/456-сон маълумотномаси). Натижада, тасодифий параметрларга эга бўлган чизиқли динамик тизимни турғун идентификациялаш имконини берган;
ностационар обектларни турғун бошқариш алгоритмлари “Янги-Ангрен ИЕС” да жорий қилинган (“Иссиқлик электр станциялари” АЖнинг 2023 йил 7 февралдаги 04-25/456-сон маълумотномаси). Натижада, классик бошқариш усуллари самарасиз бўлган ва жараёнларнинг априор ноаниқлигининг юқори даражаси шароитларида бошқариш қарорларини оптималлаштириш имконини берди.