Ҳазратқулова Севара Мусиновнанинг

фалсафа доктори (PhD)диссертациясиҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи): «Табиий оксикислоталар N-алмашган акриламидларини радикал полимерланиши», 02.00.06–Юқори молекуляр бирикмалар (кимё фанлари).

Диссертация мавзуси рўйхатга олинган рақам: В2017.1.PhD/К2.

Илмий раҳбар: Мухамедиев Мухтаржан Ганиевич, кимё фанлари доктори, профессор.

Диссертация бажарилган муассаса номи: Ўзбекистон Миллий университети.

ИК фаолият кўрсатаётган муассаса (муассасалар) номи, ИК рақами: Полимерлар кимёси ва физикаси институти, DSc.27.06.2017.FM/K/T.03.01.

Расмий оппонентлар: Рафиқов Адхам Салимович, кимё фанлари доктори, профессор; Кудышкин Валентин Олегович,кимё фанлари доктори, профессор.

Етакчи ташкилот: Тошкент фармацевтика институти.

Диссертация йўналиши: назарий аҳамиятга молик.

II. Тадқиқотнинг мақсади: оксикислоталар асосидаги мономерларни радикал полимерланиши орқали стимул-сезгир полимерлар яратиш ҳамда уларнинг ўзига хос хусусиятларини аниқлашдан иборат.

III. Тадқиқотнинг илмий янгилиги:

илк бор табиий оксикислоталар асосида N-алмашган ионоген функционал гуруҳли мономерлар синтез қилинган, рН- ва термосезгир, сувда эрувчан ва бўкувчан полимерлар олишнинг мақбул шароитлари аниқланган;

муҳит-рН ва эритманинг ион кучи каби омилларни мономерларнинг радикал полимерланишига таъсири тасдиқланган, реакция кинетикаси ҳамда механизми Кабанов ва Топчиевнинг ион жуфтлар назариясига мос келиши тасдиқланган, мономерларнинг радикал полимерланиш жараёнини бошқариш исботланган;

синтез қилинган мономерларни диэтилакриламид, N-винилпирролидон билан сополимерланиши орқали янги термосезгир полимерлар олинган ва уларнинг термосезгир хоссаларининг сополимерлар таркибини ўзгартириш орқали бошқариш мумкинлиги асосланган;

полиакриламидо-N-метилен сут кислотаси ўсимликлар ўсишининг стимулятори сифатида қўлланилиши буғдой уруғларининг униш самарадорлигига, пояларининг ривожланишига ва ҳосилдорлигига самарали таъсири аниқланган.

IV. Тадқиқот натижаларининг жорий қилиниши:

Табиий оксикислоталар N-алмашган акриламидларнинг радикал полимерланиши бўйича олинган илмий натижалар асосида:

сут кислотаси асосида олинган полимерлар Қашқадарё вилояти Шаҳрисабз туманидаги «Тўхтаев Комил Тўхтаевич» фермер хўжалиги амалиётига татбиқ қилинган (Қишлоқ ва сув хўжалиги вазирлигининг 2017 йил 18 январдаги 03/20-92-сон маълумотномаси). Натижада сут кислотаси асосида олинган полимер буғдой уруғларининг унушини 70% дан 95% гача ва шўрланган тупроқларда ҳосил унумдорлигини 3-5% гача ошириш имконини берган;

оксикислоталар акриламидларнинг стимул-сезгир полимерларини радикал полимерланиш ёрдамида олиниши ҳамда полимерланиш жараёни Кабанов ва Топчиевлар назариясига мос келиши, уларнинг физик-кимёвий хоссаларини тадқиқ қилиш, табиий ва синтетик функционал полимер олиш усулларидан ОТ-З-Ф-151 рақамли «Полимерлар биологик фаол бирикмалар ташувчиси, ингибиторлар. Дитерпеноидларнинг таъсир механизми» (ЎзМУ 2007–2011 йй.) илмий лойиҳада оксикислоталар асосида стимул-сезгир полимерларни доривор моддаларни мақсадли етказиб берадиган макромолекуляр терапевтик тизимлар олишга ва таъсир муддатини оширишга имкон берадиган тадқиқотларда фойдаланилган (Фан ва технологияларни ривожлантиришни мувофиқлаштириш қўмитасининг 2017 йил 18 январдаги ФТК-03-13/57-сон маълумотномаси). Илмий-тадқиқотлар натижасида янги стимул-сезгир полимерларнинг олиш шароитлари ва физик-кимёвий хусусиятлари аниқланган.