Хамидов Вохид Собировичнинг
Фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифрлари (илмий даража бериладиган фан тармоғи): «Кучли гравитация майдонида зарралар динамикаси», 01.03.01 –Астрономия ва 01.04.02 – Назарий физика (физика-математика фанлари).
Диссертация мавзуси рўйхатга олинган рақам: В2022.3.PhD/FM762.
Илмий раҳбарларнинг Ф.И.Ш., илмий даражаси ва унвони: Абдужаббаров Аҳмаджон Адилжанович, физика-математика фанлари доктори, профессор, Аҳмедов Бобомурат Жўраевич физика-математика фанлари доктори, профессор.  
Диссертация бажарилган муассаса номи: “ТИҚХММИ” Миллий тадқиқот университети ҳузуридаги Фундаментал ва амалий тадқиқотлар институти,
ИК фаолият кўрсатаётган муассаса номи, ИК рақами: “ТИҚХММИ” Миллий тадқиқот университети ҳузуридаги Фундаментал ва амалий тадқиқотлар институти, DSc.03/31.03.2022.T/FM.10.04.
Расмий оппонетлар: Шайматов Санжар Рузимуротович, физика-математика фанлари доктори; Мамаджанов Ахроржон Ибрагимович физика-математика фанлари номзоди, доцент.
Етакчи ташкилот: Шароф Рашидов номидаги Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: қора ўралар яқинидаги фотонлар ва заррачалар динамикасини тавсифлаш учун моделлар ва ҳисоблаш усулларини ишлаб чиқиш ва такомиллаштиришдан иборат.
III. Тадқиқотнинг илмий янгилиги: Шварсшилдсимон қора ўра атрофида ёруғлик нурларининг оғиш бурчаги фазо-вақт деформация параметри мажуд бўлганда камайиши кўрсатилган; кучсиз гравитация ўзаро таъсири яқинлашувида фазо-вақт деформацияси параметрининг қатъий қийматлари учун бир жинсли плазманинг бурилиш бурчагига таъсири ўрганилди; плазма муҳитининг нобиржинслилиги учун масʼул бўлган параметрнинг ортиши компакт обект атрофида ёруғлик нурларининг оғиш бурчагининг ортишига олиб келиши кўрсатилган; тасвир ёрқинлигининг умумий катталашиши ҳам бир жинсли бўлган, ҳам бир жинсли бўлмаган плазма параметрларининг ортиши билан ортиши кўрсатилган; модификацияланган гравитацион модел параметри скаляр майдон параметрига қараб юқори чегара қийматига эга эканлиги кўрсатилган; айлана орбиталаридаги текширилаётган заррачаларнинг хусусий бурчак моменти ва энергиясининг аналитик ифодалари топилган ва скаляр майдон параметрлари ва модификацияланган гравитация кучининг уларга таъсири таҳлил қилинган.
IV. Тадқиқот натижаларининг жорий қилиниши: Ушбу диссертация иши доирасида чоп этилган илмий ишлардан турли халқаро Wеб оф Сcиенcе ва Сcопус базаларига кирувчи илмий мақолаларда (масалан, (Сймметрй, 2023; В.15: ид 293, Wеб-Сc, ИФ-2.94; Эуропеан Пҳйсиcал Жоурнал C, 2023; В.83: ид 506, Wеб-Сc, ИФ-4.994; Чинесе Жоурнал оф Пҳйсиcс, 2023; В.83: пп. 664-679, Wеб-Сc, ИФ-3.957 ва бошқалар) фойдаланилган. Бундан ташқари диссертация натижалари Хитой халқ республикасининг Шанхай шаҳридаги Фудан университетидаги (ФУ) олимлар томонидан қўлланилган массасиз заррачалар ҳаракати ва гравитацион линзалаштиришнинг таъсири тадқиқотларида фойдаланилган (ФУ маълумотномаси, Хитой, 2023-йил 24-июл).