Турдиева Муқаддас Умаровна
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Саноат корхоналарида инновацион фаолиятни рағбатлантириш механизмини такомиллаштириш», 08.00.03 – “Саноат иқтисодиёти” ихтисослиги бўйича (иқтисодиёт фанлари).
Диссертация мавзуси рўйхатга олинган рақам: B2022.2.PhD /Iqt1652  .
Илмий раҳбар: Назарова Фотима Хакимовна,  иқтисодиёт фанлари доктори, профессор.
Диссертация бажарилган муассаса номи: Бухоро давлат университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети ҳузуридаги илмий даражалар берувчи DSc. 03/30.07.2022.I.16.05 рақамли Илмий кенгаш.
Расмий оппонентлар: Муратова Шохиста Нигматуллаевна, иқтисодиёт фанлари доктори, профессор;  Қодиров Абдурашид Мажитович, иқтисодиёт фанлари доктори, профессор.  
Етакчи ташкилот: Тошкент тоъқимачилик ва енгил саноат институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Тўқимачилик саноати корхоналарида инновацион фаолиятни рағбатлантириш механизмини такомиллаштириш бўйича илмий-услубий ёндашувлар ва амалий тавсиялар ишлаб чиқишдан иборат .
III. Тадқиқотнинг илмий янгилиги: 
услубий ёндашувга кўра “инновацион жараён”, “инновацион фаолият”, “инновацион соҳа”, “инновацион лойиҳа”, “инновацион дастур” тушунчаларининг ўзаро фарқланишига аниқлик киритиш асосида инновацион жараёнлар ва уларни бошқариш самарадорлигига таъсир кўрсатувчи омилларга кўра тўқимачилик  корхоналарида инновацион фаолиятни амалга ошириш хусусиятлари асосланган; 
тўқимачилик корхоналарида маҳсулот, жараён, маркетингга оид ва ташкилий инновация турларининг мураккаблик даражаси ва аҳамиятидан келиб чиққан ҳолда, тегишли инновацияни жорий этишда иштирок этган ходим ёки ходимлар гуруҳига бир марталик рағбатлантириш билан бир қаторда инновация келтирадиган молиявий натижага мутаносиб равишда моддий рағбатлантириш жамғармаси ҳисобидан мунтазам тўлаб борилувчи тўловни жорий этиш таклифи асосланган;
тўқимачилик корхоналарида турли ишлаб чиқариш жараёнларига ихтисослашган тузилмалар (бригада, цех, бўлим ва ҳ.к.) кесимида инновацион фаолиятга лаёқати ва мойиллиги бўлган ишчи ва мутахассислардан шакллантирилган ижодий гуруҳларни тегишли илмий-экспериментал шароит ва муҳит билан таъминлаш орқали инновацион фаолиятни рағбатлантиришни такомиллаштириш таклифи асосланган;
“Ўзтўқимачиликсаноат” уюшмаси тўқимачилик корхоналарида инновацион омиллар таъсирини ҳисобга олган ҳолда маҳсулот ишлаб чиқариш ҳажмининг 2030-йилга қадар прогноз кўрсаткичлари ишлаб чиқилган. 
IV. Тадқиқот натижаларининг жорий қилиниши. Тўқимачилик корхоналарида инновацион жараёнларни рағбатлантириш самарадорлигини ошириш  бўйича олинган натижалар асосида: 
услубий ёндашувга кўра “инновацион жараён”, “инновацион фаолият”, “инновацион соҳа”, “инновацион лойиҳа”, “инновацион дастур” тушунчаларининг ўзаро фарқланишига аниқлик киритиш асосида инновацион жараёнлар ва уларни бошқариш самарадорлигига таъсир кўрсатувчи омиллар ёрдамида тўқимачилик  корхоналарида инновацион фаолиятни амалга ошириш хусусиятларини асослашга оид назарий-услубий материаллардан олий ўқув юртлари талабалари учун мўлжалланган “Бизнес ижроси ва стратегия” номли ўқув қўлланмани тайёрлашда фойдаланилган (Тошкент давлат иқтисодиёт университетининг 2022-йил 24-октябрдаги 328-019-сон маълумотномаси). Мазкур илмий янгиликнинг амалиётга жорий этилиши натижасида талабаларда тўқимачилик  корхоналарида инновацион жараёнларни рағбатлантириш самарадорлигини оширишга оид назарий билим ва амалий кўникмаларни кенгайтириш имкони яратилган;
тўқимачилик корхоналарида маҳсулот, жараён, маркетингга оид ва ташкилий инновация турларининг мураккаблик даражаси ва аҳамиятидан келиб чиққан ҳолда тегишли инновацияни жорий қилишда иштирок этган ходим ёки ходимлар гуруҳига бир марталик рағбатлантириш билан бир қаторда инновация келтирадиган молиявий натижага мутаносиб равишда моддий рағбатлантириш жамғармаси ҳисобидан мунтазам тўлаб борилувчи тўловни жорий этиш бўйича берилган таклиф “Ўзтўқимачиликсаноат” уюшмаси таркибидаги корхоналарнинг ишлаб чиқариш фаолиятига татбиқ этилган (“Ўзтўқимачиликсаноат” уюшмасининг 2023-йил 6-июндаги 12-16-сон маълумотномаси). Натижада, “ШОФИРКОН ЭКВАТОРИАЛ ТЕКС” МЧЖда хомашё ва материалларга кетган харажатларни  8,9 фоизга қисқартиришга эришилди;
тўқимачилик корхоналарида турли ишлаб чиқариш жараёнларига ихтисослашган тузилмалар (бригада, цех, бўлим ва ҳ.к.) кесимида инновацион фаолиятга лаёқати ва мойиллиги бўлган ишчи ва мутахассислардан шакллантирилган ижодий гуруҳларни тегишли илмий-экспериментал шароит ва муҳит билан таъминлаш орқали инновацион фаолиятни рағбатлантиришни такомиллаштириш бўйича берилган таклиф “Ўзтўқимачиликсаноат” уюшмаси таркибидаги корхоналарнинг бошқарув фаолиятига жорий этилган (“Ўзтўқимачиликсаноат” уюшмасининг 2023-йил 6-июндаги 12-16-сон маълумотномаси).  Мазкур таклифлар жорий этилиши ҳисобига “МЕРГАНТЕКС” МЧЖда пилталаш машиналари маҳсулотининг нотекислик коеффициентини 60 %га  камайтиришга, тараш машиналарида хизмат кўрсатиш меёрини 1,7 марта ошириш имконияти яратилди.
“Ўзтўқимачиликсаноат” уюшмаси тўқимачилик корхоналарида инновацион омиллар таъсирини ҳисобга олган ҳолда, маҳсулот ишлаб чиқариш ҳажмининг 2030-йилгача ишлаб чиқилган прогноз кўрсаткичлари Ўзбекистон тўқимачилик ва тикув трикотаж саноатини ривожлантиришнинг истиқбол кўрсаткичларини ишлаб чиқишда фойдаланилган (“Ўзтўқимачиликсаноат” уюшмасининг 2023-йил 6-июндаги 12-16-сон маълумотномаси).