Абдуллаев Элнур Ахматовичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Қайта тикланувчан энергия манбаларига эга корхоналарнинг юклама графикларини оптималлаштириш”, 05.05.02 – “Электротехника. Электр энергия станциялари, тизимлари. Электротехник мажмуалар ва қурилмалар” (техника фанлари).
Диссертация мавзуси рўйхатга олинган рақам: B2023.2.PhD/T1621.
Илмий раҳбар: Гайибов Тулкин Шерназарович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассасалар номи, ИК рақами: Тошкент давлат техника университети, DSc.03/10.12.2019.T.03.03.
Расмий оппонентлар: Мирзабаев Акрам Махкамович, техника фанлари доктори, доцент; Саттаров Хуршид Абдишукурович, техника фанлари номзоди, профессор.
Етакчи ташкилот: Тошкент давлат транспорт университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади қайта тикланувчан энергия манбаларига эга корхоналарнинг юклама графикларини оптималлаштириш масаласининг математик моделлари ҳамда уни ечиш усул ва алгоритмларини ишлаб чиқишдан иборат.
III. Тадқиқотнинг илмий янгилиги:
қуёш фотоелектр станциясига эга бўлган корхоналарнинг юклама графикларини барча чекловчи ва таъсир этувчи факторларни эʼтиборга олиб оптималлаштириш масаласининг чизиқли кўринишидаги математик модели ишлаб чиқилган;
шамол қурилмасига эга бўлган корхоналарнинг юклама графикларини оптималлаштиришнинг эгри чизиқли кўринишдаги математик модели ва уни чизиқли дастурлаш масаласига келтириш орқали ечиш алгоритми ишлаб чиқилган;
қайта тикланувчан энергия манбаларида ишловчи гибрид электр станциясига эга бўлган корхоналарнинг юклама графикларини оптималлаштириш масаласининг математик модели ва уни ечишнинг чизиқли дастурлаш масаласига келтиришга асосланган алгоритми барча чекловчи шартларни ҳисобга олиб яратилган;
қайта тикланувчан энергия манбаларидан фойдаланувчи электр станцияларида ишлаб чиқарилувчи электр энергиясини сотиш имкониятига эга бўлган корхоналарнинг юклама графикларини оптималлаштиришнинг эгри чизиқли дастурлаш масаласи кўринишидаги математик модели ва уни ечишнинг чизиқли дастурлаш масаласига келтиришга асосланган алгоритми таклиф этилган.
IV. Тадқиқот натижаларининг жорий қилиниши. Қайта тикланувчан энергия манбаларида ишловчи электр станцияларига эга бўлган корхоналарнинг юклама графикларини оптималлаштиришнинг математик моделлари ва алгоритмларини ишлаб чиқиш бўйича олинган илмий натижалар асосида:
қайта тикланувчан энергия манбаларидан фойдаланувчи электр станцияларига эга бўлган корхонанинг юклама графикларини барча чекловчи ва таъсир этувчи факторларни ҳисобга олиб оптималлаштириш учун ишлаб чиқилган математик модел ва алгоритм “Дўстликдонмаҳсулотлари” АЖга жорий этилган (“Ўздонмаҳсулот” АКнинг 2022-йил 17-ноябрдаги 6-1-2/292-1353-сонли маълумотномаси). Натижада характерли суткалик юклама графикларини оптималлаштириш ёрдамида сутка давомида электр энергияси истеʼмоли билан боғлиқ бўлган харажатларни 7,6 % гача камайтириш имконияти яратилган;
қайта тикланувчан энергия манбаларидан фойдаланувчи электр станцияларига эга бўлган корхонанинг юклама графикларини оптималлаштириш масаласининг чизиқли кўринишидаги математик модели ва алгоритми “Дўстликдонмаҳсулотлари” АЖнинг юклама графикларини оптималлаштиришга жорий этилган (“Ўздонмаҳсулот” АКнинг 2022-йил 17-ноябрдаги 6-1-2/292-1353-сонли маълумотномаси). Натижада электр тармоғига нисбатан корхона юклама графигини оптималлаштириш ҳисобига кутилаётган иқтисодий самарадорлик 152,17 млн. сўмни ташкил этган.