Дононов Жасур Урал ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Жануби-Ғарбий Ҳисорнинг турли даражадаги неотектоник ҳаракатлари ва деформатсияларининг кинематикаси ва динамикаси», 04.00.03 – Геотектоника ва геодинамика. Петрология ва литология (геология-минералогия фанлари).
Диссертация мавзуси рўйхатга олинган рақам: B2022.3.PhD/GM113.
Илмий раҳбар: Умурзаков Рахимжан Абдуразакович, геология-минералогия фанлари доктори, профессор.
Диссертация бажарилган муассасалар номи: Қарши муҳандислик-иқтисодиёт институти, Тошкент давлат техника университети.
ИК фаолият кўрсатаётган муассаса номи, ИК рақами: Геология ва геофизика институти, DSc.24/30.10.2020.GM.125.01.
Расмий оппонентлар: Турапов Мирали Камалович, геология-минералогия фанлари доктори, профессор; Алимухамедов Илхом Мизратович, геология-минералогия фанлари номзоди, катта илмий ходим.
Етакчи ташкилот: “Регионалгеология” ДУК.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Жануби-Ғарбий Ҳисорнинг турли даражадаги неотектоник ҳаракатлари ва деформатсияларининг кинематикаси ва динамикаси хусусиятларини ҳамда ҳосил бўлиш механизмларини аниқлашдан иборат.
III. Тадқиқотнинг илмий янгилиги:
Жануби-Ғарбий Ҳисор бўйича илк бор неотектоник ҳаракат ва деформатсияларининг турли даражадаги хариталари тузилган ва уларни хусусиятлари аниқланган;
Жануби-Ғарбий Ҳисорнинг неотектоник тузилмаларининг ҳамда тоғ массивларидаги турли катталикдаги дарзликлар ва ёриқларининг маконда жойлашиш хусусиятлари аниқланган;
табиий шароитда ётган қатламлардаги кинематик силжиш белгилари ўрганилган ва улар асосида ҳудуднинг кечки кайнозойдаги турли даражадаги тектоник кучланиш майдонлари реконструктсия қилинган;
дарзликларнинг статистик ўлчовлари ва таҳлили асосида турли даражадаги неотектоник кучланиш майдонлари аниқланган ва деформатсияланишнинг тектодинамик модели тузилган;
Жануби-Ғарбий Ҳисор ҳудуди мисолида илк бор рутбали неотектоник раёнлаштиришнинг янги авлод харитасини тузиш имкониятлари аниқланган.
IV. Тадқиқот натижаларининг жорий қилиниши.
“Жануби - Ғарбий Ҳисорнинг турли даражадаги неотектоник ҳамда рутбали неотектоник раёнлаштириш хариталари” ва “Жануби - Ғарбий Ҳисорнинг рутбали неотектоник раёнлаштиришга асосланган нефтгазга истиқбол зоналари” натижалари асосида:
Жануби - Ғарбий Ҳисор ҳудудининг илк бор тузилган турли (биринчи, иккинчи ва учинчи) даражадаги неотектоник деформатсион хусусиятларини ифодаловчи хариталари “Нефт ва газ конлари геологияси ҳамда қидируви институти” ДМ илмий-амалий фаолиятига жорий қилинган (Ўзбекистон Республикаси Тоғ - кон саноати ва геология вазирлигининг 2023 йил 20 февралдаги 04/0228 - сонли маълумотнома). Натижада, Жануби - Ғарбий Ҳисор ҳудудининг геологик ва геодинамик тузилишига аниқлик киритилиб янги истиқболли майдонларини қидирув - разведка ишларини самарасини ошириш имконияти яратилган;
Жануби - Ғарбий Ҳисор ҳудудининг аниқлаштирилган фаол турли даражадаги ер ёриқлари жойлашуви ва кинематик модели “Нефт ва газ конлари геологияси ҳамда қидируви институти” ДМ илмий - амалий фаолиятига жорий қилинган (Ўзбекистон Республикаси Тоғ - кон саноати ва геология вазирлигининг 2023 йил 20 февралдаги 04/0228 - сонли маълумотнома). Натижада, Жануби - Ғарбий Ҳисор ҳудудида ер ёриқлари билан боғлиқ фойдали қазилма конларини қидирув- разведка ишларининг аниқлигини ошириш учун замин яратилган;
Жануби - Ғарбий Ҳисор ҳудудининг биринчи, иккинчи ва учинчи даражали неотектоник деформатсияларининг тескари алоқа кўрсатгич турига асосланган рутбали неотектоник раёнлаштириш хариталари “Нефт ва газ конлари геологияси ҳамда қидируви институти” ДМ илмий-амалий фаолиятига жорий қилинган (Ўзбекистон Республикаси Тоғ - кон саноати ва геология вазирлигининг 2023 йил 20 февралдаги 04/0228 - сонли маълумотнома). Натижада, Жануби - Ғарбий Ҳисор ҳудудида қидирув-разведка ишларининг истиқболли йўналишларини лойиҳалаш имконияти яратилган;
Жануби - Ғарбий Ҳисорнинг рутбали маълумотлар асосидаги нефтгазга истиқбол зоналари харитаси “Нефт ва газ конлари геологияси ҳамда қидируви институти” ДМ илмий - амалий фаолиятига жорий этилган. (Ўзбекистон Республикаси Тоғ - кон саноати ва геология вазирлигининг 2023 йил 20 февралдаги 04/0228 - сонли маълумотнома). Натижада, биринчи навбатдаги геологик - геофизик қидирув ишларини режалаштириш ва самарали олиб бориш имконини берган.