Жўрақулова Дилбар Хайруллаевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Антропоген ландшафтлар шаклланишини тарихий-генетик даврлаштириш (Сурхондарё ҳавзаси мисолида)», 11.00.01 – Табиий география (география фанлари).
Диссертация мавзуси рўйхатга олинган рақам: B2023.1.PhD/Gr237.
Илмий раҳбар: Боймирзаев Каримжон Мирзахмедович, география фанлари доктори, доцент.
Диссертация бажарилган муассасалар номи: Самарқанд давлат университети.
ИК фаолият кўрсатаётган муассаса номи, ИК рақами: Самарқанд давлат университети, DSc.03/30.12.2021.Gr.02.07.
Расмий оппонентлар: Уразбаев Абдукарим Кендирбаевич, география фанлари доктори, доцент; Тошев Худойназар Рамазонович, география фанлари номзоди, доцент.
Етакчи ташкилот: Термиз давлат  университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: Сурхондарё ҳавзаси антропоген ландшафтларининг шаклланиши ва уларни тарихий-генетик таҳлил қилиш ҳамда даврлаштиришдан иборат.
III. Тадқиқотнинг илмий янгилиги:
Сурхондарё ҳавзасида вужудга келган антропоген ландшафт комплексларининг шаклланиш жараёни тарихий-генетик жиҳатдан асосланган;
Сурхондарё ҳавзасида антропоген ландшафт комплексларининг ривожланиши тарихи ва ёши аниқланган ҳамда тарихий-генетик жиҳатдан даврлаштирилган;
ҳавзада антропоген ландшафтларнинг табиий географик жараёнларини аниқлаш ва тарихий-генетик қаторларни тузиш асосида ҳудуд табиий мажмуаларининг келажакда содир бўлиши мумкин бўлган ўзгаришлари 2022–2035–йиллар учун прогнозлаштирилган;
Сурхондарё ҳавзасининг ландшафт–типологик ва даврлаштиришга оид карталари (1:1000000) (ГАТни қўллаш орқали АрcГИС, ЭНВИ 4.5 каби дастурларда) яратилган.
IV. Тадқиқот натижаларининг жорий қилиниши. 
Сурхондарё ҳавзаси антропоген ландшафтларини шаклланишининг тарихий-генетик даврлаштириш бўйича олинган илмий натижалар асосида: 
Сурхондарё ҳавзасида вужудга келган антропоген ландшафт комплексларининг тарихий-генетик жиҳатдан шаклланиши ва даврлаштириш орқали ишлаб чиқилган тавсиялари Ўзбекистон Республикаси Қишлоқ хўжалиги вазирлиги тизимида амалиётга жорий этилган (Ўзбекистон Республикаси Қишлоқ хўжалиги вазирлигининг 2023 йил 4 майдаги 06/28-28-06/438-сон маълумотномаси). Натижада, антропоген ландшафт структурасининг динамикаси ҳудуддаги мавжуд ер фондидан фойдаланишни такомиллаштиришга имконият яратган;
ҳавза ландшафтларининг маҳсулдорлиги, географик тарқалиши ва антропоген омил таъсирида вужудга келган ландшафт ҳолатнинг ўзгариб бориш динамикаси ва хариталардан Ўзбекистон Республикаси Қишлоқ хўжалиги вазирлиги амалиётида фойдаланилган (Ўзбекистон Республикаси Қишлоқ хўжалиги вазирлигининг  2023 йил 4 майдаги 06/28-28-06/438-сон маълумотномаси). Натижада, Сурхондарё ҳавзаси ҳудудида қишлоқ хўжалик ерларидан режали фойдаланиш имконини берган; 
Сурхондарё ҳавзасининг ландшафт-типологик ва суғориш жараёнини даврлаштиришга оид карталаридан Ўзбекистон Республикаси Қишлоқ хўжалиги вазирлиги тизимида фойдаланиш учун амалиётга жорий этилган (Ўзбекистон Республикаси Қишлоқ хўжалиги вазирлигининг  2023 йил 4-майдаги 06/28-28-06/438-сон маълумотномаси). Натижада, ландшафт комплекслари маҳсулдорлигини аниқлаш, қишлоқ хўжалик экин турларини ландшафт имкониятларини ҳисобга олиб жойлаштириш ва антропоген ландшафтларини кадастр тизимини такомиллаштириш имконини берган;
Сурхондарё ҳавзасида антропоген ландшафтларида содир бўлиши мумкин бўлган ўзгаришларнинг прогнозларидан Ўзбекистон Республикаси Қишлоқ хўжалиги вазирлиги фаолиятида фойдаланилган (Ўзбекистон Республикаси Қишлоқ хўжалиги вазирлигининг  2023 йил 4 майдаги 06/28-28-06/438-сон маълумотномаси). Натижада, ҳавза ландшафтларининг келажакда содир бўлиши мумкин бўлган салбий ўзгаришларини олдини олиш учун чора-тадбирлар ишлаб чиқиш имконини берган.