Нуъмонов Миржалол Абдумалик ўғли
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Чигитни самарали линтерлаш жараёнини такомиллаштирилган конструксияли аралаштиргич билан ишлаб чиқиш” 05.06.02 - Тўқимачилик материаллари технологияси ва хом ашёга дастлабки ишлов бериш (техника фанлари) ихтисослиги бўйича (техника фанлари).
Диссертация мавзуси рўйхатга олинган рақам: № B2022.2.PhD/T2917
Илмий раҳбар: Жуманиязов Қадам, техника фанлари доктори, профессор.
Диссертация бажарилган муассаса номи: Наманган муҳандислик-технология институти.
ИК фаолият кўрсатаётган муассаса (муассасалар) номи, ИК рақами: Наманган муҳандислик-технология институти ҳузуридаги илмий даражалар берувчи PhD.03/30.12.2019.T.66.01 рақамли илмий кенгаш
Расмий оппонентлар: Саримсақов Олимжон Шарипжанович техника фанлари доктори, профессор (05.06.02), Сулайманов Рустам Шеникович техника фанлари доктори, профессор (05.06.02)
Етакчи ташкилот: Андижон машинасозлик институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: чигитни самарали линтерлаш жараёнини амалга оширадиган такомиллаштирилган линтерни ишлаб чиқишдан иборат.
III. Тадқиқотнинг илмий янгилиги:
линтер иш унумдорлигининг аррали цилиндрдаги арра тишлари билан аралаштиргич парраклари орасидаги чигитлар оқимига таъсирлашув зонаси катталигига боғлиқ ўзгаришини ҳисобга олган ҳолда аралаштиргич парраклари учларини чигитли валик айланиши томон букилган конструксияси ишлаб чиқилган;
аралаштиргич паррак учларини чигитли валик айланиши томон букилиши натижасида уларни чигит оқими билан таъсирлашув зонаси ошиши ҳисобига линтерлаш зонасида чигит сиртидан момиқни қириб олишнинг жадаллашишидан линтерлар сонини амалдагидан кам бўлишини таъминлайдиган аралаштиргич конструксияси ишлаб чиқилган;
самарали линтерлаш жараёни, чигит ва момиқ сифатининг яхшиланиши аралаштиргич паррак учларини букилиш бурчагини, букилиш узунлигини, паррак учлари билан аррали цилиндр оралиқ масофасини инобатга олган ҳолда аниқланган ва аралаштиргичнинг рационал параметрлари асосланган;
чигитни линтерлаш ускунасининг конструктив ва технологик ўлчамлари, аралаштиргичдаги букилган паррак учларини параметрлари, паррак учлари билан аррали цилиндр оралиқ масофасининг рационал катталиклари, чигитни линтерлаш жараёни самарадорлигининг энг юқори қийматини таъминлаш шартидан келиб чиқиб аниқланган.
IV. Тадқиқот натижаларининг жорий қилиниши. Пахта тозалаш корхоналарида чигитни линтерлашда юқори самарадорликка эга бўлган ускуналарни яратиш бўйича олинган илмий натижалар асосида:
пахта чигитини линтерлаш технологияси ва ускунаси «Ўзбекистон пахта-тўқимачилик кластерлари» уюшмаси тасарруфидаги корхонага, жумладан Наманган вилояти “Наманган Пахта Текс” МЧЖ пахта тозалаш корхонасига жорий этилган («Ўзбекистон пахта-тўқимачилик кластерлари» уюшмасининг 2023 йил 4- апрелдаги 02/22-272-сон маълумотномаси). Натижада юқори ва паст навли чигитни линтерлашда линтернинг иш унумдорлигини чигит бўйича ўртача 70 кг/соат ва 57 кг/соатга, момиқ бўйича ўртача 1,8 кг/соат ва 2,5 кг/соатга ошириш имкони яратилган; юқори ва паст навли чигитларни линтерлашда чигитни шикастланишини ўртача 0,36 (абс)% дан 0,28 (абс)%га, момиқдаги ифлос аралашмалар ва бутун чигитларнинг массавий улушини ўртача 0,51 (абс)% дан 0,69 (абс)%га камайтириш ҳамда ишлаб чиқарилаётган чигит ва момиқ сифатини яхшилаш имкони яратилган.