Каримова Камола Ғуломовнанинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Автомобилларнинг тормозланиш жараёнида тормоз устқуймалари ва шиналари ейилишининг йўл-экологик баҳолаш усулларини такомиллаштириш”, 05.08.06 – “Ғилдиракли ва гусеницали машиналар ва уларни ишлатиш” (техника фанлари). 
Диссертация мавзуси рўйхатга олинган рақам: B2023.3.PhD/T1678
Илмий раҳбар: Шермухамедов Абдулазиз Адилхакович, техника фанлари доктори, профессор.
Диссертация бажарилган муассаса (муассасалар) номи: Жиззах политехника институти.
ИК фаолият кўрсатаётган муассаса номи, ИК рақами: Андижон машинасозлик институти, PhD.03/30.09.2020.T.124.01
Расмий оппонентлар: Қосимов Каримжон, техника фанлари доктори, профессор; Тожибоев Абдунаби Абдураҳмонович, техника фанлари номзоди, профессор.
Этакчи ташкилот: Наманган муҳандислик-қурилиш институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Автомобиллар тормозланиш жараёнида тормоз устқуймалари ва шиналар ейилиши натижасида атроф-муҳитга чиқадиган зарралар миқдорини йўлнинг илашиш коеффициентини ҳисобга олган ҳолда аниқлаш усулларини ишлаб чиқишдан иборат.
III.Тадқиқотнинг илмий янгилиги:
автомобиллар тормоз устқуймалари ва шиналарнинг ейилишини атроф-муҳитга чиқадиган зарарли зарралар миқдорини ва йўлнинг илашиш коеффициентига боғлиқ равишда ҳисоблаш усуллари ишлаб чиқилган;
тормоз устқуймалари ва шиналар ейилишининг автомобил йўлларида ҳосил бўлган йўл чанги таркиби ва ғилдиракнинг йўл билан илашиш тавсифларига боғлиқ ўзгариши қонуниятлари аниқланган;
чорраҳаларда тормоз устқуймалари ва шиналар ейилиши натижасида атроф-муҳитга чиқадиган зарралар таркибининг таҳлили асосида уларнинг тақсимланиши Игео индекси бўйича аниқланган; 
    йўл қопламаси таркибига модификатор сифатида ишлатилган шина резина гранулаларидан фойдаланилган асфалт-бетон қопламали йўлларни илашиш коеффисиентини ошириш ҳисобига автомобил шина ва тормоз устқуймалари ейилишини ҳамда атроф-муҳитга чиқадиган зарарли зарраларни камайишига олиб келиши аниқланган..
IV.Тадқиқот натижаларининг жорий қилиниши.
Автомобил тормозланиш жараёнида тормоз устқуймалари ва шиналари ейилишининг йўл-экологик баҳолаш усулларини такомиллаштириш бўйича олинган илмий натижалар асосида: 
Ғилдиракнинг йўл билан илашиш коеффициентини тормозланиш жараёнида ошириш бўйича олинган натижаларни Ўзбекистон Республикаси Транспорт вазирлиги ҳузуридаги йўл ташкилотлари амалиётига жорий этилди. Натижада ғилдиракнинг йўл билан илашиш коеффициенти 29 % фоизга ошган. (Ўзбекистон Республикаси Транспорт вазирлигининг 2022-йил 15-февралдаги №2/295-841-сон ва Ўзбекистон Республикаси Транспорт вазирлиги ҳузуридаги Автомобил йўллари қўмитасининг 2022-йил 17-февралдаги №10/3-97-сон маълумотномаси).
Автомобил тормоз устқуймалари ва шиналарнинг  ейилишини йўлнинг илашиш коеффисенти ўзгаришига нисбатан экологияга таъсирини баҳолаш усуллари бўйича олинган натижалар Ўзбекистон Республикаси Транспорт вазирлиги ҳузуридаги ташкилотлари амалиётига жорий этилди. Натижада тормоз устқуймалари ва шиналарнинг ейилишидан атроф-муҳитга чиқадиган зарралар миқдори 20 % га камайган. (Ўзбекистон Республикаси Транспорт вазирлигининг 2023-йил 11-апрелдаги №2/2241-2041-сон маълумотномаси).