Махмудов Сайдинжон Ботиржон ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Операциядан кейинги вентрал чурра билан беморларни пластика усулини танлаш мезонлари» 14.00.27 – Хирургия (тиббиёт фанлари).
Диссертация мавзуси рўйхатга олинган рақам: B2022.3.PhD /Tib3071.
Илмий раҳбар: Бабажанов Ахмаджон Султонбоевич, тиббиёт фанлар номзоти, доцент. 
Диссертация бажарилган муассаса номи: Самарқанд давлат тиббиёт университети.
ИК фаолият кўрсатаётган муассаса (муассасалар) номи, ИК рақами: Абу Али Ибн Сино номидаги Бухоро давлат тиббиёт институти, DSc/PhD.04/30.04.2022 Tib 93.01.
Расмий оппонентлар: Лигай Руслан Ефимович, тиббиёт фанлари доктори (DSc); Сатторов Ойбек Тохирович, тиббиёт фанлари доктори (DSc).
Етакчи ташкилот: «А.В. Вишневский номидаги хирургия миллий тиббиёт тадқиқот маркази» (Россия Федерацияси)
Диссертация йўналиши: амалий аҳамиятга молик.
II. Тадқиқотнинг мақсади: герниоаллопластика усулини танлаш мезонларидан фойдаланиш асосида операциядан кейинги вентрал чурраси бўлган беморларни жарроҳлик даволаш натижаларини яхшилашдан иборат.
III. Тадқиқотнинг илмий янгилиги:
операциядан кейинги вентрал чурраларида герниоаллопластика усулини танлаш мезонлари нафақат чурра дефектининг ўлчамига, балки компьютер томография хулосаси бўйича чурра ҳажмининг қорин бўшлиғи ҳажмига нисбатини аниқлаш асосида аниқланган;
илк бор кичик ва урта ҳажмдаги (W 1 - W 2 ) операциядан кейинги вентрал чурраларда лапароскопик герниоаллопластикани амалга ошириш имконияти асослаб берилган ва унинг техник жиҳатлари такомиллаштирилган;
катта ва гигант ўлчамдаги (W 3 - W 4 )  операциядан кейинги вентрал чурраларда таранглашмаган гериоаллопластиканинг тактик ва техник жиҳатлари оптималлаштириши компартмент синдром ва чурра рецидивининг камайтириши асосланган;
герниоаллопластика усулини танлаш мезонларидан, яни чурра нуксонини улчами, чурра хажмининг корин бушлиги хажмига нисбати, корин олд девори тукималарининг холати, корин бушлигидаги битишма жараёнининг ривожланганлигидан фойдаланиш асосида операциядан кейинги вентрал чурраси бўлган беморларни даволаш алгоритми ишлаб чиқилган.
IV. Тадқиқот натижаларининг жорий қилиниши. 
Соғлиқни сақлаш вазирлигининг 2023 йилдаги 6 январьдаги 8нз/11-сон хулосасига кўра (илмий янгиликни бошқа соғлиқни сақлаш муассасаларига жорий этиш бўйича Соғлиқни сақлаш вазирлигига Самарқанд давлат тиббиёт университетининг 2022 йил 26 декабрдаги 5254-сонли хати тақдим этилган):
биринчи илмий янгилик: компьютер томография маълумотлари асосида операсиядан кейинги вентрал чурраси бўлган беморларда жарроҳлик усулини танлашнинг операсиядан олдинги мезонлари ишлаб чиқилган бўлиб, улар таранглашмаган аллопластика усулини режалаштириш ва мос имплант ҳажмини танлаш имконини берганлиги Самарқанд шаҳар тиббиёт бирлашмаси (16.01.2023 й.; № 15/У/2023) буйруғи билан амалиётига жорий этилган. Илмий янгиликнинг ижтимоий самарадорлиги қуйидагилардан иборат: операсиядан кейинги вентрал чурраларда герниаллоопластика усулини танлашда, қорин олд деворининг нуқсони ҳажмини ва чурранинг қорин бўшлиғи ҳажмига нисбатини аниқлаш, компьютер томографияси маълумотларидан фойдаланиш орқали беморларни анаънавий операциядан кейинги асоратларни олдини олиш, даволаш ва ҳаёт сифатини яхшилашга эришилган. Илмий янгиликнинг иқтисодий самарадорлиги қуйидагилардан иборат: операциядан кейинги вентрал чурраларда герниаллоопластика усулини танлашда, қорин олд деворининг дефекти ҳажмини ва чурранинг қорин бўшлиғи ҳажмига нисбатини аниқлаш, компьютер томографияси маълумотларига асосланган бўлса кейинги асоратларни олдини олиниб ортиқча сарф ҳаражатлар давлат бюджети маблағларини  тежашга эришилган. Операциядан кейинги вентрал чурраси булган беморларга компьютер томография хулосасидан фойдаланиш юзага келиши мумкин булган асоратларнинг олдини олиниб, 1 нафар бемор ҳисобига бюджет маблағларини 6400000 сўмга ва бюджетдан ташқари маблағларни 8000000 сўмга иқтисод қилиш имконини берган;
иккинчи илмий янгилик: кичик ва урта ҳажмдаги (W 1 - W 2 ) операсиядан кейинги вентрал чурраларда лапароскопик герниоаллопластикани амалга ошириш имконияти асослаб берилди ва унинг техник жиҳатлари такомиллаштирилди, бу ўз навбатида операсияни бажариш техникасини сезиларли даражада соддалаштирган Самарқанд шаҳар тиббиёт бирлашмаси (16.01.2023 й.; № 15/У/2023) буйруғи билан амалиётига жорий этилган. Илмий янгиликнинг ижтимоий самарадорлиги қуйидагилардан иборат: IPOM методида лапароскопик герниоаллопластика кичик ва ўрта ҳажмли (W1-W2) операсиядан кейинги вентрал чурраларда эндопротезни маҳкамлашнинг техник жиҳатларини такомиллаштириш операсияни бажариш техникасини анча соддалаштирадиган ва унинг давомийлигини қисқартирадиган даволаш усулини жорий этиш таклиф этилган; беморларнинг ҳаёт сифати сезиларли даражада яхшиланганлиги, шунингдек, жарроҳлик амалиётидан кейинги даврда касалликнинг асоратлари ва қайталаниши бўлмаганлиги амалиётда кенг қўллашни асослаб берилган. Илмий янгиликнинг иқтисодий самарадорлиги қуйидагилардан иборат: Кичик ва ўрта хажимдаги операциядан кейинги вентрал чурралар (W1,W2) мавжуд бўлган, апоневроз дефектининг ўлчамлари мос равишда 5 см гача ва 5 дан 10 см гача бўлган 49 нафар беморларда «IPOM» усулида лапароскопик протезловчи герниоаллопластика қўлланилган. 12 (24,5%) беморда эса "Physiomesh" ёки "Prosid" (Ethicon) композит турсимон имплантлари қўлланган. Натижада оператив аралашувдан кейин  асоратларни олдини олади деган хулосага келиш мумкин, 1 нафар бемор ҳисобига бюджет маблағларини 740000 сўмга ва бюджетдан ташқари маблағларни 820000 сўмга иқтисод қилиш имконини берган;
учинчи илмий янгилик: катта ва гигант ўлчамдаги (W 3 - W 4 )  операсиядан кейинги вентрал чурраларда таранглашмаган гериоаллопластиканинг тактик ва техник жиҳатлари оптималлаштирилган, бу эса компартмент синдром ва чурра ресидивининг камайтиришга имкон яратгани Самарқанд шаҳар тиббиёт бирлашмаси (16.01.2023 й.; № 15/У/2023) буйруғи билан амалиётига жорий этилган. Илмий янгиликнинг ижтимоий самарадорлиги қуйидагилардан иборат: Олдиндан ўрнатилган П-симон чоклар ёрдамида "онлай" усулда таранглашмаган герниоаллопластикани ва  комбинасияланган" onlay + sublay " усули билан эндопротезни имплантасия қилишнинг тактик ва техник жиҳатларини оптималлаштириш,  компартмент синдроми ривожланишини ва операсиядан кейинги катта ва гигант (W3-W4) ўлчамдаги чурраларда касалликнинг қайталанишини камайишига имкон берган. Илмий янгиликнинг иқтисодий самарадорлиги қуйидагилардан иборат: Олдиндан ўрнатилган П-симон чоклар ёрдамида "онлай" усулда таранглашмаган герниоаллопластикани ва  комбинацияланган" onlay + sublay " усули билан эндопротезни имплантация қилишнинг тактик ва техник жиҳатларини оптималлаштириш,  компартмент синдроми ривожланишини ва операциядан кейинги катта ва гигант (W3-W4) oълчамдаги чурраларда касалликнинг қайталанишини камайишига имкон берган, 1 нафар бемор ҳисобига бюджет маблағларини 740000 сўмга ва бюджетдан ташқари маблағларни 8900000 сўмга иқтисод қилиш имконини берган;
тўртинчи илмий янгилик: герниоаллопластика усулини танлаш мезонларидан фойдаланиш асосида операсиядан кейинги вентрал чурраси бўлган беморларни даволаш алгоритми ишлаб чиқилгани Самарқанд шаҳар тиббиёт бирлашмаси (16.01.2023 й.; № 15/У/2023) буйруғи билан амалиётига жорий этилган. Илмий янгиликнинг ижтимоий самарадорлиги қуйидагилардан иборат: герниоаллопластика усулини танлаш мезонлари асосида операсиядан   кейинги вентрал чурраси бўлган беморларни даволаш учун тавсия этилган алгоритм операсиядан кейинги асоратлар частотасини 11,9% дан 4,3% гача камайтиришга, компартмент синдроми ривожланмаслигига ва касалликнинг қайталанишини пасайиши амалиётда кенг қўллашни тавсия қилиш асосланган. Илмий янгиликнинг иқтисодий самарадорлиги қуйидагилардан иборат: операциядан кейинги вентрал чурра билан беморларни даволашда, жаррохлик усулини танлашда тавсия этилган дифференциал ёндашув операциядан кейинги яқин даврдаги асоратлар ва чурра ретсидивининг камайиши билан ўз самарадорлигини исботлаган, бу эса 1 нафар бемор ҳисобига бюджет маблағларини 670000 сўмга ва бюджетдан ташқари маблағларни 780000 сўмга иқтисод қилиш имконини берган. Махмудов Сайдинжон Ботиржон ўғлининг « Операциядан кейинги вентрал чурра билан беморларни пластика усулини танлаш мезонлари» мавзусида диссертатсион тадқиқотда олинган юқоридаги 4 та илмий янгиликларни бошқасоғлиқни сақлаш муассасаларига жорий этиш бўйича Соғлиқни сақлаш вазирлигига Самарқанд давлат тиббиёт университети проректори томонидан 2022 йил 26 декабрдаги №5254-сонли хати Соғлиқни сақлаш вазирлигига тақадим этилган.