Муратов Лочинбек Бахромовичнинг
фалсафа доктори (PhD) диссертацияси ҳимояси ҳақида эълон

         I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ёппасига ёки пуштали ишлов беришга созланадиган комбинациялашган машина иш органлари  параметрларини асослаш”, 05.07.01 - Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: Б2022.4.PhD/Т3353  
Илмий раҳбар: Ахметов Адилбек Агабекович, техника фанлари доктори, профессор.
Диссертация бажарилган муассаса номи: “Тошкент ирригация ва қишлоқ хожалигини механизациялаш мухандислари институте” Миллий тадқиқот университети.
ИК фаолият кўрсатаётган муассаса номи, ИК рақами: Қарши муҳандислик-иқтисодиёт институти, PhD.03/30.06.2020.Т.111.02.
        Расмий оппонентлар: Астанақулов Комил Дуллиевич, техника фанлари доктори, профессор; Қурбонов Шерзод Бахтиёрович, техника фанлари бўйича фалсафа доктори (PhD).
        Етакчи ташкилот: Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш маркази.
        Диссертация йўналиши: назарий ва амалий аҳамиятга молик.
II. Тадқиқотнинг мақсади: такрорий экинлар экиш учун тупроқни экиш олдидан ёппасига ва пуштали ишлов беришга созланадиган комбинациялашган машинани ишлаб чиқишдан иборат.
III. Тадқиқотнинг илмий янгилиги:
юмшаткич панжа, фаол ротор, зичловчи ғалтак, эгат очкич ва пушта шакллантиргич билан жиҳозланадиган комбинациялашган машинанинг конструкутив схемаси тупроққа ёппасига ҳамда пуштали ишлов беришни ҳисобга олиниб ишлаб чиқилган;
пружинасимон С-кўринишидаги хивичлар билан жиҳозланган нотекис юзали ишчи органнинг конструксияси бир вақтда чўзиш ва сиқиш деформацияларини юзага келтириш орқали тупроқни жадал юмшатилишини ҳисобга олиниб ишлаб чиқилган;
тупроқни юмшатувчи ишчи органнинг дунгликлари ва пружинасимон С-кўринишидаги хивичларнининг параметлари тупроқни талаб даражасида уваланишини ҳисобга олган ҳолда аниқланган;
созланадиган комбинацияланган машинанинг сифат ва энергетик кўрсаткичлари унинг иш органларининг параметрлари ва ҳаракат тезлигига боғлиқ равишда ўзгаришини ифодалайдиган боғланишлар асосида  аниқланган.
           IV. Тадқиқот натижаларининг жорий қилиниши:
Ёппасига ёки пуштали ишлов беришга созланадиган комбинациялашган машина иш органлари параметрларини асослаш бўйича олинган натижалар асосида:
ерларни такрорий экинлар экишга тайёрлаш учун тупроққа ёппасига ёки пуштали ишлов беришга созланадиган комбинацияланган машина ишчи қисмига  Адлия вазирлиги ҳузуридаги Интеллектуал мулк агентлигининг ихтирога патенти олинган («Тупроққа ишлов берадиган иш органи» ИАП 06800-2022 й). Натижада тупроққа ёппасига ёки пуштали ишлов беришга созланадиган комбинациялашган машинанинг конструксиясини ишлаб чиқиш имкони яратилган;
такрорий экинлар экиш олдидан тупроқни ёппасига ёки пуштали тайёрлаш учун созланадиган комбинациялашган машина Тошкент вилояти Зангиота тумани фермер хўжаликларида жорий этилган (Қишлоқ хўжалиги вазирлигининг 2023 йил 9-февралдаги 04/28-28-08/70-сон маълумотномаси). Натижада ғалладан бўшаган майдонларни такрорий экин экишга тайёрлашда ёнилғи ва эксплуатациявий сарф харажатларни 1,2 мартагача камайтириш имконини берган;
тупроқни ёппасига ёки пуштали тайёрлаш учун созланадиган комбинациялашган машина бўйича лойиҳа конструкторлик ҳужжатлари (техник топшириқ ва чизмалар) «БМКБ-Агромаш» АЖда лойиҳалаш жараёнига жорий этилган (Қишлоқ хўжалиги вазирлигининг 2023 йил 9-февралдаги 04/28-28-08/70-сон маълумотномаси). Натижада далага ёппасига ёки пуштали ишлов бериб, такрорий экинлар экиш учун тайёрлашга созланадиган комбинациялашган машинани ишлаб чиқариш имкони яратилган.