Gulyamov Javlon Nurullaevichning
 falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i):
«Vagon deposi zaxiralarini boshqarish tizimi algoritmlarini takomillashtirish», 
05.01.02 – Tizimli tahlil, boshqaruv va axborotni qayta ishlash.
Dissertatsiya mavzusi ro‘yhatga olingan raqam: B2022.4.PhD/T3274.
Ilmiy rahbar: Nurmuxamedov Tolaniddin Ramziddinovich texnika fanlari doktori, dotsent.
Dissertatsiya bajarilgan muassasa nomi: Toshkent davlat transport universiteti.
Ilmiy kengash faoliyat ko‘rsatayotgan muassasa (muassasalar) nomi, Ilmiy kengash raqami: Raqamli texnologiyalar va sun’iy intellektni rivojlantirish ilmiy-tadqiqot instituti huzuridagi ilmiy darajalar beruvchi PhD.13/30.12.2021.T.142.01 raqamli ilmiy kengash.
Rasmiy opponentlar: Varlamova Lyudmila Petrova, texnika fanlari doktori, dotsent; 
Nurmamatov Mehriddin Qaxramonovich, texnika fanlari bo‘yicha falsafa doktori (PhD).
Etakchi tashkilot: Toshkent davlat texnika univrsiteti.
Dissertatsiya yo‘nalishi: Dissertatsiya nazariy va amaliy ahamiyatga molik.
II. Tadqiqot maqsadi zaxiralarni boshqarish model va algoritmlarini takomillashtirish hamda vagon deposi zaxiralarini hisobga oluvchi dasturiy vositani ishlab chiqishdan iborat.
III. Tadqiqotning ilmiy yangiligi quyidagilardan iborat: 
omborxonaning zaxiralarni saqlash maydonini hisobga olgan holda buyurtmaning optimal hajmini hisoblash Uilson formulasi takomillashtirilgan;
regression modellar asosida zaxiralarga bo‘lgan ehtiyojni bashorat qilish modellari ishlab chiqilgan;
zaxiralarini boshqarishda navbatlar nazariyasini qo‘llash asosida optimal modellar ishlab chiqilgan;
zaxiralarga bo‘lgan o‘zgaruvchan talabga asosan boshqaruv qarorlarini qabul qilish algoritmi ishlab chiqilgan.
IV. Tadqiqot natijalarining joriy qilinishi. Dissertatsiya tadqiqotlari doirasida zaxiralarni boshqarish model va algoritmlarini ishlab chiqish bo‘yicha olingan ilmiy natijalar asosida:
vagon deposi zaxiralarni hisobga oluvchi avtomatlashtirilgan dasturiy ta’minot va ma’lumotlar bazasi ishlab chiqilib, «O‘ztemiryo‘lyo‘lovchi» AJ VChD-2 yo‘lovchi vagon deposida tadbiq qilingan («O‘ztemiryo‘lyo‘lovchi» AJ 2021 yil 15 iyundagi ma’lumotnomasi, «O‘zbekiston temir yo‘llari» AJ 2021 yil 30 noyabrdagi №01/4099-21 – sonli ma’lumotnomasi). Natijada ishlab chiqarish korxonasining zaxiralarga sarf-xarajatlarini yiliga 450 mln. so‘mgacha iqtisod qilinishiga hamda zaxiralar hajmini kamaytirish hisobiga ularni saqlash xarajatlarni kamayishi imkonini bergan;
zaxiralarni boshqarish algoritmi va dasturiy ta’minoti ishlab chiqilib, «O‘zbekiston temir yo‘llari» AJ Sog‘liqni saqlash xizmati korxonasida tadbiq qilingan. («O‘zbekiston temir yo‘llari» AJ 2021 yil 30 noyabrdagi №01/4099-21 – sonli ma’lumotnomasi). Natijada korxonaning tovar-moddiy boyliklari bilan ta’minlash sarf-xarajatlarini 3% gacha qisqartirish imkonini bergan.