Исақов Аброр Фахриддиновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Калийли ўғит ишлаб чиқаришда флотация жараёнига интеллектуал ёндашувни  такомиллаштириш», 02.00.16 – Кимё технологияси ва озиқ-овқат ишлаб чиқариш жараёнлари ва аппаратлари (техника фанлари).
Диссертация мавзуси рўйхатга олинган рақам: В2020.4.PhD/Т1927.
Илмий раҳбар: Насирова Шаира Нармурадовна, техника фанлари доктори, профессор.
Диссертация бажарилган муассаса номи: Навоий давлат педагогика институти.
ИК фаолият кўрсатаётган муассаса номи, ИК рақами: Бухоро мухандислик-технология институти, DSc.03/28.02.2022.T.101.01.
Расмий оппонентлар: Абдуллаев Алишер Шоназарович, техника фанлари доктори, профессор; Худойбердиева Назора Шарофовна, техника фанлари бўйича фалсафа доктори (PhD), доцент.
Етакчи ташкилот: Наманган муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади калийли ўғит ишлаб чиқаришда флотация жараёнини интеллектуал ёндашув билан такомиллаштиришдан иборат.  
III. Тадқиқотнинг илмий янгилиги:
флотация объектини калийли ўғитлар ёрдамида ишлаб чиқаришда тизимли фикрлаш асосида унинг кўп даражали иерархик тузилишини аниқлаш билан таҳлил қилиш усули ишлаб чиқилган;
калийли ўғитлар ишлаб чиқаришда флотациянинг математик ва компьютерли моделларини тузиш усуллари ишлаб чиқилган;  
калийли ўғитлар ишлаб чиқаришда флотациянинг технологик жараёнини оптималлаштириш усули ишлаб чиқилган;
калий хлорид концентрациясининг ўзгариши кириш параметрларига боғлиқлигини инобатга олиб, калийли ўғитлар ишлаб чиқаришда флотация жараёнини оптималлаштир усули ишлаб чиқилган;
калий хлорид олишнинг оптимал технологик параметрлари ўрнатилган ва флотацион қурилмани икки ва ундан кўпроқ ячейкаларга бўлиб такомиллаштириш илмий асосланган.
IV. Тадқиқот натижаларининг жорий қилиниши.
Флотацион қурилмаларда ва компьютерли алгоритмларда флотацион бойитиш технологиясини ишлаб чиқиш бўйича олинган илмий натижалар асосида:
Тюбегатен конининг сильвинитли рудаларини флотацион бойитиш жараёнларини бориши учун ишлаб чиқилган оптимал шароитлар “Дехқонобод калий заводи” АЖнинг “2023-2025 йилларда амалиётга жорий этиш бўйича истиқболли ишланмалар рўйхатига киритилган (“Дехқонобод калий завод” АЖнинг 2022 йил 8 июндаги 02-021/1520-сон маълумотномаси). Натижада, кўпикланиш қатлами тебраниш частотаси ва калий хлориднинг чиқаётган пульпадаги ва кўпик қатламидаги концентрациясининг четга чиқиш максимал амплитудаси камайтирилди, ҳамда кўпикли маҳсулотда калий хлорид конценцентрацияси орттирилди, бу эса галитли чиқиндида калий хлорид миқдорининг 0,4% га камайтириш имконини беради;
флотацион бойитишнинг мукаммаллаштирилган технологияси ва флотация жараёнларини математик моделлаштириш усулларини қўллаш орқали Тюбегатен конининг сильвинитларидан калий хлорид олиш технологияси “Дехқонобод калий заводи” АЖнинг “2023-2025 йилларда амалиётга жорий этиш бўйича истиқболли ишланмалар рўйхати”га киритилган (“Дехқонобод калий завод” АЖнинг 2022 йил 8 июндаги 02-021/1520-сон маълумотномаси). Натижада, сильвинитлардан олинган калий хлориднинг тайёр маҳсулотда чиқишини 3-5% га оширган холда Тюбегатен кони сильвинитларидан калий хлорид флотацияси жараёнини автоматик бошқаришнинг мукаммал тизимини ишлаб чиқиш имконини беради.