Ходжимуротов Шерзод Абдакимовичнинг
фалсафа доктори (PhD) диссертация ҳимояси ҳақида эълон

I.    Умумий маълумотлар
Диссертация мавзуси, ихтисослик шифри: “Профессионал футболчилар меҳнат шартномаларининг ҳуқуқий аҳамияти”, 12.00.03 – Фуқаролик ҳуқуқи. Тадбиркорлик ҳуқуқи. Оила ҳуқуқи. Халқаро хусусий ҳуқуқ (юридик фанлар).
Диссертация мавзуси рўйхатга олинган рақам: B2022.2.PhD/Yu742.
Илмий раҳбарнинг Ф.И.Ш., илмий даражаси ва унвони: Рустамбеков Исломбек Рустамбекович, юридик фанлар доктори, профессор.
Диссертация бажарилган муассаса номи: Тошкент давлат юридик университети.
ИК фаолият кўрсатаётган муассаса номи, ИК рақами: Тошкент давлат юридик университети, DSc.07/30.12.2019.Yu.22.01.
Расмий оппонентлар: Мусаев Бекзод Турсунбоевич, юридик фанлар доктори, досент; Зайнобиддинова Фарангиз Бахтиёровна, юридик фанлар бўйича фалсафа доктори.
Етакчи ташкилот: Ўзбекистон Республикаси Адлия вазирлиги қошидаги Юристлар малакасини ошириш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади профессионал футболчилар меҳнат шартномаларини ҳуқуқий тартибга солиш, профессионал футболчилар меҳнат шартномаларининг иқтисодий ва ҳуқуқий аҳамияти борасида ҳуқуқий онгни оширишга оид таклиф ва тавсиялар ишлаб чиқишдан, шунингдек, миллий футбол ассосиасиясининг ички қарор қабул қилувчи органларида футбол билан боғлиқ низоларни кўриб чиқишни ФИФАнинг низоларни ҳал қилиш тизимини қўлаш орқали такомиллаштиришдан иборат.
III.    Тадқиқотнинг илмий янгилиги:
профессионал спорт соҳасида фаолиятни амалга оширувчи ходимлар меҳнатини ҳуқуқий жиҳатдан тартибга солинишининг ҳамда спортчилар, мураббийлар билан меҳнат шартномаларини тузишнинг ўзига хос хусусиятлари асослантирилган;
спортчи ва мураббийнинг вақтинчалик бошқа иш берувчига ўтказилиши (трансферлар) ҳақидаги яʼни профессионал футболчиларнинг “мавсумлар оралиғида” вақтинчалик трансферлари (футболчилар ижараси) ва бошқа иш берувчиларга (клубларга) доимий ўтказилиши билан боғлиқ масалалар, шунингдек спортчиларни тиббий кўрикдан ўтказишнинг спортчилар билан меҳнат шартномаларини тузилишида ва бекор бўлишидаги ҳуқуқий аҳамияти асослаб берилган;
мамлакатда футболни ривожлантиришга тўсқинлик қилиб келаётган тизимли муаммолар ва уларнинг футболнинг холислиги ва яхлитлигига таъсир этувчи хавфлари асослаб берилган;
олий таълим муассасаларида футбол клублари, спорт таълим муассасалари учун спорт ҳуқуқшуноси йўналишлари бўйича малакали мутахассислар тайёрлашни йўлга қўйилиши ва унинг спорт ҳуқуқий муносабатлардаги роли ва аҳамияти асослантирилган.
IV. Тадқиқот натижаларининг жорий қилиниши. Legal significance of employment contracts of professional football plaers” (Профессионал футболчилар меҳнат шартномаларининг ҳуқуқий аҳамияти) мавзусидаги тадқиқот иши бўйича олинган илмий натижалар асосида:
профессионал спорт соҳасида фаолиятни амалга оширувчи ходимлар меҳнатини ҳуқуқий жиҳатдан тартибга солишнинг ўзига хос хусусиятлари ҳақидаги таклифдан Олий Мажлис Қонунчилик палатаси томонидан қабул қилинган ва 2021-йил 14-октябрда Сенатга юборилган “Ўзбекистон Республикаси Меҳнат кодексини тасдиқлаш тўғрисида”ги Ўзбекистон Республикаси Қонунининг 503-моддаси 1-қисмини ишлаб чиқишда фойдаланилган (Ўзбекистон Республикаси Олий Мажлиси Сенатининг Суд-ҳуқуқ масалалари ва коррупсияга қарши курашиш қўмитасининг 2022-йил 9-мартдаги 9-сон далолатномаси). Ушбу таклифнинг жорий қилиниши профессионал спорт соҳасидаги ходимлар меҳнатини ўзига хос жихатларини ўзлаштиришга ва ҳуқуқий тартибга солинишини такомиллаштиришга хизмат қилган;
спортчи ва мураббийнинг вақтинчалик бошқа иш берувчига ўтказилиши (трансферлар) ҳақидаги таклифдан Олий Мажлис Қонунчилик палатаси томонидан қабул қилинган ва 2021-йил 14-октябрда Сенатга юборилган “Ўзбекистон Республикаси Меҳнат кодексини тасдиқлаш тўғрисида”ги Ўзбекистон Республикаси Қонунининг 503-моддаси еттинчи, саккизинчи, тўққизинчи, ўнинчи, ўн биринчи, ўн иккинчи, ўн учинчи қисмининг хатбошиларини ишлаб чиқишда фойдаланилган (Ўзбекистон Республикаси Олий Мажлиси Сенатининг Суд-ҳуқуқ масалалари ва коррупсияга қарши курашиш қўмитасининг 2022-йил 9-мартдаги 9-сон далолатномаси). Ушбу таклифни амалга оширилиши спортчи ва мураббийнинг вақтинчалик бошқа иш берувчига ўтказилиши (трансферлар) тартибини белгилаб беришга ҳамда амалиётдаги муаммоларни ҳал қилишнинг аниқ асослантирилган механизмларини такомиллаштиришга хизмат қилган;
мамлакатда футболни ривожлантиришга тўсқинлик қилиб келаётган тизимли муаммолар ҳақидаги таклифдан Ўзбекистон Республикаси Президенти томонидан 2019-йил 4-декабрда имзоланган “Ўзбекистонда футболни ривожлантиришни мутлақо янги боскичга олиб чиқиш чора-тадбирлари тўғрисида”ги ПФ–5887-сон Фармоннинг 2-боби 14-қисми ўн биринчи, ўн тўртинчи ҳамда ўн бешинчи хатбошиларини ишлаб чиқишда фойдаланилган (Ўзбекистон Республикаси Бандлик ва Меҳнат муносабатлари вазирлигининг 2022-йил 16-сентябрдаги 01/00-03/19-8344-сон маълумотномаси). Ушбу таклифнинг жорий қилиниши Ўзбекистонда футболни ривожлантиришга тўсқинлик қилиб келаётган бир қанча тизимли муаммоларни аниқланишига ҳамда уларга қарши курашиш учун комплекс чора-тадбирлар ишлаб чиқилишига хизмат қилган;
тегишли таълим муассасаларида футбол клублари, спорт таълим муассасалари учун спорт шифокори, спорт психологи, спорт фармакологи, спорт ҳуқуқшуноси ва спорт диетологи йўналишлари бўйича малакали мутахассислар тайёрлашни ташкил қилиш ҳақидаги таклифдан Ўзбекистон Республикаси Президенти томонидан 2019-йил 4-декабрда имзоланган “Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида”ги ПФ–5887-сон Фармоннинг 4-банди еттинчи хатбошисини тайёрлашда фойдаланилган (Ўзбекистон Республикаси Бандлик ва Меҳнат муносабатлари вазирлигининг 2022-йил 16-сентябрдаги 01/00-03/19-8344-сон маълумотномаси). Ушбу таклифни амалга оширилиши Ўзбекистонда илк бор Тошкент давлат юридик университетида “спорт ҳуқуқи” бўйича магистратура йўналишини ташкил этилишига ҳамда спорт ҳуқуқшунослиги бўйича малакали мутахассисларни тайёрлаш ва таъминлашга хизмат қилган.