Эркабаева Шахноза Икромжоновнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Тадбиркорлик фаолиятида чекланган шерикчиликнинг ҳуқуқий асосларини такомиллаштириш”, 12.00.03 – Фуқаролик ҳуқуқи. Тадбиркорлик ҳуқуқи. Оила ҳуқуқи. Халқаро хусусий ҳуқуқ (юридик фанлар).
Диссертация мавзуси рўйхатга олинган рақам: B2021.2.PhD/Yu540.
Илмий раҳбарнинг Ф.И.Ш., илмий даражаси ва унвони: Қамбариддин Меҳмонов, юридик фанлар бўйича фалсафа доктори (PhD), профессор.
Диссертация бажарилган муассаса номи: Тошкент давлат юридик университети.
ИК фаолият кўрсатаётган муассаса номи, ИК рақами: Тошкент давлат юридик университети, DSc.07/30.12.2019.Yu.22.01.
Расмий оппонентлар: Ходжаев Бахшилло Камалович, юридик фанлар доктори (DSc), доцент; Баҳрамова Моҳинур Баҳрамовна, юридик фанлар бўйича фалсафа доктори (PhD), доцент.
Етакчи ташкилот: Ўзбекистон Республикаси Жамоат хавфсизлиги университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади англо-саксон ва континентал ҳуқуқининг ривожланган ҳуқуқий тизимларида чекланган шерикчилик институтининг ҳуқуқий табиатининг доктринавий асосларини, коммандит ширкатнинг ҳуқуқий мақомини ҳуқуқий такомиллаштиришга ва ушбу юридик институтни Ўзбекистон Республикасида венчур молиялаштиришнинг ҳуқуқий механизми сифатида ривожланишига қаратилган таклиф ва тавсиялар ишлаб чиқиш.
III. Тадқиқотнинг илмий янгилиги:
коммандит ширкат ҳуқуқий асосларининг такомиллаштирилиши натижасида пайдо бўладиган чекланган шерикчиликнинг шартнома асосида ташкил қилинадиган тадбиркорлик фаолиятининг юридик шахс ташкил этмасдан амалга ошириш шакли сифатида белгиланиши лозимлиги асослантирилган;
чекланган шерикчиликнинг фаолиятини чекланган шерикчилик шартномасида назарда тутилган тартибда мунтазам ташқи аудитдан ўтказиш зарурлиги асослаб берилган;
чекланган шерикчиликнинг бош шериги томонидан чекланмаган тарзда чекланган шерикчиликнинг бош шериги сифатида фаолият олиб бориш ҳуқуқини белгилаш лозимлиги асослантирилган;
чекланган шерикчиликнинг бош шериги томонидан чекланган шерикларнинг киритган ҳиссаларининг алоҳида ҳисоб рақамида ҳисобини юритиши зарурлиги асослантирилган.
IV. Тадқиқот натижаларининг жорий қилиниши. Тадбиркорлик фаолиятида миллий чекланган шерикчилик институти ҳисобланмиш коммандит ширкатдан фойдаланиш ва уни Ўзбекистон Республикасида ривожлантириш истиқболлари бўйича ўтказилган тадқиқотнинг олинган илмий натижалари асосида:
коммандит ширкат ҳуқуқий асосларининг такомиллаштирилиши натижасида пайдо бўладиган чекланган шерикчиликнинг шартнома асосида ташкил қилинадиган тадбиркорлик фаолиятининг юридик шахс ташкил этмасдан амалга ошириш шакли сифатида белгиланиши тўғрисидаги таклиф Ўзбекистон Республикаси Вазирлар Маҳкамасининг 2019-йил 17-майдаги 414-сонли қарори билан тасдиқланган  “Инвестиция ва бошқарув компаниялари фаолияти тўғрисида”ги Низомнинг
24-бандини ишлаб чиқишда ўз ифодасини топган (Ўзбекистон Республикаси Вазирлар Маҳкамаси Юридик таъминлаш бошқармасининг 2022-йил 21-сентябрдаги 12/21-69-сон далолатномаси). Ушбу таклифнинг амалга оширилиши тадбиркорлик фаолияти субектларнинг муносабатларини ҳаддан ташқари тартибга солишни минималлаштиришга ва шериклар ўртасидаги келишувга биноан тадбиркорлик ёки инвестиция фаолиятини амалга ошириш шартларини белгилашга олиб келган;
чекланган шерикчиликнинг фаолиятини чекланган шерикчилик шартномасида назарда тутилган тартибда мунтазам ташқи аудитдан ўтказиш зарурлиги тўғрисидаги таклиф Ўзбекистон Республикаси Вазирлар Маҳкамасининг 2019-йил 17-майдаги 414-сонли қарори билан тасдиқланган  “Инвестиция ва бошқарув компаниялари фаолияти тўғрисида”ги Низомнинг 7-бандини ишлаб чиқишда ўз ифодасини топган (Ўзбекистон Республикаси Вазирлар Маҳкамаси Юридик таъминлаш бошқармасининг 2022-йил 21-сентябрдаги 12/21-69-сон далолатномаси). Ушбу таклифнинг қабул қилиниши чекланган шерикчиликнинг юқори хавфли инвестицион лойиҳаларни молиялаштиришда, шунингдек венчур фондларини ташкил қилишда инвестор ва кредиторларнинг манфаатларини ҳимоя қилишни мустаҳкамлашга олиб келган;
чекланган шерикчиликнинг бош шериги томонидан чекланмаган тарзда чекланган шерикчиликнинг бош шериги сифатида фаолият олиб бориш ҳуқуқини ўрнатиш Ўзбекистон Республикаси Вазирлар Маҳкамасининг 2019-йил 17-майдаги 414-сонли қарори билан тасдиқланган  “Инвестиция ва бошқарув компаниялари фаолияти тўғрисида”ги Низомнинг 9-бандини ишлаб чиқишда ўз ифодасини топган (Ўзбекистон Республикаси Вазирлар Маҳкамаси Юридик таъминлаш бошқармасининг 2022-йил 21-сентябрдаги 12/21-69-сон далолатномаси). Ушбу таклифнинг қабул қилиниши бош шерик сифатида фаолият юритадиган бошқарув компаниялар сонининг кўпайишига, тижорат ташкилотларида чекланган шерикчиликнинг бош шериги сифатида фаолият юритишларига манфаатдорликнинг кучайтирилишига, профессионал боҳсқарувчилик фаолиятининг ривожланишига, ва бунинг натижасида чекланган шерикчилик институтининг амалиётда оммалашувига олиб келган;
чекланган шерикчиликнинг бош шериги томонидан чекланган шерикларнинг киритган ҳиссаларининг алоҳида ҳисоб рақамида ҳисобини юритишига оид таклиф Ўзбекистон Республикаси Вазирлар Маҳкамасининг 2019-йил 17-майдаги 414-сонли қарори билан тасдиқланган  “Инвестиция ва бошқарув компаниялари фаолияти тўғрисида”ги Низомнинг 13-бандларини ишлаб чиқишда ўз ифодасини топган (Ўзбекистон Республикаси Вазирлар Маҳкамаси Юридик таъминлаш бошқармасининг 2022-йил 21-сентябрдаги 12/21-69-сон далолатномаси). Ушбу таклифнинг амалга оширилиши чекланган шерикларнинг қўшган ҳиссаларининг тегишли тартибда сақланишини ва бош шерик кредиторларининг талабларининг ушбу ҳиссаларга таъсир кўрсатилмаслигини таъминлашига олиб келган.