Рахмонкулов Мурод Турдиалиевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Консервациядан сўнг ишлатишга киритилган қудуқларнинг кўрсаткичларига геологик-физик ва технологик омилларнинг таъсир даражасини ўрнатиш», 04.00.13 – Нефть ва газ конларини ўзлаштириш ҳамда ишлатиш (техника фанлари).
Диссертация мавзуси рўйхатга олинган рақам: B2019.1.PhD/Т989.
Илмий раҳбар: Махмудов Назирила Насимханович, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: “O`ZLITINEFTGAZ” АЖ, DSc.23/25.08.2021.T.136.01.
Расмий оппонентлар: Назаров Азизбек Улуғбекович, техника фанлари доктори, профессор; Муминов Анвар Султанович, физика-математика фанлари номзоди.
Етакчи ташкилот: Бухоро муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: қайта ишга тушириш учун ликвидация ва консервация қилинган қудуқларни танлашнинг геологик ва технологик мезонларини асослашдан иборат.
III. Тадқиқотнинг илмий янгилиги:
сувланганлиги сабабли ликвидация ва консервациядаги қудуқларни қайта ишга тушириш самарадорлиги кон-геологик маълумотларни қайта ишлаш асосида боҳаланган;
уюмларнинг турли геологик-физик шароитларида ликвидация қудуқларни қайта ишга туширишнинг якуний нефтбераолувчанлик коэффициентига таъсир даражаси баҳоланган;
геологик ва технологик омилларнинг қайта ишга туширилган қудуқларнинг бошланғич дебитига таъсир даражаси аниқланган;
ликвидация қудуқларни қайта ишга тушириш бўйича оператив қарор қабул қилиш имконини берувчи геологик ва технологик мезонлар исботланган.
IV. Тадқиқот натижаларининг жорий қилиниши:
Консервациядан сўнг ишга туширилган қудуқларнинг ишлаш кўрсаткичларига геологик ва технологик омилларнинг таъсир даражасини ўрнатиш бўйича олинган илмий натижалар асосида:
қудуқларни ликвидация фондидан қайтариш ва бошқа горизонтларга ўтиш бўйича ишлаб чиқилган тавсия Андижон конидаги №№721, 845, 457, 149 қудуқларда, Жанубий Оламушук конидаги №№1П, 781, 737, 780, 789 қудуқларда, Ғарбий Полвонтош конидаги №158 қудуқда, Хўжаобод конидаги №348 қудуқда, Аввал конидаги №22 қудуқда, Учтепа конидаги №5 қудуқда, Бостон конидаги №№856, 393 қудуқларида жорий этилган (“Ўзбекнефтгаз” АЖнинг 2023 йил 17 апрелдаги 03-18-8-307-сон маълумотномаси). Натижада, 2017-2018 йилларда 866 тонна қўшимча нефть олиш имконини берган;
ликвидация қудуқларини қайта ишга тушириш бўйича ишлаб чиқилган тавсия Хаудаг кони №№6, 66 қудуқларида, Учқизил кони №62 қудуқда, Амударё кони №29 қудуқда жорий этилган (“Ўзбекнефтгаз” АЖнинг 2023 йил 17 апрелдаги 03-18-8-307-сон маълумотномаси). Натижада, 2017 йилда 490 тонна қўшимча нефть қазиб олиш имконини берган;
ликвидация қудуқни қайта ишга тушириш бўйича ишлаб чиқилган тавсия Шимолий Гирсан кони №2 қудуқда жорий этилган (“Ўзбекнефтгаз” АЖнинг 2023 йил 17 апрелдаги 03-18-8-307-сон маълумотномаси). Натижада, 2019-2022 йилларда қўшимча 1371 тонна конденсат ва 57,693 млн. м3 газ қазиб олиш имконини берган.