Рузимов Анварбек Шухратовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Уч қатламли диссипатив бир жинсли бўлмаган цилиндрик жисмнинг чизиқли эркин ва мажбурий тебраниш хусусиятлари”, 01.02.04–Деформацияланувчан қаттиқ жисм механикаси  (физика-математика фанлари).
Диссертация мавзуси рўйхатга олинган рақам: B2022.2.PhD/FM716
Илмий раҳбар: Сафаров Исмоил Иброҳимович  физика-математика фанлари доктори проф.
Диссертация бажарилган муассаса номи: Тошкент кимё-технология институти
ИК фаолият кўрсатаётган муассаса номи, ИК рақами: Бухоро муҳандислик-технология институти ҳузуридаги илмий даража берувчи PhD.03/27.02.2021.FM.101.02 рақамли илмий кенгаш
Расмий оппонентлар: Ботир Мардонов физика-математика фанлари доктори, профессор;
 Исмайилов Кубаймурат техника  фанлари доктори, профессор;
Yeтакчи ташкилот номи: Ўзбекистон Миллий университети
Диссертация йўналиши: назарий ва амалий аҳамиятга молик.
II. Тадқиқотнинг мақсади - диссипатив бир жинсли бўлмаган уч қатламли цилиндрик жисмларнинг  эркин ва мажбурий  тебранишларини ўрганиш методикаси ва алгоритмини яратиш, ҳамда мавжуд назария  илмий асосларини такомиллаштиришдан иборат.
III. Тадқиқотнинг илмий янгилиги:
материалларнинг қовушоқ-эластик хусусиятларини ҳисобга олган ҳолда уч қатламли чекли узунликдаги цилиндрик жисмлар (қобиқлар)нинг эркин ва мажбурий  тебранишлари масалаларини yчиш методикаси ва алгоритми Филатов-Сунчалиевнинг музлатиш, Мюллер ва Гаусс  усулларини қўллаш орқали ишлаб чиқилган;
структуравий диссипатив бир жинсли бўлмаган механик системалар учун тебранишлар  частотаси  бир нечта модаларининг (ҳақиқий ва мавҳум қисмлар)  физик-механик, реологик ва геометирик параметрларга  боғлиқлиги олинган сонли натижалар таҳлили асосида аниқланган;
вибрацион юкланишда  резонанс ҳолатни  баҳолаш учун амплитуда–частота муносабатларида  механик, реологик ва геометрик параметрлар таъсири интегро-дифференциал тенгламалардан олинган  дисперсион эгри чизиқ ҳолатидан аниқланган;
кўcишлар резонанс амплитудаси тўлдирувчининг қовушқоқлик хусусиятларига  боғлиқлиги 15-25% ни ташкил қилиши олинган сонли натижалар таҳлилидан топилган.
IV. Тадқиқот натижаларининг жорий қилиниши.
Тадқиқотдаги уч қатламли  диссипатив бир жинсли бўлмаган  цилиндрик  жисмнинг чизиқли эркин ва мажбурий  тебранишининг илмий асосларини ҳисобга олган ҳолда ҳисоблаш усули, алгоритми ва дастури бўйича олинган натижалар асосида:
ўзгарувчан қалинликдаги қувурнинг муҳит билан ўзаро таъсирини ҳисобга олиш билан боғлиқ масалалардан Тошкент кимё-технология институти Давлат илмий техника дастури доирасида 2016-2020 йилларда бажарилган ОТ-Ф4-01 “Қовушқоқ суюқлик оқувчи кўп қатламли композит қувурлар эгри чизиқли бўлакларининг ҳарорат ва динамик юкланишлар тасирида чизиқли бўлмаган динамик кучланиш-деформация ҳолатини ўрганиш усулларини ишлаб чиқиш ва назариясини ривожлантириш”  мавзусидаги фундаментал лойиҳада фойдаланилган (2022 йил 14 ноябрдаги 1/01-2739-сонли маълумотнома). Натижада, эластик ва қовушқоқ-эластик уч қатламли қобиқсимон элементлардан ташкил топган қувурнинг резонанс соҳалари аниқланган;
тадқиқот натижасида эълон қилинган иккита илмий мақолада (1.Сафаров И. И., Кулмуратов  Н. Р., Рузимов А. Ш.(2019). Influence of dynamic dampener on distributions of areas of parametric resonance of viscoelastic mechanical systems with periodically variable rigidity. // ISJ Theoretical & Applied Science. – 2019. 2.Сафаров, И. И., Рузимов, А., Эсонов Н. Алмуратов Ш. Dynamic calculation of pipelines shallow basis on the basis of the thin slim theory. // Novateur publications international journal of innovations in engineering research and technology [ijiert] issn: 2394-3696 website: ijiert.org volume 7, issue 7. – 2020. ) келтрилган механик тизимларнинг параметрга боғлиқ ўзгаришини ҳисобга олиш методикасидан Вена университети қошидаги Австрия фонди жамғармаси (ФWФ) томонидан молиялаштирилган ФWФ М-2816 (Senior Lise Meitner Research Fellowship, Preprint 2021) тадқиқот лойиҳасини амалга оширишда фойдаланилган. Натижада, фундаментал лойиҳада қўлланилган "Korteweg-de Vries” тенгламаси ва унинг хос ечимлари аниқланган.