Maxmudov Nuriddin Maxamadali o‘g‘lining 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Mosh urug‘ini saralash va avjlantirish elektrotexnologik uskunalarining parametrlarini asoslash», 05.05.07 – Qishloq xo‘jaligida elektr texnologiyalar va elektr uskunalar ixtisosligi (texnika fanlar).
Dissertatsiya mavzusi ro‘yxatga olingan raqam: B2022.2.PhD/T2906 
Ilmiy rahbar: Muxammadiyev Ashiraf, texnika fanlari doktori, professor. 
Dissertatsiya bajarilgan muassasa nomi: Qishloq xo‘jaligini mexanizatsiyalash ilmiy-tadqiqot instituti.
IK faoliyat ko‘rsatayotgan muassasa nomi, IK raqami: “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti, DSc.03/30.12.2019.T.10.01
Rasmiy opponentlar: Muzaffarov Shavkat Mansurovich, texnika fanlari doktori, professor; Xaliqnazarov O‘rolboy Abduraxmanovich, texnika fanlari bo‘yicha falsafa doktori (PhD), dotsent.
Yetakchi tashkilot: Qishloq xo‘jaligi texnikasi va texnologiyalarini sertifikatlash va sinash markazi.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: mosh urug‘ini agrotexnik talablar darajasida saralaydigan va avjlantiradigan energetik uskunalarning parametrlarini asoslash orqali biologik xossalari bir-biriga yaqin, sifatli, laboratoriya va dala sharoitidagi unuvchanligi yuqori bo‘lgan sara urug‘lik olishni ta’minlashdan iborat.
III. Tadqiqotning ilmiy yangiligi: 
mosh urug‘ini notekis elektr maydonda uning o‘lchamlarini hisobga olgan holda saralash uchun energiya va resurstejamkor elektr saralagich ishlab chiqilgan;
mosh urug‘ini elektr saralagich qurilmasi ish organi sirtidan uzilish burchaklari va elektrodlarga beriladigan kuchlanishning qiymati ularni massasiga bog‘liq ravishda asoslangan;
mosh urug‘ini saralash va ultrabinafsha nur ta’sirida avjlantirish bosqichlarini o‘z ichiga olgan elektrotexnologiya ishlab chiqilgan;
mosh urug‘ini elektrotexnologik saralash va avjlantirish uskunalarining maqbul parametrlari ularni sifat ko‘rsatkichlarini hisobga olgan holda aniqlangan.
IV. Tadqiqot natijalarining joriy qilinishi:
Mosh urug‘ini saralash va avjlantirish elektrotexnologik uskunalarining parametrlarini asoslash bo‘yicha olingan ilmiy natijalar asosida:
mosh urug‘ini saralaydigan qurilmaga O‘zbekiston Respublikasi Intellektual mulk agentligining ixtiroga patenti olingan (“Qishloq xo‘jalik ekinlari urug‘larini saralash qurilmasi”, № IAP 06673 – 2021 y). Natijada, mosh urug‘larini agrotexnik talablar darajasida saralash uchun tuzilishi jihatdan sodda, energiya va resurstejamkor qurilmaning konstruksiyasini ishlab chiqish imkoni yaratilgan;
mosh urug‘iga elektrotexnologik ishlov beradigan qurilma va uskuna Andijon viloyati Ulug‘nor tumanidagi fermer xo‘jaliklarida joriy qilingan (Qishloq xo‘jaligi vazirligining 2022 yil 9 avgustdagi № 07/35-04/5412-son ma’lumotnomasi). Natijada mosh urug‘ining sarfi 1,6-2,0 martaga kamayib, nihollarni bir tekis va ravon unib chiqishi, xosilni 10-12 kun erta pishib yetilishi hamda hosildorlikni esa 12-16 foizga ko‘payishi erishilgan;
mosh urug‘iga elektrotexnologik ishlov beradigan qurilma va uskunani ishlab chiqarishni o‘zlashtirish maqsadida loyiha-konstruktorlik hujjatlari (dastlabki talablar va texnik topshiriq) “BMKB-Agromash” AJ da loyihalash jarayoniga joriy etilgan (Qishloq xo‘jaligi vazirligining 9 avgustdagi № 07/35-04/5412-son ma’lumotnomasi). Natijada mosh urug‘iga elektrotexnologik ishlov beradigan asoslangan parametrlarga ega qurilma va uskunalarni sanoat usulida ishlab chiqarish imkoni yaratilgan.