Исмаилов Нурулла Туйчибоевичнинг
фалсафа доктори (PhD) диссертацияси ҳимояси ҳақида эълон

I.    Умумий маълумотлар.
Диссертация мавзуси, ихтисослик шифри: “Ҳалқали йигирув машинасида чирмовиқсимон ип олиш технологияси” 05.06.02 – “Тўқимачилик материаллари технологияси ва хомашёга дастлабки ишлов бериш” (техника фанлари) ихтисослиги.
Диссертация мавзуси рўйхатга олинган рақам: В2022.3.PhD/Т3170
Илмий раҳбар: Бобожонов Ҳусанхон Тохирович, техника фанлари доктори, доцент.
Диссертация бажарилган муассаса номи: Наманган муҳандислик-технология институти
ИК фаолият кўрсатаётган муассаса номи, ИК рақами: Наманган муҳандислик-технология институти, PhD.03/30.12.2019.Т.66.01
Расмий оппонентлар: Жуманиязов Қадам Жуманиязович техника фанлари доктори профессор; Эркинов Зокиржон Эркинбой ўғли, техника фанлари бўйича фалсафа доктори (PhD), доцент.
Етакчи ташкилот: Фарғона политехника институти.
Диссертация йўналиши: амалий аҳамиятга молик.
II. Тадқиқотнинг мақсади: Ҳалқали йигириш машинасида чирмовиқсимон ип олиш технологиясини такомиллаштиришдан иборат.
III. Тадқиқотнинг илмий янгилиги:
ҳалқали ип йигириш машинасида шаклланаётган ипга якка ипни ип йўналтиргич ва чиқарувчи тцилиндр оралиғида қўшиш орқали мавжуд усуллардан фарқли бўлган чирмовиқсимон ип олишнинг янги технологияси ишлаб чиқилган;
илк бор бир хил таркибли чирмовиқсимон ип учун мустаҳкамликни ҳисоблаш формуласи кўп таркибли пишитилган ипнинг мустаҳкамлигини ҳисоблаш формуласини қўллаш орқали ишлаб чиқилган;
ҳалқали йигирув машинасида чиқарувчи чўзувчи жуфтликдан чиқаётган толали тутамчага якка ипни қўшиш орқали гигроскопиклик хусусияти ва маҳсулдорлиги  юқори бўлган чирмовиқсимон ип олиш имконияти эмперик тадқиқот методини қўллаш орқали аниқланган;
назарий механиканинг асосий аксиомаси асосида ҳалқали ип йигириш машинасида янги усулдаги чирмовиқсимон ип олиш учун якка ипларнинг қўшилиш бурчаги  ўртача геометрик қийматни аниқлаш методи ёрдамида аниқланган ҳамда ҳалқали ип йигириш машинасидаги урчуқнинг айланиш тезлиги ва ип тарангловчи мослама оғирлигининг мақбул қиймати регрессион математик моделлаштириш ёрдамида топилган ҳамда Студент меъзони формуласи асосида аҳамиятлилиги аниқланган.
IV. Тадқиқот натижаларининг жорий қилиниши. Ҳалқали ип йигириш машинасида янги усулда чирмовиқсимон ип ишлаб чиқариш бўйича олинган илмий натижалар асосида:
ҳалқали йигириш машинасида чирмовиқсимон ип олишни янги технологияси “Наманган тўқимачи” МЧЖ корхонасининг 1 йигирув фабрикасида ишлаб чиқаришга жорий этилган (Ўзбекистон пахта-тўқимачилик кластерлари уюшмасининг 2023 йил “7” апрелдаги №03/25-713 - сон маълумотномаси). Натижада ипнинг гигроскопиклик кўрсаткичи 11 % га оширишга эришилган, бир йилда 805200 квт∙соат электр энергия тежалган ҳамда йилига 382 470 000 сўм иқтисодий самарага эришилган.