Yovqochev Sherzod Shuxrat o‘g‘lining
falsafa doktori (PhD) dissertatsiyasi himoyasi haqida e’lon

I.Umumiy ma’lumotlar.
Dissertatsiya mavzusi, ixtisoslik shifri (ilmiy daraja beradigan fan tarmog‘i nomi): «Xalqaro moliya institutlarining O‘zbekiston Respublikasidagi iqtisodiy faoliyati xususiyatlari», 08.00.09 – Jahon iqtisodiyoti.
Dissertatsiya mavzusi ro‘yxatga olingan raqam: B2020.2.PhD/Iqt739
Ilmiy rahbar: Rasulov To‘lqin Sattarovich, iqtisodiyot fanlari doktori, professor.
Dissertatsiya bajarilgan muassasa nomi: Toshkent davlat sharqshunoslik universiteti.
IK faoliyat ko‘rsatayotgan muassasa nomi, IK raqami: Jahon iqtisodiyoti va diplomatiya universiteti, DSc.11/25.08.2022.I.24.03
Rasmiy opponentlar: Vaxabov Abdurahim Vasiqovich, iqtisodiyot fanlari doktori, professor., Islamov Baxtiyor Anvarovich, iqtisodiyot fanlari doktori, professor.
Yetakchi tashkilot nomi: Toshkent davlat iqtisodiyot universiteti
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: xalqaro moliya institutlari va O‘zbekiston Respublikasi o‘rtasidagi iqtisodiy hamkorlik munosabatlarini rivojlantirishga qaratilgan ilmiy taklif va amaliy tavsiyalar ishlab chiqishdan iborat.
III. Tadqiqotning ilmiy yangiligi:
xalqaro moliya institutlari bilan o‘zaro hamkorlikning institusional jihatlarini ifodalovchi yangi “pog‘onali modeli” ichki salbiy omillarni kamaytirish, xususan me’yoriy-huquqiy bazani kengaytirish, tashkiliy-tuzilmaviy jihatlarni rivojlantirish va ilmiy-texnik jarayonlarni shakllantirish usullari asosida ishlab chiqilgan; 
xalqaro moliya institutlari moliya resurslarini statistik va analitik baholash, boshqaruv hamda faol portfel boshqaruvi asosida risklarni monitoring qilishning funksional jihatlarini ifodalovchi tuzilmaviy mexanizmi taklif etilgan;
o‘zaro iqtisodiy hamkorlikning tarmoq tarkibiy tuzilishini takomillashtirishni o‘zida aks ettiruvchi hududiy infratuzilma rivojlanganligi mezonlari asosidagi xalqaro moliya institutlari moliya resurslarini yangi taqsimlash soxalarga yo‘naltiruvchi mexanizm ishlab chiqilgan;
xalqaro moliya institutlari moliya resurslarining mamlakat ijtimoiy-iqtisodiy rivojlanishiga ta’sir qiluvchi miqodiriy omillarini aniqlash (K.Rogoff modeli) asosida tashqi qarz mablag‘lari prognozi amalga oshirilgan.
IV.Tadqiqot natijalarining joriy qilinishi.
Xalqaro moliya institutlarining O‘zbekiston Respublikasidagi iqtisodiy faoliyati bo‘yicha olingan ilmiy natijalar asosida:
xalqaro moliya institutlari bilan o‘zaro hamkorlikning institusional jihatlarini ifodalovchi yangi “pog‘onali modeli” ichki salbiy omillarni kamaytirish, xususan me’yoriy-huquqiy bazani kengaytirish, tashkiliy-tuzilmaviy jihatlarni rivojlantirish va ilmiy-texnik jarayonlarni shakllantirish to‘g‘risidagi ilmiy xulosalar “O‘zbekiston Respublikasi Prezidenti huzuridagi Strategik va mintaqalararo tadqiqotlar instituti” tomonidan axborot-tahliiy materiallar tayyorlashda foydalanilgan (O‘zbekiston Respublikasi Prezidenti huzuridagi Strategik va mintqalararo tadqiqotlar institutining 2020-yil 6-iyuldagi 02-3/492-son dalolatnomasi). Mazkur taklifning amaliyotga joriy etilishi xalqaro hamkorlikning institusional asoslarini mustahkamlash hamda jalb etilayotgan moliyaviy resurslar natijaviy samaradorligini oshirish imkoniyatini yaratdi;
xalqaro moliya institutlari moliya resurslarini statistik va analitik baholash, boshqaruv hamda faol portfel boshqaruvi asosida risklarni monitoring qilishning funksional jihatlarini ifodalovchi tuzilmaviy mexanizmi to‘g‘risidagi ilmiy xulosalar AT “Aloqabank” da Xalqaro moliya institutlari tomonidan ajratiladigan kredit mablag‘lari monitoringi va risklarni aniqlashda, bank mijozlarini kreditlash metodikasini takomillashtirish jarayonida foydalanilgan (AT “Aloqabank” ning 2023-yil 13-fevraldagi 04-04/504-son ma’lumotnomasi). Ushbu ilmiy taklifning amaliyotga joriy qilinishi natijasida Xalqaro moliya institulari tomonidan ajratiladigan kredit mablag‘larning monitoringini takomillashtirildi hamda ogohlantiruv belgilarini o‘rganish orqali kredit portfelidagi kreditlarni muammoga aylanish ehtimoli aniqlanib, zarur choralar ko‘rildi;
o‘zaro iqtisodiy hamkorlikning tarmoq tarkibiy tuzilishini takomillashtirishni o‘zida aks ettiruvchi hududiy infratuzilma rivojlanganligi mezonlari asosidagi xalqaro moliya institutlari moliya resurslarini yangi taqsimlash soxalarga yo‘naltirish to‘g‘risidagi ilmiy xulosalar “O‘zbekiston Respublikasi Prezidenti huzuridagi Strategik va mintaqalararo tadqiqotlar instituti” tomonidan axborot-tahliiy materiallar tayyorlashda foydalanilgan (O‘zbekiston Respublikasi Prezidenti huzuridagi Strategik va mintqalararo tadqiqotlar institutining 2020-yil 6-iyuldagi 02-3/492-son dalolatnomasi). Mazkur taklifning amaliyotga joriy etilishi natijasida O‘zbekiston Respublikasi va xalqaro moliya institutlarining o‘zaro aloqalarini yanada rivojlanishi, tizimlashtirilishi va yangi bosqichga ko‘tarilishiga imkoniyatlar yaratiladi;
xalqaro moliya institutlari moliya resurslarining mamlakat ijtimoiy-iqtisodiy rivojlanishiga ta’sir qiluvchi miqodiriy omillarini aniqlash (K.Rogoff modeli) asosida tashqi qarz mablag‘lari prognozi to‘g‘risidagi ilmiy xulosalar O‘zbekiston Respublikasi Savdo-sanoat palatasida Xalqaro moliya institutlari tomonidan ajratiladigan kredit mablag‘lari chegaralarini belgilash hamda uning mamalakat YAIMsining o‘sish tezligiga ta’sirini o‘rganish jarayonida foydalanilgan (O‘zbekiston savdo-sanoat palatasining 2023-yil 24-yanvardagi №11/05-15-555-son ma’lumotnomasi). Ushbu ilmiy taklifning amaliyotga joriy qilinishi natijasida respublikada Xalqaro moliya institulari tomonidan ajratiladigan kredit mablag‘lar hajmi, YAIMning o‘sish sur’atlari hamda mamlakat ijtimoiy-iqtisodiy taraqqiyotining kelgusi davrlarga mo‘ljallangan prognoz ko‘rsatkichlari ishlab chiqildi.