Холибекова Омонгул Кенжабоевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Инглиз ва ўзбек тилларида зооним ва фитоним компонентли фразеологик бирликларнинг семантик-структур, лингвомаданий тадқиқи”, 10.00.06 - Қиёсий адабиётшунослик, чоғиштирма тилшунослик ва таржимашунослик (филология фанлари).
Диссертация мавзуси рўйхатга олинган рақам: В2020.3.PhD/Fil1388.
Илмий раҳбар: Муродова Нигора Куллиевна, филология фанлари доктори, профессор.
Диссертация бажарилган муассаса номи: Навоий давлат педагогика институти. 
ИК фаолият кўрсатаётган муассаса номи, ИК рақами: Самарқанд давлат чет тиллар институти, PhD.03/30.12.2019.Fil/Ped.83.01.
Расмий оппонентлар: Насруллаева Нафиса Зафаровна, филология фанлари доктори, профессор; Холматова Вазира Нарзуллаева, филология фанлари бўйича фалсафа доктори (PhD), доцент.
Йетакчи ташкилот: Ўзбекистон давлат жаҳон тиллари университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади инглиз ва ўзбек тилларида зооним ва фитоним компонентли фразеологизмларнинг семантик хусусиятлари, структурал таркиби ва миллий-маданий ўзига хос хусусиятларини очиб беришдан иборат.
III. Тадқиқотнинг илмий янгилиги: 
зооним ва фитоним компонентли фразеологик бирликларнинг лексик-семантик мақомини аниқлаш мезонлари уларнинг тузилиши, семантикаси каби ўзаро фарқловчи хусусиятлар таркибини аниқлаштириш асосида ишлаб чиқилган;
чоғиштирилаётган тиллар кесимида зооним ва фитоним компонентли фразеологик бирликларнинг семантик хусусиятлари ва коннотатив-баҳо муносабатлари очиб берилиб, улар семантик-тематик таснифига кўра турлича бўлиши аниқланган;
зооним ва фитоним компонентли фразеологик бирликларнинг структурал таркиби очиб берилиб, уларнинг сўз бирикмасига, содда ва қўшма гапга тенг турларини морфологик ҳамда компонент таҳлилга тортиш орқали муштарак ва фарқли жиҳатлари борлиги далилланган;
контекстлар асосида инглиз ва ўзбек тилларида қўлланиладиган зооним ва фитоним компонентли фразеологик бирликларнинг лингвопрагматик хусусиятлари асосланиб, улардаги образлиликнинг миллий-лисоний омиллари исботланган. 
IV. Тадқиқот натижаларининг жорий қилиниши. Инглиз ва ўзбек тилларида зооним ва фитоним компонентли фразеологик бирликларининг семантик-структур хусусиятларини қиёсий жиҳатдан таҳлил қилиш жараёнида эришилган илмий натижалар ва амалий таклифлар асосида:
зооним ва фитоним компонентли фразеологик бирликларнинг лексик-семантик мақомини аниқлаш мезонлари, уларнинг тузилиши, семантикаси каби ўзаро фарқловчи хусусиятлар таркибини аниқлаштириш асосида олинган хулосалардан «Қорақалпоқ фольклоршунослиги ва адабиётшунослигини тадқиқ этиш» мавзусидаги ФА - Ф - 1-005 фундаментал тадқиқот лойиҳасида ўз ифодасини топди (Ўзбекистон Республикаси Фанлар Академиясининг Қорақалпоғистон бўлими 2021 йил 20 октябрдаги 17-01-283-сон маълумотномаси). Тадқиқот натижаларини амалий қўллаш фундаменталь лойиҳа доирасида тайёрланган илмий мақолалар ҳамда фольклор асарларининг тил хусусиятларини ўрганишга оид олиб борилган тадқиқотлар илмий савиясини оширишга хизмат қилган;
чоғиштирилаётган тиллар кесимида зооним ва фитоним компонентли фразеологик бирликларнинг семантик хусусиятлари ва коннотатив-баҳо муносабатлари ёритилган ҳамда семантик-тематик таснифига кўра турли гуруҳларга бўлиниши аниқланганлиги ҳақида фикрлардан Европа Иттифоқининг Темпус дастури 2018-2020 йилларга мўлжалланган Tempus Project 544161-TEMPUS-1-2013-1-UK-TEMPUS-JPCR Aston University DeTEL “Developing the Teaching of European languages: Modernizing Language Teaching through the development of blended Masters Programmes” номли халқаро тадқиқот лойиҳасида фойдаланилган (Самарқанд давлат 
чет тиллар институтининг 2021 йил 12 ноябрдаги 2877/30.02.01-сон
маълумотномаси). Натижада, чоғиштирилаётган тиллар кесимида зооним ва фитоним компонентли фразеологик бирликларнинг семантик хусусиятлари ва коннотатив-баҳо муносабатлари тиллараро мулоқот маданиятини шакллантириш компетенцияларини ривожлантиришда, лойиҳа тренинглари учун мўлжалланган мақсадли ишчи дастур ва дарс ишланмаларини шакллантиришда назарий асос бўлган; 
контекстлар асосида инглиз ва ўзбек тилларида қўлланиладиган зооним ва фитоним компонентли фразеологик бирликларнинг лингвопрагматик хусусиятлари асосланган ҳамда улардаги образлиликнинг миллий-лисоний омиллари билан боғлиқ илмий-назарий таҳлиллардан Ўзбекистон Миллий телерадиокомпаниясининг “O’zbekiston” телерадиоканали ДМ “Маданий-маърифий ва бадиий эшиттиришлар” муҳарририятининг “Таълим ва тараққиёт”, “Миллат ва маънавият”, “Жаҳон адабиёти” номли дастурлари сценарийсини тайёрлашда фойдаланилган (Ўзбекистон Миллий телерадиокомпаниясининг 2021 йил 29 октябрдаги 04-25/1691-сон маълумотномаси). Натижада, тингловчиларнинг икки халқ маданияти ҳақидаги билимлари ошишига эришилган.