Sattarov Aloberdi Mo‘minjon o‘g‘lining
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Leybnis algebralarining pre-differensiallashlari va o‘ng-kommutativ va chap-simmetrik algebralarning tasnifi”, 01.01.06 – “Algebra” (fizika-matematika fanlari).
Dissertatsiya mavzusi ro‘yxatga olingan raqam: B2022.4.PhD/FM442
Dissertatsiya bajarilgan muassasa nomi: V.I. Romanovskiy nomidagi Matematika instituti.
IK faoliyat ko‘rsatayotgan muassasa nomi, IK raqami: V.I. Romanovskiy nomidagi Matematika instituti huzuridagi DSc.02/30.12.2019.FM.86.01 raqamli Ilmiy kengash.
Ilmiy rahbar: Xudoyberdiyev Abror Xakimovich, fizika-matematika fanlari doktori, professor.
Rasmiy opponentlar: Arzikulov Farhodjon Nematjonovich, fizika-matematika fanlari doktori, katta ilmiy hodim; Qurbanbaev Tuuelbay Qadirbayevich fizika-matematika fanlari doktori, dotsent.
Yetakchi tashkilot: Yangi O‘zbekiston universiteti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi filiform Leybnis algebralarining pre-differensiallashlari hamda o‘ng-kommutativ, chap-simmetrik va hosil qiluvchisi yagona bo‘lgan terminal algebralarni tasniflashdan iborat.
III. Tadqiqotning ilmiy yangiligi:
filiform Leybnis algebralarining pre-differensiallashlari tasniflangan, hamda kuchli nilpotent bo‘lmagan filiform Leybnis algebralari mavjudligi isbotlangan;
to‘rt o‘lchamli nilpotent o‘ng-kommutativ algebralar algebraik va geometrik tasniflanlagan hamda bunday algebralar ko‘philliklarining keltirilmas komponentalari topilgan;
to‘rt o‘lchamli nilpotent chap-simmetrik algebralarning algebraik va geometrik tasniflari keltirilgan;
hosil qiluvchisi bitta bo‘lgan besh o‘lchamli nilpotent terminal algebralar tasniflangan.
IV. Tadqiqot natijalarining joriy qilinishi. Filiform Leybnis algebralarining pre-differensiallashlari va o‘ng-kommutativ va chap-simmetrik algebralarining tasniflari bo‘yicha olingan natijalar asosida:
to‘rt o‘lchamli nilpotent o‘ng-kommutativ algebralarning algebraik va geometrik tasniflanlari hamda bunday algebralar ko‘philliklarining keltirilmas komponentalaridan AP08051987 raqamli “Dinamik sistemalarning noregulyar to‘plamlari” mavzusidagi xorijiy grant loyihasida kichik o‘lchamli algebralar ko‘philliklarini algebraik va geometrik tasniflarini olishda foydalanilgan (Sulaymen Demirel universitetining 2023 yil 4 apreldagi №10.3.37/411-sonli ma’lumotnomasi, Qozog‘iston). Ilmiy natijalarning qo‘llanilishi hosil qiluvchisi bitta bo‘lgan besh o‘lchamli nilpotent assosimmetrik algebralarning tasnifini va bunday algebralar ko‘philligidagi keltirilmas komponentalarni topish imkonini bergan;
hosil qiluvchisi bitta bo‘lgan besh o‘lchamli nilpotent terminal algebralar tasniflaridan xorijiy ilmiy maqolalarda (Journal of Algebra and is Applications, 21(2), 2022, 2250031, Algebra Colloquium, 29(3), 2022, 453-474 va Communications in Mathematics, 28(2), 2020, 231-251) kichik o‘lchamli konservativ algebralarning tasniflishda foydalanilgan. Ilmiy natijaning qo‘llanilishi kichik o‘lchamli konservativ algebralar va hosil qiluvchisi bitta bo‘lgan besh o‘lchamli nilpotent bikommutativ hamda kuchsiz assotsiativ algebralarning tasniflarini olish imkonini bergan.