Хакимова Фазилат Абдусобировнанинг
фан доктори (DSc) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ташқи савдо товарларини сертификатлашнинг тўлиқлиги ва ишончлилигини таъминлаш усуллари ҳамда алгоритмлари», 02.00.09 – Товарлар кимёси (техника фанлари).
Диссертация мавзуси рўйхатга олинган рақам: В2023.1.DSc/Т559.
Илмий маслаҳатчи: Асқаров Иброҳим Раҳмонович, кимё фанлари доктори, профессор.
Диссертация бажарилган муассаса номи: Андижон давлат униварситети.
ИК фаолият кўрсатаётган муассаса номи, ИК рақами: Андижон давлат университети, DSc.03/29.10.2021.К/Т.60.05.
Расмий оппонентлар: Ахмадалиев Махаммаджон Ахмадалиевич, техника фанлари доктори, профессор; Шамсиддинов Исроилжон, техника фанлари доктори, профессор; Юлчиев Аслбек Бахтиёрбекович, техника фанлари доктори, доцент.
Етакчи ташкилот: Қўқон давлат педагогика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: кимёвий ва математик моделлаштириш усулларидан фойдаланган ҳолда товарларни экспертизадан ўтказиш ва масофадан сертификатлаш жараёни учун инсон-машина бошқарув тизимини алгоритмик моделлари, усуллари ва технологияларини ишлаб чиқишдан иборат.
III. Тадқиқотнинг илмий янгилиги:
ташқи савдони нотариф тартибга солиш чоралари сифатида товарларни сертификатлашнинг масофадан товарларни сертификатлашнинг «Ягона дарча» механизми эталон модели ишлаб чиқилган;
ягона уйғунлашган “А” хужжатнинг стандарт тавсифи ҳамда унга асосланган ташқи савдо товарларини масофавий сертификатлаштириш жараёнини бошқарув объекти сифатида ахборот ва алгоритмик моделлари ишлаб чиқилган;
божхона экспертизасининг товарларини масофавий сертификатлаштириш жараёни билан интеграллашган параметрлари белигланди ҳамда полимер, пахта ва полиестердан тайёрланган аралаш матоларни божхона экспертизасидан ўтказиш методологияси алгоритмлари яратилган;
ташқи савдо товарларини сертификатланиши тўлиқлиги таъминлашнинг «Кенгайтирилган ТИФ ТН»га асосланган ахборот ва математик модели тузилган;
аҳолининг санитария-эпидемиологик осойишталиги хавфини бошқариш мезонларининг мамлакатлар, халқаро юк ташувчилар ва санитария-эпидемиология назорати остидаги товарлар билан боғлиқ хавфларни аниқлаш алгоритми ишлаб чиқилган;
таклиф этилаётган модел ва усулларни интерфаол режимда ишловчи идоралараро «Ягона дарча» божхона ахборот-техник мажмуаси ишлаб чиқилган.
IV. Тадқиқот натижаларининг жорий қилиниши.
Ташқи савдо товарларини масофавий сертификатлашни ташкил этиш жараёнларини ахборот матритсалари асосида автоматлаштирилган бошқаришнинг алгоритмик усуллари, моделлари ва идоралараро «Ягона дарча» божхона ахборот-техник мажмуасини ишлаб чиқиш бўйича олинган илмий натижалар асосида:
ишлаб чиқилган ташқи савдони нотариф тартибга солиш чоралари сифатида товарларни сертификатлашнинг «Ягона дарча» механизми эталон модели асосида ишлаб чиқилган идоралараро «Ягона дарча» божхона ахборот-техник мажмуаси Ўзбекистон Божхона брокерлар уюшмаси ва унга аъзо корхоналарда амалиётга жорий этилган (Ўзбекистон Божхона брокерлар уюшмасининг 2022 йил 16 февралдаги далолатномаси, Ўзбекистон Республикаси Давлат Божхона қўмитасининг 2022 йил 3 мартдаги 6/05-23-00073-сон маълумотномаси). Натижада, масофадан туриб бошқариш орқали товарларни сертификатлаш учун сарфланадиган вақтни 75 кундан 28 кунга камайтириш имконини берган;
ишлаб чиқилган идоралараро «Ягона дарча» божхона ахборот-техник мажмуаси таркибида ташқи садо товарлари сертификатланиши тўлиқлигини таъминлашнинг математик модели, божхона экспертизасининг товарларини масофавий сертификатлаштириш жараёни билан интеграллашган параметрлари ҳамда полимер, пахта ва полиестердан тайёрланган аралаш матоларни божхона экспертизасидан ўтказиш методологияси Божхона қўмитаси таркибий тузилмаларида амалиётга жорий этилган (Ўзбекистон Республикаси Давлат Божхона қўмитасининг 2023 йил 16 февралдаги 12/04-23-00301-сон маълумотномаси). Натижада, товарларни сертификатлашга кетадиган вақтни 2,67 баробарга камайтириш имконини берган;
«Ягона дарча» дастурий мажмуаси божхона расмийлаштируви бўйича хизмат кўрсатувчи компаниялар амалиётига жорий этилган (Ўзбекистон Республикаси Давлат Божхона қўмитасининг 2022 йил 3 мартдаги 6/05-23-00073-сон маълумотномаси). Натижада, товарларни сертификатлашга кетадиган вақтни 75 кундан 28 кунга қисқартириш имконини берган.