Зайнидинов Олмос Ирикович
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Ён деворлари ва том қисми сурилиб ечиб олинадиган вагон кузови учун техник ечимларни танлаш ва асослаш”, 05.08.05 – “Темир йўлларнинг ҳаракатланувчи таркиби, поездларни тортиш ва электрлаштириш” (техника фанлари).
Диссертация мавзуси рўйхатга олинган рақам В 2023.1.PhD/Т3541
Илмий раҳбар: Бороненко Юрий Павлович, техника фанлари доктори, профессор.
Диссертация бажарилган муассаса номи: Тошкент давлат транспорт университети ва Петербург давлат темир йўллари университети.
ИК фаолият кўрсатаётган муассаса номи, ИК рақами: Тошкент давлат транспорт университети, РhD.15/31.08.2022.T.73.02.
Расмий оппонентлар: Хамидов Отабек Рустамович, техника фанлари доктори, доцент; Турсунов Хуршид Махмудович, техника фанлари номзоди.
Йетакчи ташкилот: Жиззах политехника институти.
II. Тадқиқотнинг мақсади: мавсумий ўзгаришлар пайтида вагонларнинг туриб қолиш вақтини қисқартиришга имкон берувчи ён деворлари ва томи сурилиб ечиб олинадиган вагон кузови учун илмий асосланган техник ечимларни ишлаб чиқиш.
III. Тадқиқотнинг илмий янгилиги қуйидагилардан иборат:
қабул қилинган конструктив ечимларнинг хусусиятларини ҳисобга олиш имконини берувчи ечиб олинадиган вагон кузовини такомиллаштирилган чекли элементли модели ишлаб чиқилган;
ечиб олинадиган вагон кузовининг асосий юк кўтарувчи элементларидаги оптимал қалинликни асосли танлаш имконини берувчи кучларни ҳисобга олган ҳолда, кучланиш-деформация ҳолатининг геометрик ўлчамларига боғлиқлиги аниқланган;
юкларни ортиш ва тушириш жараёнини соддалаштириш ва тезлаштириш, катта габаритли ва узун ўлчамли юкларни юклаш имконини берувчи, юк кўтарувчи элементларининг конструктив ўзгаришлар ва геометрик ўлчамлари асосида янги ён деворлари ва том қисми сурилиб ечиб олинадиган вагон кузови конструкцияси ишлаб чиқилган;
фитинг таянчига таянадиган буралиб сурулувчи ричаглар асосида ечиб олинадиган кузовни вагон рамасига махкамлаш учун янги индивидуал механизм ишлаб чикилган;
ечиб олинадиган ва алмаштириладиган вагон кузовларига таъсир этувчи эксплуатацион кучларни ҳисобга олган ҳолда турли хил конструктив хусусиятлари билан уларнинг ресурси ва чидамлилигини аниқлашга қаратилган такомиллаштирилган услубиёт ишлаб чиқилган. 
IV. Тадқиқот натижаларининг жорий қилиниши: 
Ён деворлари ва том қисми сурилиб ечиб олинадиган вагон кузови конструкциясининг асосий техник ечимларни ишлаб чиқиш бўйича олиб борилган илмий тадқиқотлар асосида:
“Қуюв-механика заводи” ШБ гa (Ўзбекистон Республикаси Транспорт Вазирлигининг 2023-йил 13-мартдаги 2/1557-сонли гувоҳнома) ён деворлари ва том қисми сурилиб ечиб олинадиган вагон кузови конструкцияси лойиҳаси жорий этилган. Натижада янги авлод инновацион юк вагонлари турлари кўпайтирилиб, улардан фойдаланиш самарадорлиги сўзсиз оширилади, бу эса Ўзбекистон Республикасининг маҳаллий вагонсозлик корхоналарининг рақобатбардошлигини таъминлайди. “Ўзбекистон темир йуллари” АЖ учун зарур бўлган юк вагонлари паркини оптималлаштириш ҳисобига кутилаётган иқтисодий самарадорлиги 320 миллион сўмни ташкил этган;
ишлаб чиқилган индивидуал механизмнинг лойиҳаси “Қуюв-механика заводи” ШК га (Ўзбекистон Республикаси транспорт вазирлигининг 2023-йил 13-мартдаги 2/1557-сонли гувоҳнома) ечиб олинадиган вагон кузовлари конструкциялари учун жорий этилди. Натижада, юқори тезликда ва оғир иқлим шароитида ечиб олинадиган вагон кузовлари билан юкларни ташиш хавфсизлиги оширилган. 
“Қуюв-механика заводи” ШК га (Ўзбекистон Республикаси Транспорт Вазирлигининг 2023-йил 13-мартдаги 2/1557-сонли гувоҳнома) ечиб олинадиган вагон кузовлари ва алмаштириладиган кузовлар учун ресурс муддатини текширишга мўлжалланган такомиллаштирилган услубиёт жорий этилди. Натижада, махсус мўлжалланган стенд ёрдамида ечиб олинадиган вагон кузовлари ва алмаштириладиган кузовларни ресурсини аниқлаш имконини яратади, бу эса синов пайтида вертикал йўналишда конструкцияни даврий синаш имконини берган.