Мирзаходжаев Бахтиёр Анваровичга
ихтирога патентлари асосида диссертация ҳимоясиз фан доктори (DSc) илмий даражасини бериш ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Маҳсулдорлиги ва технологик хусусиятлари юқори бўлган пилла хомашёсини етиштириш ва хом ипак сифатини яхшилаш учун, пиллаларни сараловчи ва уларга дастлабки ишлов берувчи техника воситалари мажмуасини яратиш”, 05.06.02 - “Тўқимачилик материаллари технологияси ва хом ашёга дастлабки ишлов бериш” (техника фанлари).
Диссертация мавзуси рўйхатга олинган рақам: В2022.1.DSc/Т510
Илмий маслаҳатчи: Гуламов Азамат Эшанкулович, техника фанлари доктори, профессор.
Диссертация бажарилган муассаса номи: Ипакчилик илмий-тадқиқот институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
II. Тадқиқотнинг мақсади: 
Маҳсулдорлиги юқори бўлган ўрта калибрли пиллалар улушини, уларни жонсизлантириш самарадорлигини ошишини таъминловчи техник воситалар мажмуаси конструкциясини яратиш ва жорий этишдан иборат.
III. Тадқиқотнинг илмий янгилиги:
пиллаларни узунлиги бўйича бир ҳолатга келтирувчи мослама ва уларни меъёрланган калибр кўлами бўйича олти гуруҳга ажратувчи елпиғичсимон тортилган тасмалар билан жиҳозланган, пиллаларни юқори иш унумдорлигида калибрловчи қурилма яратилган, унинг асосий техник ва технологик параметрлари асосланган (“Пиллаларни калибрлаш қурилмаси” патент № IAP 02756-2005 й.);
хар хил калибрли пиллаларни жойлашга мослаштирилган чўмичли транспортёр ҳамда пиллаларни узунлиги бўйича бир ҳолатга келтирувчи ва ғумбакларни шикастлантирмасдан қобиғини қирқувчи мосламалар билан жиҳозланган юқори самарадорлиги юқори пилла қирқувчи ускуна яратилган (“Пилла қобиғини кесувчи ускуна” патент № IAP 05678-2018 й.);
фермер хўжаликлари шароитида тут новдаларидан тайёрлашга мослаштирилган,  кўп марта ишлатишга мўлжалланган ва бир хил калибрли пилла берадиган, ячейкалар ўлчами 40х30мм га тенг бўлган сунъий даста яратилган (“Ипак қурти учун даста” патент № IAP 05340-2018 й.); 
энергия сиғими ва ишлаш принципи мустаҳкам бўлган, оловли калорифер билан жиҳозланган ва мавжуд пилла қуритгичларни тиклашга қаратилган, пиллалар ғумбагини жонсизлантирувчи ускуна конструкцияси яратилган (“Пиллани жонсизлантириш ва қуритиш ускунаси” патент № IAP 06368-2020 й.).
IV. Тадқиқот натижаларининг жорий қилиниши.
Маҳсулдорлиги ва технологик хусусиятлари юқори бўлган пилла хомашёсини етиштириш ва хом ипак сифатини яхшилаш учун, пиллаларни сараловчи ва уларга дастлабки ишлов берувчи техника воситалари мажмуасини яратиш бўйича олинган натижалар асосида: 
пиллаларни шикастлантирмасдан, юқори иш унумдорлигида, уларни калибри бўйича 1 мм дан олти гуруҳга бўлувчи, пиллаларни калибрловчи қурилманинг 7 та синов нусҳалари Чортоқ ипак қурти уруғи МЧЖ, Қўқон ипак қурти уруғи МЧЖ, Фарғона ипак қурти уруғи МЧЖ ва  “Silver Silk Company” ҚК ларда жорий этилган (Ўзбекистон Республикаси Ипакчилик ва жун саноатини ривожлантириш қўмитасининг 2020 йил 15-январдаги 02/028-137 сон маълумотномаси). Бу корхоналарда пиллаларни калибрловчи ускуналарни қўллаш натижасида иш унумдорлиги 4-5 мартага ва сифатли пиллалар улуши 1,3-1,4 мартага ортган;
ипак қуртини ғумбак даврида жинсларга бўлиш учун, пиллалар қобиғини юқори иш унумдорлигида кесувчи ва ғумбакларини шикастлантирмасдан ажратиб берувчи ускуна "Фарғона тут ипак курти уруғчилик" корхонасида жорий этилган (Ўзбекистон Республикаси Ипакчилик ва жун саноатини ривожлантириш қўмитасининг 2020 йил 15-январдаги 02/028-137 сон маълумотномаси). Ускунада пиллалар ғумбагининг тўла кесилиши 99 фоизни, қобиғидан ғумбагини ажралиш даражаси 94 фоизни ташкил этганлиги ва шикастланган ғумбакларнинг улуши 2 фоизга камайганлиги ҳамда иш унумдорлиги кўл меҳнатига нисбатан ўртача 5,5 мартага ортишига эришилган; 
тут новдаларидан ясашга мослаштирилган, бир хил ўлчамли пилла берадиган ипак қурти дастаси Ўзбекистон табиий толалар илмий-тадқиқот институтининг тажриба базасида жорий этилган (Ўзбекистон Республикаси Ипакчилик ва жун саноатини ривожлантириш қўмитасининг 2020 йил 15-январдаги 02/028-137 сон маълумотномаси). Бу ерда дасталардан олинган навли пиллаларнинг ва бир хил ўлчамли пиллаларнинг улуши ўртача 16 фоизга, ипакчанлиги 3% фоизга ортишига имконият яратилган;
пилла қуритиш ускунасининг такомиллаштирилган тажриба нусҳаси Тошкент вилояти, Қуйи Чирчиқ туман "Агропилла"да жорий этилган (Ўзбекистон Республикаси Ипакчилик ва жун саноатини ривожлантириш қўмитасининг 2020 йил 15-январдаги 02/028-137 сон маълумотномаси). Ишланмадан икки йил фойдаланиш натижасида, ёқилғининг ва электроэнергиянинг сарфи ўртача 16 ва 20 фоизга камайган.