Очилов Илес Саидовичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Чакилкалян тоғлари апокарбонат олтин маъданлашувининг геологик тузилиши ва жойлашиш шароитлари», 04.00.01 – Умумий ва минтақавий геология (геология-минералогия фанлари).
Диссертация мавзуси рўйхатга олинган рақам: В2022.1.PhD/GM58.
Илмий раҳбар: Ярбобоев Тўлқин Нурбобоевич, техника фанлари номзоди, доцент.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Геология ва геофизика институти, DSc.24/30.10.2020.GM.125.01.
Расмий оппонентлар: Султонов Пулатжон Салимович, геология-минералогия фанлари доктори, профессор; Сайитов Сардор Савриддинович? геология-минералогия фанлари бўйича фалсафа доктори (PhD), катта илмий ходим.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Чакилкалян тоғларидаги апокарбонат олтин маъданлашувининг геологик тузилиши ва жойлашиш шароитларини аниқлаш ҳамда башоратлаш-излаш комплексини ишлаб чиқишдан иборат.
III. Тадқиқотнинг илмий янгилиги:
ҳудуднинг геологик тузилишида палеозой ётқизиқлари кесимида карбонат қатламларининг сезиларли даражада устунлиги, шунингдек, кичик гранитоид интрузияларнинг кенг тарқалганлиги аниқланган;
апокарбонат олтин маъданлашувининг тўртта асосий: аката (Au-сульфид-аргиллизит кварцсиз) – акба (Au-сульфид-жаспероидли) – кавсагар (Au-сульфосоль-жаспероидли) – карасу (Au-сульфид-аргиллизит эмбриональ-жаспероидли) турлари ажратилган;
апокарбонат олтин маъданлашуви Аката майдонида шимолий-ғарбий йўналишдаги тик ётган ёрилиш зонаси, Акба майдонида йирик формациялараро узилиш жойини ўз ичига олган, кичик кенгликдаги тектоник-заифлашган зона, Кавсагар майдонида шимолий-шарқий ва субмеридиональ тарқалган дарзликлар системаси, Карасу майдонида субпараллел ва қия кесиб ўтган узилмали бузилишлар серияси билан боғлиқлиги исботланган;
илк бор Чакилкалян тоғларидаги апокарбонат олтин маъданлашуви учун тузилма-геологик, геокимёвий ва минералогик мезонларни ўз ичига олган башоратлаш-излаш комплекси ишлаб чиқилган.
IV. Тадқиқот натижаларининг жорий қилиниши.
Чакилкалян тоғлари апокарбонат олтин маъданлашувининг геологик тузилиши ва жойлашиш шароитлари бўйича олинган илмий натижалар асосида:
карбонат жинсларда олтин маъданлашувининг излаш методологияси “Ўзбек геология қидируви” АЖ Ҳисор дала геология қидирув экспедицияси фаолиятига жорий қилинган (Ўзбекистон Республикаси Давлат геология ва минерал ресурслар қўмитасининг 2022 йил 18 мартдаги 02-35-сон маълумотномаси). Натижада, геологик-қидирув ишларининг истиқболли йўналишларини танлаш имконини берган;
ишлаб чиқилган башоратлаш-излаш комплекси “Ўзбек геология қидирув” АЖ Ҳисор дала геология қидирув экспедициясининг қидирув ишларида жорий қилинган (Ўзбекистон Республикаси Давлат геология ва минерал ресурслар қўмитасининг 2022 йил 18 мартдаги 02-35-сон маълумотномаси). Натижада, Қоратепа-Чакилкалян тоғ-кончилик ҳудуди Чакилкалян майдонининг апокарбонат олтин маъданлашувига истиқболли жанубий-шарқий ва шимолий-ғарбий қисмларида айрим участкаларни башоратлашга имкон берган.
