Тажибоев Ғолибжон Ғуломжоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тиканли ковул «Сapparis spinosa L.» доривор ўсимлиги мевасини қуритиш технологияси», 02.00.17 – Қишлоқ хўжалик ва озиқ-овқат маҳсулотларига ишлов бериш, сақлаш ҳамда қайта ишлаш технологиялари ва биотехнологиялари (техника фанлари).
Диссертация мавзуси рўйхатга олинган рақам: B2021.4.PhD/Т2465.
Илмий раҳбар: Иноғомов Собитжон Ёқубжонович, техника фанлари доктори, профессор.
Диссертация бажарилган муассасалар номи: Наманган муҳандислик-технология институти, Тошкент фармацевтика институти.
ИК фаолият кўрсатаётган муассаса номи, ИК рақами: Тошкент кимё-технология институти, DSc.03/30.12.2019.Т.04.01.
Расмий оппонентлар: Додаев Қочқор Одилович, техника фанлари доктори, профессор; Ғофуров Карим Хакимович, техника фанлари номзоди, доцент.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маҳаллий доривор ўсимлик - тиканли ковул «Сapparis spinosa L.» мевасини қуритишнинг самарали технологиясини ишлаб чиқишдан иборат.
III. Тадқиқотнинг илмий янгилиги:
маҳаллий доривор ўсимлик - тиканли ковул «Сapparis Spinosa L.» мевасини 75 Сгача қуритишдан уруғи таркибидаги рутин 0,29 %, кверцетин 0,57 % сақланиши исботланган;
тиканли ковул доривор ўсимлиги мевасининг кимёвий таркиби аниқланиб, стероидли сапонинлар, аскорбин кислотаси, қандлар, мирозин ферменти, қизил пигмент, йод, эфир мойлари, ёғлар, органик кислоталар сақлаши исботланган;
тиканли ковул доривор ўсимлиги мевасини 70±5 Сда қуритиш намуна юзасининг бир жинслилик даражасини таъминлаб, сувли экстрактида  қуруқ модда миқдори 15,58 %, этил спирти экстрактида 16,17 % эканлиги аниқланган;
тиканли ковул «Сapparis spinosa L.» доривор ўсимлиги меваси кукунида В1, В2, В6 ва В12 витаминлари мавжудлиги исботланиб, зиравор иштаха очувчи биологик қўшимча эканлиги асосланган;
маҳаллий доривор ўсимлик - тиканли ковул «Сapparis spinosa L.» мевасини қуритишнинг самарали технологияси ишлаб чиқилган.
IV. Тадқиқот натижаларининг жорий қилиниши.
Тиканли ковул «Сapparis spinosa L.» доривор ўсимлик мевасини қуритиш технологиясини ишлаб чиқиш бўйича олинган илмий  натижалар асосида:
тиканли ковул «Сapparis spinosa L.» доривор ўсимлик мевасини қуритиш технологияси «NAM SIB Agro Biznes» МЧЖ Ўзбек-Россия ҚКнинг «2023-2025 йилларда амалиётга жорий этиш бўйича истиқболли ишланмалар рўйхати»га киритилган («Ўзбекистон озиқ-овқат саноати уюшмаси»нинг 2022 йил 22 май 25-62/05-22-сон маълумотномаси). Натижада, озиқ-овқат маҳсулотлари таркибида фойдаланилувчи биологик фаол қўшимча - зировор ишлаб чиқариш имконини берган;
тиканли ковул «Сapparis spinosa L.» мевасини қуритиш билан дори воситаси тайёрлаш учун хомашё ишлаб чиқариш технологияси «AFRUZ KAMOL NABI» МЧЖнинг «2023-2025 йилларда амалиётга жорий этиш бўйича истиқболли ишланмалар рўйхати»га киритилган («Ўзбекистон озиқ-овқат саноати уюшмаси»нинг 2022 йил 22 май 25-62/05-22-сон маълумотномаси). Натижада, фармацевтика саноати учун импорт қилинувчи ковул мевасининг қуритилган кукунини тўлиқ алмаштириш имконини берган.