Норов Фируз Хакбердиевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қорин олд девори чурраларида аллогернио-пластикасида дифференциал ёндашув», 14.00.27 – Хирургия (тиббиёт фанлари).
Диссертация мавзуси рўйхатга олинган рақам: В2021.1.PhD/Tib1756.
Илмий раҳбар: Хакимов Мурод Шавкатович, тиббиёт фанлари доктори,  профессор.
Диссертация бажарилган муассаса номи: Бухоро  давлат тиббиёт институти, Тошкент тиббиёт академияси .
ИК фаолият кўрсатаётган муассаса (муассасалар) номи, ИК рақами: Бухоро давлат тиббиёт институти, DSc.04/30.04.2022.Tib.93.01. 
Расмий оппонентлар: Сафоев Бақодир Барноевич, тиббиёт фанлари доктори, профессор; Махмудов Улуғбек Маруфджанович, тиббиёт фанлари доктори (DSc).
Етакчи ташкилот: «А.В.Вишневский номидаги Хирургия миллий тиббиёт тадқиқот маркази» (Россия Федерацияси).
Диссертация йўналиши: амалий аҳамиятга молик.
II. Тадқиқотнинг мақсади: ишлатиладиган материалларнинг гистологик мувофиқлигини аниқлашга асосланган аллопротезни танлашга дифференциал  ёндашув орқали операциядан кейинги чурраси бўлган беморларни даволаш натижаларини яхшилашдан иборат.
III. Тадқиқотнинг илмий янгилиги: 
бир вақтнинг ўзида  бир нечта турдаги алломатериаллар қўлланиладиган герниопластика учун синтетик эндопротезларнинг гистологик мувофиқлигини объектив баҳолаш мақсадида қорин ташқи чурраларининг экспериментал модели ишлаб чиқилган;
аллогерниопластикада энг кўп ишлатиладиган материалларнинг битиш самарадорлигини баҳолаш, ишлаб чиқилган экспериментал модел асосида аниқланган;
клиник ва биокимёвий профил кўрсаткичларидан фойдаланган ҳолда биринчи марта шкала ишлаб чиқилди ва операциядан кейинги вентрал чурра билан оғриган беморларни турли алломатериалларнинг гистологик мувофиқлик даражасига кўра тақсимлаш амалга ошириш асосланган;
гисто-мувофиқлик даражасига қараб алломатериал турини танлашда диффенциал ёндашув таклиф этилиб, қориннинг ташқи чурраларини жарроҳлик йўли билан даволашда такомиллаштирилган ёндашувнинг клиник самарадорлиги исботланган. 
IV. Тадқиқот натижаларининг жорий қилиниши. 
Аллогерниопластика усулини танлашга дифференциал ёндашувни асослаш орқали  операциядан кейинги  қорин олд деворининг чуррасини  жарроҳлик даволаш натижаларини яхшилаш бўйича олинган натижалар асосида:
операциядан кейинги  қориннинг олд девори чурраларига дифференциал  ёндашув асосида даволаш натижаларини яхшилаш бўйича олиб борилган тадқиқотнинг илмий натижалари асосида ишлаб чиқилган «Операциядан кейинги вентрал чурраларни даволашда такомиллаштирилган ёндашувни ишлаб чиқиш» номли услубий тавсиянома тасдиқланган (Соғлиқни сақлаш вазирлигининг 2022 йил 5 июлдаги 8н-r/705-сон маълумотномаси). Мазкур услубий тавсиянома операциядан кейинги вентрал чурраларни даволашда такомиллаштирилган ёндашувни қўллаш имконини берган;
қорин олд девори чурраларида аллогернио-пластикасида дифференциал ёндашув бўйича тадқиқотнинг илмий натижалари соғлиқни сақлаш амалиётига, жумладан, Бухоро шаҳар тиббиёт бирлашмаси режали жарроҳлик бўлими ва Когон шаҳар тиббиёт бирлашмаси жарроҳлик бўлими амалиётига тадбиқ қилинган. (Соғлиқни сақлаш вазирлигининг 2023 йил 24 январдаги 08-01340-сон маълумотномаси).Ушбу услубий тавсиянома  биринчи марта синтетик эндопротезларнинг гистологик мувофиқлигини холис баҳолаш учун қорин ташқи чурраларининг экспериментал модели таклиф этилган; энг кўп ишлатиладиган алломатериалларнинг морфологик битиш самарадорлиги баҳоланган; операциядан кейинги вентрал чурраси бўлган беморларнинг гисто-мувофиқлик даражасига тақсимланиш шкаласи ишлаб чиқилган ва аллотрансплантатни танлашга дифференциал ёндашув таклиф қилинди, бу операциядан кейинги дастлабки даврда жарроҳлик асоратлари частотасини камайтиришга имкон берган.