Каюмов Бахтиёр Эркинжоновичнинг 
фалсафа доктори (PhD) диссертацияси ҳимояси ҳақида эълон

I.Умумий маълумотлар
Диссертация мавзуси, ихтисослик шифри: «Давлат-хусусий шерикликнинг ҳуқуқий асосларини такомиллаштириш», 12.00.03 - Фуқаролик ҳуқуқи. Тадбиркорлик ҳуқуқи. Оила ҳуқуқи. Халқаро хусусий ҳуқуқ (юридик фанлар).
Диссертация мавзуси рўйхатга олинган рақам: В2022.3.PhD/Yu791.
Илмий раҳбарнинг Ф.И.Ш., илмий даражаси ва унвони: Окюлов Оманбай, юридик фанлар доктори, профессор.
Диссертация бажарилган муассаса номи: Ўзбекистон Республикаси Ҳуқуқни муҳофаза қилиш академияси.
ИК фаолият кўрсатаётган муассаса номи, ИК рақами: Ўзбекистон Республикаси Судьялар олий кенгаши ҳузуридаги Судьялар олий мактаби, PhD.37/27.02.2020.Yu.107.01.
Расмий оппонентлар: Камалов Ойбек Ахматович, юридик фанлар доктори, профессор; Холбоев Собир Баратович, юридик фанлар номзоди, доцент.
Етакчи ташкилот: Ўзбекистон Республикаси Адлия вазирлиги қошидаги Юристлар малакасини ошириш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистон Республикасида давлат-хусусий шерикликни ҳуқуқий тартибга солишни такомиллаштиришга қаратилган таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
агар давлат-хусусий шериклик тўғрисидаги битим тузилган санада амалда бўлган Ўзбекистон Республикаси қонунчилигининг ўзгартирилиши тўғридан-тўғри хусусий шерикнинг давлат-хусусий шериклик лойиҳаси доирасидаги харажатлари ошишига ёки унинг даромадлари камайишига олиб келса, хусусий шерик амалга оширилаётган лойиҳадан келиб чиққан ҳолда, давлат-хусусий шериклик объектидан эркин фойдаланиш учун тўлов ва (ёки) фойдаланганлик учун тўлов компенсацияловчи тарзда оширилишини, шунингдек давлат шеригидан бир марталик компенсация тўловини ва (ёки) давлат-хусусий шериклик тўғрисидаги битимга тегишли ўзгартиш ва (ёки) қўшимчалар киритилишини, агар бу давлат-хусусий шериклик тўғрисидаги битимда назарда тутилган бўлса, талаб қилишга ҳақли эканлиги исботланган;
давлат-хусусий шериклик лойиҳасини молиялаштирувчи молиявий ташкилотлар ва бошқа шахслар давлат-хусусий шериклик тўғрисидаги битимнинг тарафи сифатида иштирок эта олмаслиги ва кредитор сифатида эътироф этилиши асослантирилган;
концессия давлат-хусусий шерикликнинг турларидан бири эканлиги, шу боисдан концессия ва давлат-хусусий шериклик ягона қонун билан тартибга солиниши кераклиги исботланган;
иккала томоннинг розилиги билан, хусусий шерик банкрот бўлганида ва (ёки) тугатилганда, давлат шеригининг талабига кўра – хусусий шерик ўз мажбуриятларини бажармаганида, хусусий шерикнинг талабига кўра – давлат шериги ўз мажбуриятларини бажармаганда давлат-хусусий шериклик тўғрисидаги битим бекор қилиниши  мумкинлиги асослантирилган, охирги икки ҳолатда шартномани бекор қилиш суд тартибида амалга оширилган. 
IV. Тадқиқот натижаларининг жорий қилиниши. Давлат-хусусий шерикликнинг ҳуқуқий асосларини такомиллаштириш бўйича олинган илмий натижаларига кўра қуйидаги таклифлар ишлаб чиқилди ва амалиётга жорий қилинди:
агар давлат-хусусий шериклик тўғрисидаги битим тузилган санада амалда бўлган Ўзбекистон Республикаси қонунчилигининг ўзгартирилиши тўғридан-тўғри хусусий шерикнинг давлат-хусусий шериклик лойиҳаси доирасидаги харажатлари ошишига ёки унинг даромадлари камайишига олиб келса, хусусий шерик, амалга оширилаётган лойиҳадан келиб чиққан ҳолда, давлат-хусусий шериклик объектидан эркин фойдаланиш учун тўлов ва (ёки) фойдаланганлик учун тўлов компенсацияловчи тарзда оширилишини, шунингдек давлат шеригидан бир марталик компенсация тўловини ва (ёки) давлат-хусусий шериклик тўғрисидаги битимга тегишли ўзгартиш ва (ёки) қўшимчалар киритилишини, агар бу давлат-хусусий шериклик тўғрисидаги битимда назарда тутилган бўлса, талаб қилишга ҳақли эканлиги ҳақидаги таклифлар Ўзбекистон Республикасининг 2021 йил 22 январдаги «Давлат-хусусий шериклик тўғрисидаги қонунчилик такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш ҳақида»ги ЎРҚ-669-сон Қонунига мувофиқ Ўзбекистон Республикасининг «Давлат-хусусий шериклик тўғрисида»ги Қонуни 34-моддасини ишлаб чиқишда фойдаланилган (Ўзбекистон Республикаси Олий Мажлиси Қонунчилик палатаси Бюджет ва иқтисодий ислоҳотлар қўмитасининг 2021  йил 11 майдаги 04/1-04/1-542-сон далолатномаси). Ушбу таклифнинг киритилиши хусусий шерикка нисбатан кучини йўқотган норматив-ҳуқуқий ҳужжат таъсирини сақлаб қолишга доир нормаларни қонунчиликдан чиқариб ташлаш ва хусусий шерикка компенсация тўловларини тақдим этиш, давлат-хусусий шериклик тўғрисидаги битимга салбий таъсир қилиши мумкин бўлган ўзгартириш ва қўшимчаларни қонунчиликка киритиш тартибини ишлаб чиқишга хизмат қилган;
давлат-хусусий шериклик лойиҳасини молиялаштирувчи молиявий ташкилотлар ва бошқа шахслар давлат-хусусий шериклик тўғрисидаги битимнинг тарафи сифатида иштирок эта олмаслиги ва кредитор сифатида эътироф этилиши ҳақидаги таклифлар Ўзбекистон Республикасининг 2021 йил 22 январдаги «Давлат-хусусий шериклик тўғрисидаги қонунчилик такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш ҳақида»ги ЎРҚ-669-сон Қонунига мувофиқ Ўзбекистон Республикасининг «Давлат-хусусий шериклик тўғрисида»ги Қонуни 13-моддасини ишлаб чиқишда фойдаланилган (Ўзбекистон Республикаси Олий Мажлиси Қонунчилик палатаси Бюджет ва иқтисодий ислоҳотлар қўмитасининг 2021  йил 11 майдаги 04/1-04/1-542-сон далолатномаси). Ушбу таклифнинг киритилиши давлат-хусусий шериклик субъектлари доирасини белгилаш ва кредиторларни ушбу муносабатлардан чиқариш имконини берган;
концессия давлат-хусусий шерикликнинг турларидан бири эканлиги, шу боисдан концессия ва давлат-хусусий шериклик ягона қонун билан тартибга солиниши кераклиги ҳақидаги таклифлар Ўзбекистон Республикасининг 2021 йил 22 январдаги «Давлат-хусусий шериклик тўғрисидаги қонунчилик такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш ҳақида»ги ЎРҚ-669-сон Қонунига мувофиқ Ўзбекистон Республикасининг «Давлат-хусусий шериклик тўғрисида»ги Қонуни 1 ва 3-моддаларига ўзгартириш ва қўшимчалар киритишда фойдаланилган (Ўзбекистон Республикаси Олий Мажлиси Қонунчилик палатаси Бюджет ва иқтисодий ислоҳотлар қўмитасининг 2021  йил 11 майдаги 04/1-04/1-542-сон далолатномаси). Ушбу таклифнинг киритилиши концессия ва давлат-хусусий шериклик ягона қонун билан тартибга солиниши имконини берган;
иккала томоннинг розилиги билан, хусусий шерик банкрот бўлганида ва (ёки) тугатилганда, давлат шеригининг талабига кўра – хусусий шерик ўз мажбуриятларини бажармаганида, хусусий шерикнинг талабига кўра – давлат шериги ўз мажбуриятларини бажармаганда давлат-хусусий шериклик тўғрисидаги битим бекор қилиниши, охирги икки ҳолатда шартномани бекор қилиш суд тартибида амалга оширилиши ҳақидаги таклифлар Ўзбекистон Республикаси Вазирлар Маҳкамасининг 2019 йил 26 февралдаги «Аҳоли пунктлари қисмларининг батафсил режалаштириш лойиҳаларини ишлаб чиқишни молиялаштиришда давлат-хусусий шерикликни амалга ошириш тартиби тўғрисидаги низомни тасдиқлаш ҳақида»ги 169-сон қарори билан тасдиқланган Аҳоли пунктлари қисмларининг батафсил режалаштириш лойиҳаларини ишлаб чиқишни молиялаштиришда давлат-хусусий шерикликни амалга ошириш тартиби тўғрисида Низомнинг 44-бандини ишлаб чиқишда фойдаланилган (Ўзбекистон Республикаси Вазирлар Маҳкамасининг Макроиқтисодий таҳлил, таркибий ўзгартиришлар, молия-банк тизими, давлат активларини бошқариш, рақобатни ривожлантириш, тадбиркорликни қўллаб-қувватлаш ва камбағалликни қисқартириш масалалари котибиятининг 2021 йил 5 июндаги 24/06-05-сон далолатномаси). Ушбу таклифнинг киритилиши битимни бекор қилиш ва уни суд тартибида амалга оширишга доир асосларни белгилашга хизмат қилган.