Турсунов Азамжон Салимжон ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тасказган кони графит рудасини бойитиш ҳамда сурков ва силикатли материалларини қайта ишлаш технологияси», 02.00.13 - Ноорганик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2022.3.PhD/Т3022.
Илмий раҳбар: Турдиалиев Умид Мухтаралиевич, техника фанлари доктори, катта илмий ходим.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассаса номи, ИК рақами: Наманган муҳандислик-технология институти, PhD.03/30.12.2019.K/T.66.02.
Расмий оппонентлар: Султонов Боходир Элбекович, техника фанлари доктори, профессор; Сейтназаров Атаназар Рейпназарович, техника фанлари доктори, профессор.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Тасказган кони графит рудасини самарали бойитиш технологиясини ишлаб чиқиш ва графитли сурков ҳамда оловбардош материалларини олишдан иборат.
III. Тадқиқотнинг илмий янгилиги:
Тасказган кони графит рудаларининг кимёвий-минералогик таркиби ва структуравий тузилиши, физик-кимёвий, анъанавий ва технологик тадқиқот усуллари ёрдамида аниқланган;
хорижий ва маҳаллий йиғувчи ва кўпикловчи кимёвий реагентларни қўллаб графит рудасини бойитишнинг мақбул шароитлари топилган;
графит рудасини керакли синфгача майдаланиш кинетикасининг ва бойитилган графит концентратининг мақбул ҳолатда чиқиши учун майда заррачаларнинг мақбул миқдорини майдаланиш вақтининг корреляцион боғлиқлиги аниқланган;
графит рудасини ҳам кўпик ҳосил қилувчи, ҳам йиғувчи вазифасини бажарувчи универсал УГК  реагент билан флотацион бойитишнинг самарали усули ишлаб чиқилган;  
рентгенфазали, ИҚ-спектроскопик ва сканерловчи электрон микроскопик таҳлил усуллари ёрдамида сурков ва оловбардош материалларни олиш талабларига тўлиқ жавоб берадиган графит концентратининг мақбул таркиби аниқланган;
графит-шамот оловбардош материалларининг физик-механик ва физик-кимёвий кўрсаткичлари ўзгаришининг каолин : шамот : графит концентрати масса нисбатига боғлиқлиги аниқланган;
графит рудасини бойитиш ва қайта ишлаш орқали сурков ва оловбардош материаллар олиш технологияси ишлаб чиқилган.
IV. Тадқиқот натижаларининг жорий қилиниши.
Тасказган графит рудасини бойитиш ва қайта ишлаш орқали сурков ва силикат материалларини олиш технологиясини ишлаб чиқиш бўйича олинган илмий натижалар асосида:
Тасказган конининг графит рудасини флотацион бойитиш технологияси “Навоий кон-металлургия комбинати” АЖда амалиётга жорий этилган (“Навоий кон-металлургия комбинати” АЖнинг 2022 йил 27 июндаги 23.01-01-07/434-сон маълумотномаси). Натижада, сурков ва оловбардош материаллар ишлаб чиқариш талабларига жавоб берадиган флотоконцентратини олишда, маҳаллий универсал УГК кўпиклаштирувчи реагентдан фойдаланиш имкониятини берган; 
графит  рудаларини  янги турдаги реагентлар билан бойитиш технологияси «SPZ-BEARINGS» ҚКда “2024-2026 йилларда амалиётга жорий этиш бўйича истиқболли ишланмалар рўйхати”га киритилган («SPZ-BEARINGS» КҚнинг 2022 йил 28 июндаги 83/06-22-сон маълумотномаси). Натижада, графит сурков материалининг янги турини келгусида электротехника, машинасозлик, металлургия ва кимё саноатида қўллаш учун ишлаб чиқаришни ташкил этиш имкониятини беради.